05.12.2018 Управниот одбор на комуналното претпријатие „Водовод“ од Кочани донесе одлука со која на сите корисници на услугите кои имаат заостанати сметки за потрошена вода им се одобрува да го платат долгот без пресметаната камата за задоцнето плаќање.
Според одлуката, оваа можност не важи за органите на државната и локалната власт, како и за другите државни органи основани согласно со Уставот и со закон.
Во ослободувањето не се вклучени и институциите кои вршат дејности од јавен интерес утврден со закон, а се организирани како агенции, фондови, јавни установи и јавни претпријатија основани од Република Македонија, како и за Општина Кочани.
Можноста да се плати долгот без пресметана камата е со определено времетраење, односно до 21 декември годинава. Ваквата постапка е во интерес и на граѓаните кои должат, со што вкупнот долг ќе им се скрати, а од друга страна е и во интерес на „Водовод“, бидејќи се очекува тоа да придонесе за зголемување на наплатата на сметките за комунални услуги.
Законските мерки предвидуваат физичките лица со неплатени сметки од „Водовод“, да добиваат тужби секоја година, а правните на секои три години.
Податоците на кочанското комунално претпријатие покажуваат дека списокот на домаќинствата што должат е подолг во однос на бројот на правни лица.
Т. Ајтовски
3°C
Кочани
- Советот на Општина Виница ја усвои одлуката учество во набавката на возило за превоз на комунален отпад
- Секое второ домаќинство во Источниот регион пријавило дивоградба, Кочани најнапред во легализацијата
- Заврши преасфалтирањето на 11 километри од патот Пониква - Кочани
- Општина Кочани инвестира 2,3 милиони денари за изградба на тротоари
- Со преасфалтирањето на коловозот комплетирана реконструкцијата на „Страшо Ербапче“
- Трета награда за ученичката Сандра Костадинова на Детските Рацинови средби 2018
- Завршна свеченост на проектот „Еднаквоста во фокусот“ за децата со посебни потреби во Виница
- Зрновци го славеше својот патрон и заштитник Свети Димитриј