СДСМ: “Градоначалникот Димитровски спроведува непотизам во унапредувањето вработени во Општината“

Вести

Секој ден во 18,00 и 22,00 часот објективно и навремено Ве информираме за најважните настани во Кочани и регионот.

На денешен ден

На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.

Естрада плус

Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.

Православна ризница

Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

29.06.2017 Локалната власт на Кочани, предводена од градоначалникот Ратко Димитровски продолжува да спроведува политика на непотизам и партизирање на администрацијата во Општината.

Ова беше речено на прес конференцијата што ја организираше Општинската организација на СДСМ од Кочани, а на која зборуваше нејзиниот секретар, Ванчо Петрушевски.

Тој го обвини првиот човек на Локалната самоуправа дека направил унапредувањето на повисоки функции на некои вработени кои се негови блиски роднини и пријатели или партиски членови на ВМРО-ДПМНЕ.

- Граѓаните се сведоци дека деновиве, во пресрет на претстојните локални избори, градоначалникот и секретарот на Општината потпишаа решенија со кои 11 лица ги унапредуваат на повисоки функции. Со новите решенија, Димитровски ја унапреди својата снаа во раководител на Секторот за планирање и развој, а ќерката на секретарот Петар Апостолов доби статус на советник во Одделението за информатика. Слично е и со партиски членови на ВМРО-ДПМНЕ, кои во иднина ќе извршуваат одговорни функции, иако се со краток работен стаж и искуство.

Лажни и лицемерни беа ветувањата на Ратко Димитровски дека во локалната администрација ќе го почитува професионализмот и стручноста. Со ова се докажува дека за сите овие години тој работеше само за себе, за своето семејство и партијата. Доаѓа време кога тој и неговата партија ќе понесат политичка одговорност за своето неодговорно работење, рече Ванчо Петрушевски, секретар на ОО СДСМ - Кочани.

Петрушевски додаде дека наесен граѓаните на Кочани ќе можат да изберат нова локална власт предводена од СДСМ, а која ќе се грижи за сите граѓани и ќе стави крај на непотизмот и на личните и партиски интереси.

Т. Ајтовски

©2017 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.