Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

zapalena deponija10.08.2016  Веќе неколку дена облаци од густ и смрдлив чад се издигаат од градската депонија во близина на патот кон Пониква, а оттаму се шират по целиот планински предел, достигнувајќи дури и до оддалечените села Цера и Главовица.

Чадот стигна и до градот, па граѓаните на Кочани во текот на вечерните часови го почувствуваа мирисот на изгорено, поради што и телефонски реагираа во нашата редакција.

Она што можеше да се забележи на лице место е дека практично целата депонија гори, а на повеќе места се забележуваат и високи пламени јазици што излегуваат од отпадот.

Неколкумина од вработените во КЈП “Водовод“ со механизација истураат земја на местото каде што е најкритично со намера да се оневозможи пристап на кислород и горење на пластиката и хартијата. Сепак, за сега тешко им оди обидот да го изгаснат огнот.

Количината на земја во кругот на депонијата што е донесена за таа намена е недоволна, а ниту камионот со кој се се истура земјата не може да одговори на потребата. Поради тоа, неопходен е поширок ангажман на надлежните во претприајтието и во Локалната самоуправа за да се обезбеди доволно механизација и поголеми количини земја за да се затрупа запалениот отпад. Искуствата на вработените се дека кога депонијата ќе се запали тешко се гаси, па често чадот и пламенот траат со недели.

Претпоставките дека дошло до самозапалување поради присуството на органски отпад не можат да се земат како сигурни, па најверојатно причина за запалувањето е човечкиот фактор.

Ова не е прв пат депонијата да гори и од неа да се шири густ чад, но факт е дека со својата местоположба и присуството на запалливи материи таа е потенцијална опасност за поголеми пожари во околината, а уште повеќе за загадувањето на животната средина. Во “Водовод„ велат дека вршат постојан надзор на локацијата, околината редовно се заорува за да се спречи ширењето на огнот со оглед што во близина има и неколку викенд куќи и лозја.

Т. Ајтовски

©2016 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.

Осветување на манастирот “Св. Климент Охридски“ - Осоговски Планини

7°C

Кочани

Ведро
Влажност на воздухот: 81%
Ветер: North при 2 kmh
Четврток-3°C/13°C
Петок-3°C/12°C
Сабота-3°C/9°C
Недела0°C/9°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 114 гости и нема членови


web counter



qr code