Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

Pijano105.08.2016  Конечно, по неколку години чекање и барање пари од надлежните, ОМУ “Ристо Јуруков“ ќе го репарира единственото полуконцертно пијано со кое располага.

Веќе го објави јавниот повик за избор на давател на услугата за поправка и штимање на музичкиот инструмент, за што е планирано да се потрошат околу 140 илјади денари. Пријавувањето на заинтересираните ќе трае до 9 август, што значи дека по завршување на административните процедури би требало репарацијата да се реализира до пред почетокот на новата учебна година.

Факт е дека на ова се чекаше предолго, особено ако се има предвид оти пред четири години, во рамки на манифестацијата “Кочани - град на културата“, светски познатиот пијанист Симон Трпчевски одржа концерт со хуманитарна цел, односно средствата од продадените влезници беа предвидени за поправка и одржување на пијаното.

Во меѓувреме немаше никакви активности, а чекањето и неизвесноста зошто тоа се случува беа причина за неколку реакции и на седниците на Советот. Првиот човек на Општината тогаш рече дека парите се чувале за намената, а најави оти имало и иницијатива да се купи сосема ново концертно пијано.

- Ние средствата ги чуваме уште. Во договор со дел од организаторите од музичкото училиште се чуваат за реновирање на овој клавир, но сакам да ви соопштам и друга вест дека имаме иницијатива за купување на еден вистински концертен клавир, односно концертно пијано. Тоа е една желба, веќе три-четири години наназад се обидуваме, очекуваме дека оваа година ќе биде усвоено, па сакаме да имаме уште порадосна вест, рече уште во август 2013 година Ратко Димитровски, градоначалник на Општина Кочани.

Сепак, и по три години, најавата за радосната вест што ја даде Димитровски не се исполни. Очекувањата државата да даде дел од потребните 4 милиони денари за купување професионално концертно пијано, се покажаа како нереални.

Сепак, на музичкото училиште, и на градот воопшто, поради долгата културна традиција неопходен му е професионален инструмент. Недостигот од него е една од причините врвни музичари да не настапуваат кај нас, а Трпчевски на пример, за настапот во Кочани си донесе сопствено пијано.

Т. Ајтовски

©2016 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.

Осветување на манастирот “Св. Климент Охридски“ - Осоговски Планини
giweather joomla module
Најчитани статии во последните 30 дена
Најчитани статии по месеци
Најчитани статии по години


Имаме присутни 83 гости и нема членови


web counter



qr code