03.02.2020 Обновениот и подмладен состав на ФК “Осогово“викендов го одигра првиот од неколкуте закажани пријателски контролни натпревари пред почетокот на пролетниот дел од првеснството во Втрата лига исток. На стадионот во Македонска Каменица нашата екипа се сретна со тимот на домашната „Каменица Саса“ и одигра нерешено 2:2.
Домаќините први дошле во водство со голот на Здравков во 15 минута и со резултат од 1:0 се отишло на пауза. Во вториот дел домашниот тим ја продложил иницијативата и нападите што придонело да го зголеми водството во 60 минута со погодокот на Ѕурѕу.
Таквиот резултат како малку да ги освестил гостинските фудбалери , по што почнале почести напади кон голот на „Каменица Саса“.
Поангажираната игра им се исплатела и веќе во 70 минута кога со голот на Паунов жолто-сините успеале да намалат на 2:1. Шест минути подоцна дошло до иразмнување со голот што го постигнал Крклински по ударот со глава.
Тренерот Горгиев на пријателскиот натпревар со каменичани им дал шанса да заиграат на сите фудбалери, па и на оние од младинскиот погон што пристапија на сениорската екипа.
Следен контролен дуел за ФК „Осогово“ ќе биде в среда, 12 февруари против „Кожуф“ на стадионот „Никола Мантов“.
Т. Ајтовски