05.11.2018 Започна вакцинацијата против сезонски грип во Центрите за јавно здравје. За Кочани и општините кои што ги покрива кочанскиот центар за јавно здравје, Виница, Македонска Каменица, Делчево, Берово, Пехчево, Зрновци и Чешиново-Облешево обезбедени се вкупно 3.100 дози на вакцина, што е за 700 повеќе од лани, информираат од Центарот.
Станува збор за четиривалентна, висококвалитетна вакцина која заштитува од четири видови инфлуенца две од типот А и две од типит Б и истата е според препораките на Светската Здравствена Организација и Европската Медицинска Агенција. Досега немаше бесплатни вакцини против сезонски грип, туку за сите лица чинеа по 400 денари.
За првпат годинава, Министерството за здравство на Р.Македонија набави 28.000 дози на вакцина, која е бесплатна за лицата над 65 години со пензија помала од 14.480 денари, односно со просечна и потпросечна пензија, како и за оние што немаат пензија, појаснуваат од Центарот.
- Пензионерите кои што сакаат да се вакцинираат треба да се јават кај матичниот лекар со чек од нивната пензија, а пензионерите без пензија, со потврда од ПИОМ. Матичниот лекар преку системот „Мој термин“ ќе им закаже термин за вакцинација во Центарот за јавно здравје Кочани или соодветно во некоја од нашите подрачни единици. Активноста ќе се покрива во склоп на Одделението за Епидемиолошка дејност во Кочани, како и во подрачните служби во Виница, Делчево, Пехчево и Берово. Вакцинацијата не е задолжителна, но ја препорачуваме за лица над 65 години, како и за другите со хронични болести, но и здравствени работници и други лица во здравствен ризик. За сите останати лица, кои сакаат да се вакцинираат, можат да се вакцинираат во Центрот за јавно здравје, без закажување, а цената за нив е 650 денари, рече Васил Пендевски, в.д директор на Центар за јавно здравје Кочани.
Од набавените 3.100 вакцини, за оштините Кочани, Чешиново - Облешево и Зрновци има 1.200 од кои 900 се бесплатни и 300 комерцијални. За Виница 450 бесплатни со 120 комерцијални. За Пехчево и Берово 550 бесплатни и 140 комерцијални и за општините Делчево и Македонска Каменица 500 бесплатни и 140 комерцијални.
Т. Велкова
-1°C
Кочани
- Започна постапката за изработка на планска документација за објекти за жителите од Старата касарна
- Советот бара да се изработат физибилити студии за гасификација и за геотермалната вода
- В недела во Кочани екипно Државно џудо првенство во сениорска конкуренција
- Центарот за социјални работи од Кочани дел од кампањата „На секое дете му е потребно семејство“
- Општина Кочани го зголемува износот за третман на бездомните кучиња во 2019 година
- Благој Веселинов меѓу најдобрите десет европски актери во подем
- Бактериолошки неисправна за пиење е водата од водоводот во Полаки
- СОУ „Љупчо Сантов“ учесник во проектот „Ние сме попаметни од технологијата“