Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

pozarnikari cizmi13.02.2020 По околу едена година од последната набавка, кочанските пожарникари добија дополнителни заштитни средства за интервенции на терен. Локалната самоуправа на Кочани им обезбеди противпожарни интервентни чизми и наменски поткапи за заштита од високи температури.

Чизмите се наменети за дејствување во затворен простор. Тие ги исполнуваат соодветните стандарди за заштита, изработени се од кожа, заштитуваат од пробивање, ѓонот штити од топлина и лизгање, а поседуваат и други карактеристики предвидени со посебен стандард за квалитет.

Повеќе...

unibanka 20god13.02.2020  Јубилејот 20 години од отворањето на експозитурата во Кочани, УНИБанка го одбележа со свечена прослава што се одржа во средата вечерта во ресторанот „Амор“, а на истата присуствуваа голем број гости, клиенти и соработници од источниот регион на земјата. Како домаќин, градот Кочани приреди програма со која се создаде одлично расположение за присутните.

Ова е свечен момент за сите вработени од експозитурата но и за клиенти на банката. Денес може да бидеме горди на многубројните проекти кои ги имаме финансирано во изминативе 20 години, преку кој нашите клиенти успеаа да ја зголемат вредноста на своите компании, да станат поуспешни и поконкурентни на пазарот.

Повеќе...

kocani panorama03.02.2020 Инвеститорите и граѓаните кои до крајот ан оваа година во Кочани ќе градат објекти за домување ќе плаќаат за 20 отсто понизок надоместок за уредување на градежното земјиште, односно за комуналии.

 

Едногласна одлука за намалувањето донесе општинскиот Совет, при што првичниот предлог со кој се предвидуваше тоа да трае до крајот на мај, беше продолжен до 31 декември.

 

Намалувањето на висината на надоместокот за комуналии, утврден со Програмата за уредување на градежно земјиште на поодрачјето на општината за 2020 година, се однесува на изградбата на објекти со намена за домување и комерцијални дејности, но не и за викенд куќите  на Пониква. 

 

Повеќе...

asfalt straso erbapce03.02.2020  Општина Кочани отвори постапка за јавна набавка за избор на изведувач за реконструкција на седум улици во градот.

 

Поради лошата состојба во која се наоѓаат одредени делови, во Програмата за уредување на градежното земјиште за 2020 година е предвидена реконструкција на улиците: „Четврта македонска бригада“ (260 м), два крака на улицата „Маршал Тито“ (крак 1 – 90 м и крак 2 – 130 м), „Илинденска“ (250 м), „Плачковица“ (190 м), „Коста Рацин“ (220 м) и „9 Мај“ (570 м).

Повеќе...

osogoovo kozuf03.02.2020  Обновениот и подмладен состав на ФК Осогововикендов го одигра првиот од неколкуте закажани пријателски контролни натпревари пред почетокот на пролетниот дел од првеснството во Втрата лига исток. На стадионот во Македонска Каменица нашата екипа се сретна со тимот на домашната „Каменица Саса“ и одигра нерешено 2:2.

 

 

Домаќините први дошле во водство со голот на Здравков во 15 минута и со резултат од 1:0 се отишло на пауза. Во вториот дел домашниот тим ја продложил иницијативата и нападите што придонело да го зголеми водството во 60 минута со погодокот на Ѕурѕу.

 

 

Таквиот резултат како малку да ги освестил гостинските фудбалери , по што почнале почести напади кон голот на „Каменица Саса“.

Повеќе...

fudbal stars 200616.10.2019  Младите фудбалери на “Фудбал старс“ продолжуваат со добрите настапи во првенството на Регионалната југоисточна лига.

Во рамки на 4 коло успех забележа генерацијата 2006. Таа со резултат 4:0, на домашен терен, ја совлада незгодната екипа „Брегалница“ од Штип, која е еден од конкурентите за пласман на врвот. Со убедливата победа токму против штипјани јуниорската екипа на „Фудбал старс“ го зачува првото место на табелата.

Пофалба за успехот заслужува целата екипа, а посебно стрелците на головите, при што Марио Симоски постигна два погодока, а по еднаш противничката мрежа ја затресоа Ненад Малинов и Николче Ефремов.

Повеќе...

muiltikulturen centar15.10.2019  Наскоро започнуваат градежните работи во Мултикултурниот центар. Избрана е градежната компанија што ќе работи на неговата реконструкција. Од постапката за избор на најповолен понудувач, реализирана според ПРАГ-процедурата, остануваат уште неколку чекори, по што ќе започне да тече рокот за изведба, којшто е планиран на 14 месеци од потпишувањето на договорот.

За реконструкција и адаптација на зградата на Мултикултурниот центар ќе бидат наменети 316 илјади евра, од кои 213 илјади евра се од Интерег ИПА-програмата, 37.000 се од Министерството за локална самоуправа и 65 илјади евра се кофинансирање од Општина Кочани.

 

Повеќе...

sumski pozar01.04.2019  Во пожарот што ги зафати падините на Осоговските Планини кај кочанското село Цера до сега изгореа над 50 хектари со букова и борова шума.

Пожарникарите од Територијалната противпожарна единица од Кочани трет ден се на терен, но немоќни се во локализирањето на пожарот поради непристапноста на теренот, а силниот ветер и сувата вегетација дополнително помагаат огнот брзо да се шири.

Командирот на ТППЕ, Благој Паунов истакна дека интервенирале повеќе од 48 часа и ги ангажирале сите пожарникари и опремата со која располагаат.

Повеќе...

Uniformi Pozharna07.02.2019  Територијалната противпожарна единица од Кочани доби нови работни униформи, неопходни за извршување на секојдневните работни обврски.

За набавката беа издвоени средства од буџетот на Општина Кочани, а таа се реализира после неколку години.

- Добивме работни униформи, 18 парчиња, што се состојат од панталони, кошули, џемпер, маици, капа, кондури и чизми, што ни беше неопходно за извршување на секојдневните работни обврски. Униформите ги добиваме после неколку години и е од големо значење за нашата професија, рече Благојчо Паунов, командир на ТППЕ - Кочани.

Повеќе...

Ponikva zima21.01.2019  Локалната самоуправа на Кочани ги започна проектните активности за изградба на мини акумулација на Осоговските Планини за водоснабдување на туристичкиот центар Пониква.

Во тек е постапката за избор на фирма што ќе ги направи истражните геотехнички испитувања и ќе изработи основен проект за браната, а за што од општинскиот буџет е планирано да се потрошат близу 2,2 милиони денари. 

Мини акумулацијата ќе биде лоцирана во месноста Арамиска чешма, во непосредна близина на Пониква и главна цел е да обезбедува вода за постојните и новите викендички во населбата, за одморалиштата, како и за планинските поила за сточниот фонд.

Повеќе...

Осветување на манастирот “Св. Климент Охридски“ - Осоговски Планини
giweather joomla module
Најчитани статии во последните 30 дена
Најчитани статии по месеци
Најчитани статии по години


Имаме присутни 106 гости и нема членови


web counter



qr code