Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

POZAR TRKANJE31.12.2015   Пеплосани греди од кровната конструкција, уништени прозорци и врати и целосно изгорена покуќнина е епилогот од пожарот што 10-тина часа во текот на изминатото деноноќие беснеел во двете куќи на семејствата Крстеви од Тркање.

Причина за избувнување на огнот најверојатно е неисчистениот и стар оџак, од кој биле зафатена дрвената покривна конструкција, а за кратко време почнал да гори и мебелот во куќите.

Дополнително пожарот се проширил и на дрвениот под на горниот кат, од каде преминал и на приземјето, кое исто така претрпело материјална штета.

Членовите на семејството Крстеви само немоќно гледаа во она што останало од стихијата и констатираа дека сепак најдобро е што нема повредени лица.

- Голема штета, до темел е изгорено. Тоа мора од нула да се почне, да се бутне, зафатени се и двете куќи бидејќи се залепени, и првиот и вториот спрат е изгорено, скоро сто отсто. Оџакот почнал да жари и додека дојде пожарната огнот се рашири и немаше спас, луѓето се бореа, се изгаси огнот, ама штетата е 100 отсто, штетата е голема. Најважно е што нема повредени, тоа е најбитно, а штетата си е штета, рече Перо Соколов, роднина на семејството Крстеви

Првите знаци на оган од оџакот се појавиле уште попладнето, но домашните успеале привремено сами да го локализираат. Сепак, не насетиле дека состојбата е сериозна, па во текот на вечерните часови тој повторно се појавил и брзо се проширил. На помош веднаш биле повикани пожарникарите од Кочани, кои во текот на ноќта успеале да го изгаснат.

- Од 20 часот до 2,40 беше завршена интервенцијата. Опасно, беше зафатена цела кровна конструкција, потоа на долниот спрат, а бидејќи куќата е залепена имаше и на другата куќа зафатено. Со пет возила и 12 пожарникари интервениравме, рече Валериј Џидров, пожарникар во ТППЕ – Кочани.

Пожарникарите превентивно дежураа и во текот на претпладнето со оглед што на одредени места кровната конструкција се уште чадеше. Истовремено го повторија апелот до граѓаните кои се греат на дрва да ги исчистат оџаците и димоводите за да се спречат слични несакани ситуации.

Т. Ајтовски

Share

©2015 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.

Осветување на манастирот “Св. Климент Охридски“ - Осоговски Планини

7°C

Кочани

Ведро
Влажност на воздухот: 81%
Ветер: North при 2 kmh
Четврток-3°C/14°C
Петок-3°C/12°C
Сабота-2°C/9°C
Недела0°C/9°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 118 гости и нема членови


web counter



qr code