Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

TRAJANOVO TRLO28.07.2016  Наместо мирна и тивка населба, со новоградби и пријатни услови за домување, Трајаново Tрло со години се претвораше во една голема депонија.

За да се спречи еколошка катастрофа, жителите повеќепати реагираа до надлежните да им помогнат. Деновиве просторот е расчистен и конечно наликува на урбана локација, на која наместо ѓубре, се очекува да никне зеленило и да се постави урбана опрема.

Граѓаните кои живеат овде постојано се жалеа дека несовесноста на нивните сограѓани го претворила околниот простор во место што секој го одбегнува, иако било планирано да се облагороди и да стане место за одмор и рекреација.

Соседите од блиските куќи велат дека конечно успеале во нивните лични заложби и интервенции кај надлежните да го запрат исфрлањето на комунален отпад и ширењето на депонијата.

- 11 години веќе се расправаме со оваа депонија тука, се соочуваме со овие гадотии, кажано народски, со алергии, со смрдеа, со болести. Од луѓе не направија нелуѓе, ние почнавме со сите буквално да се расправаме, буквално пред врата ти истураат и секогаш со агресија од нивна страна, многу пати и на ќотек се нафрлаат, рече Љубица Стоименова, жителка на Трајаново Трло.

- Мојот апел до сите граѓани е да престанат со исфрлање на шут или каков било смет, и оваа населба да добие лик на урбана средина и место достојно за живеење. Инаку, последниве 10-11 години, се исфрлаше и комунален отпад, умрени животни, и се ширеше неподнослива смрдеа, рече Зорка Стојанова, жителка на Трајаново Трло.

Жителите на Трајаново Трло повеќепати иницирале петиции и собирале потписи, но и лично усно реагирале до надлежните во Локалната самоуправа, со барање да се преземат соодветни законски мерки за да се спречи ширењето на депонијата.

Контролите на теренот покажале дека реакциите се оправдани, па деновиве општинарите презедоа активности за расчистување и запирање на исфрлањето на отпадот.

Преку медиумите упатија известување дека се запира користењето на просторот како место за исфрлање шут и градежен отпад, за да се спречи повторното загадување и со комунален и со друг вид органски отпад. Истовремено предупредуваат дека ќе се преземаат и казнени мерки против прекршителите.

Т. Ајтовски

©2016 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.

Осветување на манастирот “Св. Климент Охридски“ - Осоговски Планини

8°C

Кочани

Заоблачено
Влажност на воздухот: 81%
Ветер: NNE при 9 kmh
Понеделник-3°C/7°C
Вторник1°C/9°C
Среда3°C/12°C
Четврток3°C/14°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 151 гости и нема членови


web counter



qr code