Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

ucilliste podlog08.03.2016  Јапонската влада ќе го помогне реновирањето на зградата на подрачното основно училиште “Св. Кирил и Методиј“ во Горни Подлог за што веќе одобри неповратен грант во висина од 70.479 евра.

Помошта е дел од меѓународната програма „Грант помош за поддршка на мали проекти“ со која се финансираат вкупно пет проекти во Македонија.

Два од нив се однесуваат на реновирање на објекти во населените места што претрпеа штети нанесени од поплавите во 2015 година, а кај останатите проекти се обезбедува помош за моменталната бегалска, односно мигрантска криза.

Потпишувањето на договорот за одобрување на средствата се реализираше во Јапонската канцеларија за врски во Скопје, по што Локалната самоуправа како носител на проектот, ќе ги преземе активностите за избор на изведувач и реалзиација на градежните работи.

Поради штетата, во училишната зграда во Горни Подлог има провев и е студено во текот на зимскиот период, а влагата е значително проширена и претставува опасност по здравјето на учениците и вработените.

На последната седница на Советот на Општина Кочани, беше дадено кратко образложение за проектот, односно што е планирано да биде опфатено со реконструкцијата.

- За проектот “Санација на училиштето во с. Горни Подлог“, проектот се однесува на реновирање на училиштето, односно замена на кровот, фасада, прозорци и делумна обнова на подот, рече Елена Димитровска од Секторот за планирање и развој на Општина Кочани.

Училиштето во Горни Подлог е изградено пред 50 години, а во изминатиот период само еднаш имало градежни зафати за доградба и извесна реконструкција. Се работи за објект во кое настава од 1 до 9 одделение следат 130 деца од ова и соседните села Мојанци и Долни Подлог. Училиштето има потреба од реновирање откако беше погодено од поплавите во февруари 2015 година.

Инаку, покрај Кочани, грантови за своите проекти добиваат и општините Берово, Куманово, Свети Николе и Кривогаштани, за што владата на Јапонија доделува вкупна помош од 302 илјади евра.

Т. Ајтовски

Share

©2016 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.

Осветување на манастирот “Св. Климент Охридски“ - Осоговски Планини

8°C

Кочани

Заоблачено
Влажност на воздухот: 100%
Ветер: WNW при 2 kmh
Среда3°C/12°C
Четврток1°C/12°C
Петок1°C/12°C
Сабота2°C/11°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 112 гости и нема членови


web counter



qr code