Започна акција за земање крв од овците и козите за испитување на бруцелоза

Вести

Секој ден во 18,00 и 22,00 часот објективно и навремено Ве информираме за најважните настани во Кочани и регионот.

На денешен ден

На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.

Естрада плус

Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.

Православна ризница

Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

17.05.2016 Минатата година во Кочанско не е регистриран ниту еден случај на бруцелоза кај стоката, информираат од Ветеринарната амбуланта „Вет мед“ врз основа на проверката на терен со испитување крв кај овци и кози.

Тоа се должи на континуираните акции за испитување на крвта кај стоката и евиденција и вакцинација на подмладокот на стоката против оваа болест, како и одличната соработка со сточарите, вели д-р Ѓорѓе Атанасов, доктор по ветеринарна медицина.

Д-р Атанасов информира дека годишното вадење крв за проверка на бруцелоза кај стоката кое секоја година започнуваше во март годинава започна од средината на мај.

- Претходните резултати покажуваат дека болеста бруцелоза не е присутна кај нас. Треба да испитаме околу 5.000 грла овци и кози. Бруцелозата е заразна болест, зооноза, болест што е карактеристична за животните, меѓутоа можат да заболат и луѓето. Симптомите обично се појавуваат кај бремените овци и кози и тоа со абортус или предвремено раѓање на плодот, рече д-р Ѓорѓе Атанасов, доктор по ветеринарна медицина.

Д-р Атанасов апелира до сите одгледувачи на овци и кози што побргу да се обратат до ветеринарните амбуланти за да се договори термин за вадење крв за испитување на болеста.

Стручните екипи на Ветеринарната станица и амбулантите деновиве започнаа и со годишниот попис на овци и кози за 2016 година во поширокиот кочански регион.

Инаку, акцијата за испитување на крв кај стоката за утврдување на бруцелоза е согласно зацртаната Програма за превенција на стоката во земјава ќе трае до 2020 година, кога и треба да се утврди дали оваа болест целосно е искоренета кај стоката.

Т. Велкова