07.02.2019 Територијалната противпожарна единица од Кочани доби нови работни униформи, неопходни за извршување на секојдневните работни обврски.
За набавката беа издвоени средства од буџетот на Општина Кочани, а таа се реализира после неколку години.
- Добивме работни униформи, 18 парчиња, што се состојат од панталони, кошули, џемпер, маици, капа, кондури и чизми, што ни беше неопходно за извршување на секојдневните работни обврски. Униформите ги добиваме после неколку години и е од големо значење за нашата професија, рече Благојчо Паунов, командир на ТППЕ - Кочани.
]]>
21.01.2019 Локалната самоуправа на Кочани ги започна проектните активности за изградба на мини акумулација на Осоговските Планини за водоснабдување на туристичкиот центар Пониква.
Во тек е постапката за избор на фирма што ќе ги направи истражните геотехнички испитувања и ќе изработи основен проект за браната, а за што од општинскиот буџет е планирано да се потрошат близу 2,2 милиони денари.
Мини акумулацијата ќе биде лоцирана во месноста Арамиска чешма, во непосредна близина на Пониква и главна цел е да обезбедува вода за постојните и новите викендички во населбата, за одморалиштата, како и за планинските поила за сточниот фонд.
]]>
21.01.2019 22-годишниот Ристе Ристов од Кочани успеа меѓу 40-те пријавени момчиња прв да стигне до крстот во водите на Кочанска Река по повод празникот Богојавление - Водици. Седум пати до сега се пријавува за овој чин и конечно упорноста му се исплати и му се насмеа среќата да го фати Светиот крст.
Најсреќниот Ристов со неговите другари според обичајот ќе ги посетат семејствата во градот, кои го даруваат крстот со пари за здравје и среќа.
Тој пред сите присутни ја даде христијанската изјава и посака Бог да му дари здравје на него и неговите најблиски.
]]>
21.01.2019 Вкупно 62 интервенции за гаснење пожари имала Територијалната противпожарна единица од Виница во текот на 2018 година, што е за една третина помалку во споредба со претходниот едногодишен период.
Најголем број од интервенциите, вкупно 39, биле кај пожари на отворен простор, при што била опожарена површина од 32 хектари, што е за пет пати помалку споредено со 2017 година. Во 16 случаи се интервенирало кај запалени објекти, а останатите излегувања на терен биле за гаснење пожари кај моторни возила.
Од ТППЕ - Виница рекоа дека лани од пожарите е предизвикана вкупна материјална штета од 235 илјади денари, што е намалување за околу половина.
]]>
17.01.2019 Со средства од буџетот на Општина Кочани започна реконструкцијата на пет основни училишта во градот и во две села, а поддршка во активностите е добиена и од Министерството за образование и наука.
Во ОУ „Никола Карев“ во Кочани се прави адаптација на тоалетите, при што се поставува комплетно нова водоводна инсталација, се заменуваат вратите и се санираат таваните. Исто така, ќе се постават нови тоалетни елементи, а целата инвестиција е во вредност од 780 илјади денари.
По завршувањето на градежните работи во централното, ќе се заменат прозорците и ќе се реконструира подот во подрачното училиште во селото Тркање.
]]>
17.01.2019 Здружението на медицински сестри, акушерки и стоматолошки сестри на Македонија бара да се донесе законско решение со кое конечно нивната професија ќе биде заштитена и тие ќе можат да ги остваруваат своите права.
На средбата што раководството на Здружението ја имаше со своите членки од Кочани беше речено дека медицинските сестри се соочуваат со анонимност на својата професија во здравствените институции, иако се школуваат и завршуваат втор и трет циклус на студии, а колективните договори не ги препознаваат според стручност и не се вклучени во систематизацијата на установите каде што работат.
]]>
24.12.2018 Во Дневниот центар за деца со посебни потреби во Кочани кој работи во склоп на Меѓуопштинскиот центар за социјални работи се одржа тибина со цел запознавање и информирање на граѓаните со формата на згрижување на деца без родители и родиделска грижа и други лица во социјален ризик во згрижувачки семејства.
Во Кочани и општините што ги покрива Центарот засега се згрижени 14 деца во згрижувачки семејства а има потреба од поголем број заинтересирани лица кои сакаат да згрижат дете. Затоа, преку ваквите трибини се подига и свеста кај граѓаните за згрижување дете од социјален ризик.
]]>
14.12.2018 Загаденоста на воздухот останува актуелнo прашање, поради што како тема беше дел од дискусиите на последната седница на Советот на Општина Кочани.
Во рамки на Програмата за заштита на животната средина за идната година е предвидено од општинскиот буџет да се издвојат 330 илјади денари.
- Сметам дека потребно е да се склучи договор со овластени лаборатории кои што ќе можат да обезбедат соодветни мерења во однос на бучавоста, во однос на мерењата на загаденоста на отпадни води, како и мерења на загаденоста на воздухот.]]>
12.12.2018 Локалната самоуправа на Кочани го објави јавниот повик за пријавување на заинтересирани проектантски фирми од Македонија за изработка на проектна документација за изградба на објектите во кои треба да се преселат жителите од Старата касарна.
Парцелата на која ќе бидат лоцирани новите живеалишта на овие лица е со површина од 2,96 хектари и се наоѓа на земјиште во сопственост на Република Македонија, на северниот дел на Кочани, источно од Фабриката за вода.
Во планскиот опфат се планирани околу 20 градежни парцели.
]]>
12.12.2018 В недела Кочани ќе биде домаќин на екипното Државно првенство во џудо за сениори и сениорки. Подготовките течат според планот, а единстевна промена е местото на одржување на првенството.
Иако претходно беше закажано натпреварите да се реализираат во салата на ОУ „Никола Карев“, сепак поради технички пртблеми околу загревањето на објектот, првенствбто е преместено во салата кај Гимназијата во Кочани.
Организатор на натпреварот е Џудо федерацијата на Македонија, со техничка поддршка од кочанскиот џудо клуб ”Гладијатор”.
]]>
11.12.2018 Општина Кочани изготви годишна програма за контрола на популацијата на бездомните кучиња според која за нивен третман и заштита во 2019 година ќе издвои 550 илјади денари.
Оваа сума е за над дваесет отсто повисока во однос на лани, при што најголем дел од парите се наменети за тековно одржување на прифатилиштето, односно за обезбедување храна, лекови и средства за дезинфекција, како и за трошоците за лицата кои ќе го вршат заловувањето.
Со Програмата за наредната година се предвидува да се третираат околу 150 бездомни кучиња, колку што просечно годишно се идентификуваат на територијата на општината.
]]>
11.12.2018 „Ние сме попаметни од технологијата“ е насловот на проектот во кој што учествуваат и ученици и наставниот кадар од СОУ „Љупчо Сантов“ Кочани.
Станува збор за стратешко партнерство за училишни размени и преку проектот учениците од кочанското училиште кои се учесници во проектот учествуваа во презентацијата на проектот што се одржа во Турција. Проектот вклучува училишта од Турција, Норвешка, Италија Романија, Македонија и Словачка.
Овој проект ги опфаќа учениците, наставниците, училиштата, семејствата и заедницата кои користат технологија постојано во секојдневниот живот. Учениците кои беа таму пренесоа дел од искуствата на останатите ученици.
]]>
11.12.2018 Водата од водоводот во планинското село Полаки е неисправна за пиење, поради што е издадена забрана за нејзина употреба.
Анализите врз земените примероци што ги направил Центарот за јавно здравје од Кочани покажале поголемо присуство од законски дозволеното на вкупниот број бактерии, поради што е оценето дека може да има штетни последици по здравјето на луѓето.
Во писменото известување до Општината стои дека поради констатирано присуство на бактерија ешерихија коли се препорачува жителите од ова село, како и планинари, гости и други посетители да не ја користат водата за пиење.
]]>
11.12.2018 Македонскиот актер Благој Веселинов е еден од десетте добитници на наградата „Shooting Stars“ што ја доделува Берлинскиот филмски фестивал. Наградата им се доделува на најдобрите европски актери во подем.
Во одлуката на жирито пишува дека Веселинов ги освоил членовите на комисијата со неговата „длабока и неочекувана чувствителност“ во наградуваниот филм „Иселител“.
Признанието се доделува веќе 22 години и секоја година се претставени десет млади актери од Европа. Веселинов ќе го добие своето признание за време на Фестивалот, што ќе се одржи од 8 до 11 февруари идната година.
]]>
07.12.2018 Со преасфалтирањето на коловозот и прилагодување на шахтите и сливниците за атмосферската вода се комплетира реконструкцијата на улицата „Страшо Ербапче“ во Кочани.
Одличниот ангажман на работниците и градежната механизација на компанијата „Ескаватори“ од Косово, која работеше и на реконструкцијата на патот кон Пониква, помогна практично за две недели да се добие поквалитетно сообраќајно решение на овој дел од градот.
Според првиот човек на Општината, ретко кој граѓанин очекувал дека целата активност може да се заврши токму пред зимската сезона, особено што се работеше во специфични временски услови.
]]>
06.12.2018 Од почетокот на оваа учебна година до крајот на ноември од основните и средните училишта во општина Кочани се отпишале 20 ученици, за кои родителите навеле дека причината е иселување во странство.
Овој број е на слично ниво како за првото тримесечје минатата година, иако регистрирана е тенденција на зголемување на отпишаните ученици пред почетокот на учебната година, односно за време на летниот и зимскиот училишен распуст.
Ваквите податоци ја илустрираат тенденцијата за ислување на граѓаните, што според анализата за состојбата во Источниот регион го става Кочани веднаш зад Штип, каде што бројот на отпишани ученици заради заминување во странство е нешто над 40.
]]>
07.12.2018 Локалната самоуправа на Кочани ќе прави дополнително едногодишно испитување и ќе нарача стручна експертиза за квалитетот на амбиенталниот воздух во општината.
За оваа намена е изработена посебна Програма за животна средина со која во буџетот за наредната година ќе се издвојат 300 илјади денари за да се направи дополнително мерење на загаденоста на воздухот на различни локации и во различни периоди од годината.
На тој начин, според градоначалникот Илијев ќе може да се преземаат ефикасни мерки за намалување на зaгаденоста.
]]>
05.12.2018 Со потпишувањето на договорот за соработка во СОУ „Љупчо Сантов“ започна проектот „АР ЕДУ“ - „Едукативен модул со проширена реалност - развој и имплементација на иновативни ИКТ базирани основни алатки во СТЕМ ориентираните училишни предмети“.
Проектот е во вредност од над 130 илјади евра а финансиран од „Еразмус +“ програмата, акција Стратешко партнерство за образование, Соработка за иновации и размена на добри практики.
Проектот има за цел да ги зајакне и вештините и компетенциите на наставниците за користење на Отворените образовни ресурси во секојдневните часови и да воспостави вмрежување на наставниците од „Еразмус +“.
]]>