Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

vodici kocani 201619.01.2016  28-годишниот Далибор Стојанов од Кочани успеа меѓу 48-те пријавени момчиња прв да стигне до крстот во водите на Кочанска Река по повод празникот Богојавление - Водици.

Десет пати до сега се пријавува за овој чин и конечно упорноста му се исплати, па му се насмеа среќата да го фати Светиот крст. Најсреќниот Стојанов со неговите другари според обичајот ќе ги посетат семејствата во градот, кои го даруваат крстот со пари за здравје и среќа.

Тој пред сите присутни ја даде христијанската заклетва и посака Бог да му дари здравје на него и неговите најблиски.

- Многу сум среќен што го фатив крстот. Ова е десетта година по ред како се фрлам по крстот и конечно се најде во моите раце. Најголема желба ми е Бог да ни даде здравје на мене и моето семејство, рече Далибор Стојанов.

Празнувањето на верскиот празник Водици во Кочани е еден од најмасовните црковно - верски манифестации. Тоа беше потврдено и годинава кога покрај кејот на кочанска река присуствуваа голем број верници. Чинот на потопување на Светиот крст и осветување на водата го изврши Митрополитот Брегалнички Иларион со свештеници од Брегалничката епархија.

- Бог се јави, честит и вечен празникот, Господ Семилостивиот нека дарува мир и благосостојба на сите луѓе, во татковината наша и во целиот свет. Овој е голем празник, празник кој што Светата Црква го празнува и слави во чест на кршевањето на Христа на Јордан од Јован заради нас и нашето спасение. Традиционално и во вековите наназад еве и денеска повторно Светиот крст се фрли во кочанскиот Јордан каде што ова младо момче го фати и го извади од водите. Се надеваме дека Бог ќе му подари здравје, мир и благосостојба и годината што настапува ќе му биде благопријатна и благословена, рече г. Иларион, митрополит Брегалнички.

Годинава чинот на потопување на крстот помина без многу награди за момчето кое го фати. Причината е да не бидат наградите повод да се пријавуваат момчињата за скокање, туку верата во Бог. Од градоначалникот Ратко Димитровски доби златник, а од кочанскиот храм Свето писмо Библија.

-С акам во оваа прилика на сите наши сограѓани од православна вероисповед да им го честитам големиот празник Богојавление. Сакам да ги поздравам и сите што се тука, што ја продолжуваме оваа традиција и што го негуваме и одржуваме христијанството, а посебно на оние кои што го слават овој ден како куќна слава и именден, како и на момчето што го фати крстот му посакувам многу здравје, среќа и успеси во новото лето Господово, рече Ратко Димитровски, градоначалник на Општина Кочани.

Пред одржување на чинот на потопување на честниот крст во храмот „Св. Вмч Ѓорги“ се одржа Света Божествена литургија по што со свечена литија верниците и свештениците се упатија кон мостот во паркот каде се потопуваше крстот. Успешно помина и лицитацијата на иконите и крстот кој беше продаден по цена од 11.000 денари, а го купи претседател на советот на Општина Кочани, Јордан Димитров. Оние кои ги купија иконите ќе ги чуваат во своите домови 40 дена за здравје по што ќе бидат вратени во црквата.

Празникот Богојавление е поврзан со крштевањето на Исус Христос во водите на реката Јордан од Свети Јован, кој оттогаш се нарекува Крстител, а фаќањето на крстот означува соединување на човекот со Христа. Тој важи за еден од најголемите христијански празници.

Т. Велкова

Share

©2016 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.

Осветување на манастирот “Св. Климент Охридски“ - Осоговски Планини

7°C

Кочани

Заоблачено
Влажност на воздухот: 87%
Ветер: NNE при 13 kmh
Понеделник-3°C/7°C
Вторник1°C/9°C
Среда3°C/12°C
Четврток3°C/14°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 172 гости и нема членови


web counter



qr code