Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

izborna komisija21.09.2018  Општинската изборна комисија во Кочани во целост e подготвена за референдумското изјаснување.

Оттаму ги потсeтуваат граѓаните дека според календарот на активности, привршува рокот за пријавување на болните и изнемоштените лица кои сакаат да го искористат своето граѓанско, односно гласачко право во домашни услови. Крајниот рок е до сабота до 24 часот, за што од ОИК најавија дека до овој термин ќе има дежурство.

Притоа за пријавување е неопходна потребната лекарска документација од лекар специјалист, но и соодветен документ од Центарот за социјални работи за оние лица кои користат туѓа нега.

Повеќе...

spomenik na slobodata kocani21.09.2018  Определбата на Локалната самоуправа на Кочани да го оплемени и да го заживее просторот на Споменикот на слободата ќе продолжи и во наредниот период, со оглед што тој е влезен во проектите за кои се бара финансиска подршка.

До Светска банка е поднесен проект вреден 345 илјади евра за реставрација и конзервација на Споменикот, кој заедно со проектот за уредување на околината, би резултирал со комплетно уредена целина.

Истовремено, таквите заложби добиваат сеопфатна поддршка, не само од граѓаните на Кочани, туку и од гостите и од оние кои на специфичен начин се поврзани со овој значаен објект.

Повеќе...

stolcinja stadion21.09.2018  По подолг период на стадионот “Никола Мантов“ ќе има подновување во поглед на обезбедувањето подобри услови за гледачите.

На објектот веќе се донесени нови пластични столчиња како донација, а што е дел од планот за подобрување на инфраструктурните услови. Се очекува во наредните денови да започне монтирањето на столчињата на западната трибина.

Од ГФК “Осогово“ рекоа дека со тоа се остваруваат најавите од минатата година оти ќе се работи на унапредување на условите за работа, но и на подобрување на условите за посетителите.

Повеќе...

centar poprecenost20.09.2018  По повеќегодишно исчекување, конечно во Кочани повторно е отворен Дневен центар за згрижување на децата со попреченост. Сместен е во зградата на детската градинка “Павлина Велјанова“, во клонот кај градскиот пазар.

Објектот има засебен влез од западната страна и располага со две занимални, кујна и помошни простории.

На отворањето на оваа установа, што ќе работи во составот на Центарот за социјални работи од Кочани, присуствуваше министерката за труд и социјална политика, Мила Царовска, која рече дека со ова ќе им се подобри квалитетот на живеење на лицата со атипичен развој, особено што ќе се избегне нивното секојдневно патување во соседните градови каде веќе работат слични дневни центри.

Повеќе...

velospiedisti defile20.09.2018  Ученици, професори, членови на велосипедски клубови и голем број љубители на велосипедот како превозно средство се вклучија во велосипедското дефиле низ Кочани, за да го одбележат претстојниот 22 септември - Светскиот ден без автомобили.

Организатори на дефилето се Спортскиот клуб „Тркало“ од ОУ „Раде Кратовче“, ОУ „Малина Попиванова“ како дел од веломрежата на Република Македонија, Здружението „Екологик“, Швајцарската агенција за развој и соработка и Општина Кочани.

Во велосипедското дефиле се вклучи и градоначалникот на Кочани Николчо Илијев, кој повика жителите на Кочани што повеќе да се користат велосипеди наместо моторни возила. Тој рече дека во иднина се размислува да се корегираат одредени улици со велосипедски патеки.

Повеќе...

kochani-civil20.09.2018  Граѓаните на Кочани имаа можност јавно да ги искажат своите ставови во врска со договорот од Преспа и за претстојниот рефереднум, преку активноста што ја организираше невладината организација “Цивил“ од Скопје.

На штандот што беше поставен во близина на плоштадот во Кочани, можеа да се прочитаат голем број пораки во стилот „Гласам за преспанскиот договор и за вечна Македонија“, „Јас имам глава за што да се одлучам“, „За европска Македонија, доволно чекавме“.

Од невалдината “Цивил“ рекоа дека освен граѓаните на Кочани, на слични штандови своето мислење можат да го искажат и жителите на поголем број други градови во државата.

Повеќе...

kocani reka crkva19.09.2018  Во периодот од почетокот на оваа година до крајот на август Општина Кочани поднесе вкупно 23 апликации за проекти преку повеќе програми од различни области.

Од нив осум се одобрени, за седум во тек е постапка на реализација, 14 се во процедура, а еден е одбиен.

До Програмата за прекугранична соработа, во партнерство со општина Разлог, Бугарија е поднесен проектот „Регулација на дел од кејот на Кочанска Река од местото викано Зебец до местото викано Бавчалук“, а во партнерство со училиште од селото Мусомиште е поднесен проект за реконструкција на дел од училишната зграда на ОУ „Св. Кирил и Методиј“.

Повеќе...

zemjodelci zadrugi prezentacija19.09.2018  Македонската развојна фондација за претпријатија и водечката организација „Care“ од Германија го спроведуваат проектот „Поддршка за развој на земјоделски задруги“. Проектот има за цел да придонесе кон поголема продуктивност и конкурентност на земјоделскиот сектор во земјата.

Специфичната цел на проектот е зголемување на пазарната конкурентност и соработката меѓу земјоделците во земјата, преку создавање поволни услови за развој на постоечките и создавање нови земјоделски задруги.

Информативна средба со земјоделците се одржа во општинската сала во Чешиново со цел претставување на предностите од здружувањето во земјоделски задруги.

Повеќе...

debata deponii kocani19.09.2018  Дивите депонии и непланското и неселектирано исфрлање на отпадот беше тема на работилницата што се одржа во Кочани, а чиј организатор беше невладината организација “Зелен институт“ од Скопје.

Целта беше да се разгледаат предлози и идеи за изнаоѓање решенија за проблемот со отпадот и дивите депонии на територијата на општината.

Пред присутните беа претставени резултатите од спроведените анкети во неколку градови во државата, меѓу кои и Кочани, при што оценка е дека кај нас состојбата е нешто подобра во споредба со другите.

Повеќе...

rade kratovce pokazna vezba zemjotres19.09.2018  Четворица повредени ученици и една опожарена училница е билансот од земјотресот, а по него и пожар што избувна утрово во ОУ „Раде Кратовче“, како дел од тактичко-показната вежба спроведена во ова училиште.

Со две возила на ТППЕ - Кочани кои пристигнаа во училиштето, кочанските пожарникари повторно уште еднаш ја покажаа подготвеноста при справување во вакви елементарни непогоди. Освен гаснење на пожарот, ги извадија на носила и сите повредени ученици.

Прва помош укажаа екипи од ОО на Црвен крст - Кочани, а од раководството на училиштето изразија голема благодарност до сите учесници во вежбата. Заклучокот е дека ОУ „Раде Кратовче“ е подготвено да ги евакуира сите ученици и вработени при вакви непогоди.

Повеќе...

Осветување на манастирот “Св. Климент Охридски“ - Осоговски Планини

24°C

Кочани

Ведро
Влажност на воздухот: 41%
Ветер: North при 56 kmh
Вторник4°C/19°C
Среда4°C/18°C
Четврток4°C/21°C
Петок9°C/23°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 95 гости и нема членови


web counter



qr code