24.04.2014 Реконструирани соблекувални, реквизити, санитарни јазли за екипите, но и за публиката, нови стативи, кабини со приклучок за интернет за новинарите... Тоа се дел од активностите за санација на „Никола Мантов“ што набрзина ги презема Локалната самоуправа за пролетва да ги исполни упатствата дадени од ФФМ.
Градоначалникот Димитровски, како и службите што се вклучени во активности го посетија градскиот стадион за да увидат до каде се стигнати зафатите што се преземаат.
- Реновирани се сите простории за екипите и судиите, како и просторијата за допинг тестови.
Повеќе од 90 проценти од работите се готови и за 15 дена очекуваме комплетно завршување, заедно со теренот, за се бидеме спремни за натпреварите што не очекуваат, рече Ратко Димитровски, градоначалник на Кочани.
Освен инспекцискиот увид во работите, претставници на ФФМ донираа по три фудбалски топки од производителот на спортска опрема „пума“, наменети за 6-те екипи од Општина Кочани што се натпреваруваат во општинската лига.
Г.Лалов
©2014 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
{youtube}
|700|525|0{/youtube}