Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

UAPAN OD KUCE18.01.2016  Драган Амповски од Кочани пред камерата на Канал 8 со солзи во очите зборува дека крајно време е да се преземат мерки за справување со проблемот кучиња скитници. Еднаш во кругот на болницата, втор пат кај автобуската станица, едно исто куче го каснало два пати на различни делови од телото.

- Истото куче ме касна два пати, еднаш на ногата, втор пат кај половината. Првиот пат ме касна кога одев на болница, а вториот пат кај автобуската станица. Едвај се одбранив, се бранев со што можам, ми помогна и еден човек што беше во близина, но пак ме касна. Пријавив и во полицијата, но таму ми рекоа веднаш на идам во Итна медицинска помош каде што веднаш ми ја преврзаа раната, рече Драган Амповски.

И не само овој човек настрадал од каснување. Истото куче кое најчесто се движи во кругот на автобуската станица во Кочани има каснато до сега 12 лица од кои 8 во последните две недели. Центарот за јавно здравје досега повеќепати реагирал до релевантните институции за овој проблем, но досега не е преземено ништо.

- Проблемот со кучињата скитници е покомплексен и поопширен но сега се работи за случај со едно куче кое што во текот на минатите две - три недели има каснато осум лица од две се жени и шест мажи. По опишувањето на кучето и локацијата на напаѓање се работи за истото куче скитник, а тоа е жолто куче кое ги нападнало луѓето во близина на автобуската станица и ОУ „Никола Карев“. Ова исто куче во рок од една година има нападнато и каснато дури 12 лица. Пациентите кои се каснати прво се изложени на физичка повреда и психолошки стрес, а потоа и на дополнителни трошоци и непотребни малтретирања. Прво одат на Итна медицинска помош а потоа оттаму ги препраќаат и на хирургија, на Инфективно во Штип за антирабична заштита и кај нас на епидемиологија бидејќи не знаеме дали се работи за вакцинирано куче и мораме да ги заштитите пациентите. За овој проблем ние ги известивме и упативме и молба и барања до сите релевантни институции Општина Кочани, ветеринарен инспектор, КЈП „Водовод“ и Центарот за управување со кризи а знае и полиција но проблемот со ова куче се уште не е решен. Затоа апелирам до сите надлежни и одговорни лица овој проблем под итно да се реши бидејќи недозволиво е во 21 век во една цивилизирана средина да се случуваат вакви нешта, рече д-р Натка Каранфилова, специјалист – епидемиолог.

Д-р Каранфилова додаде дека цела среќа во несреќата е што кучето не боледува од беснило, оти во спротивно ќе имало и појава на опасната заразна болеста.

Канал 8 разговараше со одговорните во КЈП „Водовод“ кои заедно со екипи од Ветеринарниот центар „Тодор Велков“ од Куманово не информираа дека дури денеска е фатено кучето и тоа со асистенција од полицијата, од причина што сопственикот досега го криел и не го давал.

КЈП „Водовод“ во соработка со Ветеринарниот центар од Куманово редовно врши акции на заловување кучиња скитници. Во текот на последната акција заловени се уште десетина кучиња скитници.

Т. Велкова

Share

©2015 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.

Осветување на манастирот “Св. Климент Охридски“ - Осоговски Планини

6°C

Кочани

Заоблачено
Влажност на воздухот: 87%
Ветер: NE при 22 kmh
Четврток2°C/11°C
Петок3°C/13°C
Сабота2°C/12°C
Недела7°C/13°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 83 гости и нема членови


web counter



qr code