26.10.2018 Неплатена сметка за радиодифузна такса во висина од 190 денари скоро цела година ја закочила ликвидацијата на меѓуопштинското јавно претпријатие “Пониква КП“.
Иако се работи за минимална и скоро симболична сума, овој долг се испречил во постапката што ја започнаа општините Кочани и Пробиштип за да го згаснат и избришат од Централниот регистар заедничкото претпријатие што го формираа пред околу четири години. Без разлика што тоа фактички не профункционира и не се реализираа заложбите за вработување на неколку лица од двете општини, сепак со самата регистрација почнало да создава обврски и да прави извесни долгови.
Токму неплатената сметка за телевизија се уште го одржала во живот, рекоа од Секторот за јавни дејности.
- Во постапката за ликвидација при обезбедувањето на документацијата ние бевме уверени, и така е, ова претпријатие не учествуваше во платниот промет, немаше активности, меѓутоа кога поднесовме барање да добиеме уверение од Управата за јавни приходи за обврски, дека нема никакви обврски, се испостави дека по основ на радиодифузна такса имаме одреден долг, бидејќи е регистрирано, и покрај тоа што не учествуваше во платниот промет, рече Венцо Бојков од Секторот за јавни дејности на Општина Кочани.
Во меѓувреме неплатената сметкла за радиодифузна таклса е платена и сега е при крај постапката за ликвидација, за што на седницата на Советот на Општина Кочани, што ќе се одржи в понеделник, треба да биде донесена и соодветна одлука.
За нормално работење на меѓуопштинското претпријатие “Пониква КП“ се предлагаше финансисрањето да биде заедничко, од буџетите на двете соседни општини. Тоа требаше да придонесува за развојот на туризмот и управувањето со ски-центарот на Пониква, во чија изградба делумно инвестираше и државното електропреносно претпријатие МЕПСО.
Сепак, набргу се покажа дека тоа тешко ќе профункционира, а неодамна од Локалната самоуправа на Пробиштип излегоа со писмено известување дека тие не се во состојба не само да го финансиираат новоформираното претпријатие, туку дека не можат да се грижат ниту за топовите за вештачки снег и за другата опрема што им припадна со поделбата на донацијата од МЕПСО.
Т. Ајтовски
-10°C
Кочани
- Започна постапката за изработка на планска документација за објекти за жителите од Старата касарна
- Советот бара да се изработат физибилити студии за гасификација и за геотермалната вода
- В недела во Кочани екипно Државно џудо првенство во сениорска конкуренција
- Центарот за социјални работи од Кочани дел од кампањата „На секое дете му е потребно семејство“
- Општина Кочани го зголемува износот за третман на бездомните кучиња во 2019 година
- Благој Веселинов меѓу најдобрите десет европски актери во подем
- Бактериолошки неисправна за пиење е водата од водоводот во Полаки
- СОУ „Љупчо Сантов“ учесник во проектот „Ние сме попаметни од технологијата“