Независна листа за советници: Наместо високи суми за паушали на советниците, парите во хуманитарни цели

Вести

Секој ден во 18,00 и 22,00 часот објективно и навремено Ве информираме за најважните настани во Кочани и регионот.

На денешен ден

На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.

Естрада плус

Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.

Православна ризница

Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

06.10.2017 Високи суми пари се исплаќаат од буџетот на Општина Кочани за паушали за работењето на членовите на Советот, со што се прават и непотребни трошоци.

Таков е ставот на Независната листа за советници чиј носител е Венко Крстевски, при што на прес- конференција, што симболично се одржа пред салата на Советот, рекоа дека започнуваат иницијатива за укинување на паричните надоместоци за советниците и пренасочување на парите за хуманитарни цели.

- Редовна пракса е советниците во нашиот град секој месец да кешираат одреден паушал, што во денешно време, нашата пресметка, е цирка 50 илјада евра годишно, само на име паушал бруто исплатен на еден советник од вкупно 19. Значи, вкупно 19-те советници не чина цирка 50 илјади евра годишно. Прва задача во Советот да ни биде токму оваа иницијатива, да се пренасочат паушалите кон солидарни фондови за наши сограѓани, кои за жал ги има многу тешко заболени, а социјално ранлива група на семејства и буквално, наводното бесплатно лекување не е доволно за да го истретираат болниот достоинствено како што треба и најчовечки, рече Благица Сабовљевиќ Стоименова од Независната листа за советници – носител Венко Крстевски.

Сабовљевиќ Стоименова додаде дека економската состојба во општината е лоша и поради тоа тешко може да се полни општинскиот буџет. Доволен показател за тоа, според неа, е ставањето клуч на врата на голем број фирми.

- 2016 година беше катастрофална за кочанското стопанство каде што цирка 600 фирми потонаа, згаснаа, најверојатно биле микро и мали фирми, жртви на тешки услови и на непостоечката бизнис клима во Кочани. Го знаеме и фактгот дека има некаде околу 2000 хипотеки, кочанските граѓани ги имаат вложено своите станови, дадено под хипотеки во банките, додаде Сабовљевиќ Стоименова.

На крајот од ообраќањето до јавноста, таа рече дека без разлика дали кандидатите од независната листа ќе бидат дел од Советот или не, тие ќе ја продолжат иницијативата за укинување на паушалите за советниците. Притоа, очекуваат поддршка и од граѓанските здруженија и воопшто од граѓаните на општината.

Т. Ајтовски