20.03.2014 „Никола Мантов“ започна да се реновира. Подоцна од предвиденото, но навремено доколку градежните работи забрзаат.
Реновирањето на стадионот „Никола Мантов“ ќе опфати реконструкција на гардеробите и подготовка на теренот за напролет да угости две големи репрезентации во женски фудбал.
Градскиот стадион ќе се реновира во следните неколку месеци. Просторот под трибините досега беше во лоша состојба, со оштетен инвентар и дотраени реквизити.
Со исполнувањето на меѓународни стандарди стадионот „Никола Мантов“ ќе може да аплицира за организирање на важни фудбалски натпревари.
Со тоа плановите во месец април беа за првпат после 20 години од осамостојувањето да се организира меѓународен натпревар против репрезентацијата на Шпанија, а исто така на 8 мај со репрезентацијата на Италија, но последните информации говорат дека овие две селекции ќе гостуваат на националната арена „Филип Втори“.
Санациони активности на стадионот не се преземени уште од раните деведесетти години кога беше изградена северната трибина. Стадионот во Кочани досега беше домаќин на три натпревари на машката фудбалска репрезентација до 21 година против Данска, Кипар и Турција, сите во рамки на квалификациски циклуси за Европско првенство.
Плановите се квалификации за лига на шампиони, но дотогаш треба „Кочани“ или евентуално „Иднина С“ да ја освојат шампионската титула.
Г.Лалов
©2014 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
{youtube}
|700|525|0{/youtube}