54-та генерација матуранти од СОУ „Ванчо Прќе“ - Виница го прославија полнолетството

Вести

Секој ден во 18,00 и 22,00 часот објективно и навремено Ве информираме за најважните настани во Кочани и регионот.

На денешен ден

На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.

Естрада плус

Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.

Православна ризница

Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

22.05.2018 Радица Јованова е новиот ученик на генерацијата 2014-2018 во СОУ “Ванчо Прќе“. Таа е од Зрновци, но тинејџерските години ги поминала во училиштето во Виница.

Нејзиниот четиригодишен труд и посветена работа во училиштето и ја донесоа најголемата сатисфакција, да биде првенец од 126 матуранти кои ја завршуваат четврта година.

- Континуираниот одличен успех во овие четири години и освоените награди на државни и меѓународни натпревари ми ја донесоа наградата првенец на генерацијата. Планирам понатаму да се запишам на градежен факултет, рече Радица Јованова, ученик на генерацијата во СОУ “Ванчо Прќе“ - Виница.

Покрај Радица, како најдобри ученци беа прогласени и Верица Иванова и Сашо Донински. Од оваа учебна година училиштето ќе доделува по три награди, вели директорот Тихомир Тасев.

- Оваа година за првпат доделуваме три награди, ќе бидат доделени од страна на Ротари клубот Кочани - Виница. Со самата матурска вечер учениците го заокружија средното образовани. Во тек се матурските испити со полагање на матурски испит на 2 јуни кога се полага странски и на 9 јуни се полага мајчин јазик. До средината на јули 12-13 јули свечено доделување на дипломите, истакна Тихомир Тасев, директор на СОУ “Ванчо Прќе“ Виница.

Во средното училиште во Виница последните наставни часови ги завршува 54-та генерација матуранти кои деновиве го славеа и своето полнолетство.

Оваа учебна година од генерацијата 2014-2018 завршуваат 126 матуранти од кои мнозинството се со гимназиско образование, но и со дипломи за завршено стручно - машинско, текстилно и сообраќајно средно образование.

Т. Велкова

Сподели