СДСМ ги објави кандидатските листи за пратеници - Костов, Митева и Иванова на листата во ИЕ 3

Вести

Секој ден во 18,00 и 22,00 часот објективно и навремено Ве информираме за најважните настани во Кочани и регионот.

На денешен ден

На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.

Естрада плус

Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.

Православна ризница

Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

07.11.2016 По 21. партиски конгрес што се одржа викендов, СДСМ ги обелодени кандидатските листи за пратеници за предвремените парламентарни избори. Според распоредот, Општинската организација на СДСМ - Кочани котира високо, со оглед што нејзиниот претседател Сашко Костов се најде на 5 место.

Анализата на постигнатите резултати од досегашните изборни трки и бројот на гласовите што ги добивала партијата и нејзините коалициони партнери, покажува дека повеќе од сигурно е оти се работи за добитна позиција. Освен Костов, на листата има уште еден кандидат од општина Кочани, актуелната советничка Соња Иванова, која се наоѓа на 17 место.

Од микрорегионот солидна позиција има и кандидатот од Општинската организација на СДСМ од Виница, Славица Шуманска - Митева која е на 10 позиција.

Инаку, носител на листата за Изборната единица број 3 е Љупчо Николовски, дополнителен заменик министер за земјоделство.

Со ваквиот распоред на кандидатските листи се потврдуваат најавите на раководството на партијата дека најголем број од имињата ќе бидат млади лица, без негативна политичка и друга позадина, со што би се добила нова енергија и ентузијазам. Всушност, повеќето од предложените кандидати досега немале високи позиции во партиската структура на државно ниво, односно биле или се претседатели на општинските организации или членови со активно учество во работењето на партијата во последните неколку години.

Освен нив, на кандидатските листи има места и за припадници на коалиционите партнери, како и за непартиски кадри, односно активисти од граѓанскиот сектор. Образложението на претседателот на СДСМ, Зоран Заев, искажано на последниот партиски конгрес, е дека одлуката на овој начин да бидат составени листите е за да се покаже оти граѓанскиот концепт е победнички, а Македонија треба повторно да биде вратена во рацете на граѓаните.

T. Aјтовски