Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

kucinja skitnici24.11.2017  Неефикасни се мерките што досега се преземени за решавање на проблемот со бездомните животни, пред кучињата скитници. Нивниот број не се намалува, иако од буџетите на општините во државата се издвојуваат средства за вакцинирање и соодветен третман на сегашната популација.

По улиците на Кочани и понатаму се забележуваат глутници што често се агресивни и ги напаѓаат минувачите, пред се постари граѓани и деца.

Овој проблем беше и главна тема на состанокот на Граѓанската советодавна група на кој, по иницијатива на граѓанските здруженија, се разговараше за можните начини за подобрување на ситуацијата.

На средбата присуствуваа и претставници од МВР, како и од Здружението за заштита на животните “Втора шанса“ од Кочани.

- Како што можете да забележите, на терен ситуацијата е страшна, навистина. Груба бројка е дека имаме 200 кучиња скитници, тоа ни е потврдено со материјален доказ, имаме слики од сите скитници што се на терен. Имаме напади, навистина непотребно, а со изградба на еден стационар ќе го решиме целиот проблем. Сега само бараме Општината да ни одобри изградба на стационар, односно да ни обезбеди соодветни услови за хуман третман на животните, рече Александра Арсов од Здружението “Втора шанса“ – Кочани.

На состанокот беше речено дека граѓанските здруженија се подготвени за соработка со надлежните служби и на општинско и на повисоко ниво, за конечно да се реши проблемот со бездомните кучиња. Сегашното заловување и третманот на животните е оценето како нехумано и треба да се промени.

- Многу помалку чини изградбата на стационарот и третирањето на бездомните животни, поточно во конкретниот случај, кучињата да се третираат овде во изграден стационар, отколку да се плаќа секој месец на служби кои се од други градови, затоа што има превоз и дополнителни трошоци, а пред се, прашање е дали службите кои ги заловуваат животните ги извршуваат сите услуги за кои се платени. Сведоци сме дека кучињата што се заловуваат на реонот на општина Кочани не се враќаат во истиот реон, туку добиваме кучиња кои се нови, тие се дезориентирани и нормално е дека ќе напаѓаат, додава Арсова.

Еден од предлозите е сопствениците на домашни миленици, особено на кучињата, да ги врзуваат, односно поради негрижа да не ги оставаат слободно да шетаат по улиците.

Сите предлози и заклучоци од состанокот на Советодавната граѓанска група ќе бидат доставени до надлежните општински служби.

T. Ајтовски

 

Сподели

©2017 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.

Осветување на манастирот “Св. Климент Охридски“ - Осоговски Планини

2°C

Кочани

Ведро
Влажност на воздухот: 93%
Ветер: ESE при 4 kmh
Среда0°C/17°C
Четврток-3°C/12°C
Петок-4°C/11°C
Сабота-3°C/9°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 95 гости и нема членови


web counter



qr code