Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

komisija finansii21.02.2018  Спроведувањето на проектот “Растеме со еко ресурси“, што во Општина Кочани се реализираше преку Еразмус плус програмата, беше една главните теми за кои се разговараше на седницата на Комисијата за финансии и буџет.

Вниманието беше насочено кон распределбата на средствата за дел од лицата кои биле вклучени во реалзиацијата на самиот проект, при што претседателот на Комисијата, Ѓорѓи Алексов истакна дека поставил советничко прашање за ова, но не добил соодветен одговор.

- Дали документите или целата документација со сите проекти, како што е и Еразмус плус програмата, се класифирциран материјал од стгрого доверлива или државна тајна, така што членовите на Советот на Општина Кочани не можат да дојдат до тие податоци и не можат да ги разгледуваат, рече Ѓорѓи Алексов, претседател на Комисијата за финансии и буџет.

Повеќе...

info sesija organsko zemjodelie22.02.2018  Земјоделците од регионот, посебно оние што одгледуваат градинарски култури, но и оризопроизводителите и другите лица ангажирани во земјоделието, беа дел од информативната работилница за органско земјоделско производство што се одржа во Кочани.

Инфо сесијата се одржа во рамки на Програмата за зголемување на пазарната вработливост, чиј носител е фондaцијата Свисконтакт, со поддршка од Швајцарската агенција за развој и соработка.

- Целта е да видиме колку овие органски производи се бараат и кои се можностите на земјоделците да станат органски производители, што се треба да исполнат и да видат дека тоа не е тешко. Едноставно, кога се сака можат многу лесно да произведат органски производи и да ги продадат по повисока цена.

Повеќе...

vodovod zgrada21.02.2018  По реакциите на граѓани во врска со поплавените подрумски простории на зградите кај централното градско подрачје, за што пред неколку дена информираше Канал 8, екипи на КЈП „Водовод“ веднаш излегоа на терен со цел да се констатира од каде доаѓа водата што овие жители ги мачи со години.

- Ние како комунално јавно претпријатие за да излеземе во пресрет на истите, излеговме на терен да ја констатираме фактичката состојба дали се работи за подземни води поради повисокото ниво на реката или се работи за дефекти настанати од водоводната мрежа. Веќе сме на терен, правеме одредени наши активности со копање, со утврдување на проток на вода и се надеваме дека ова во најскоро време ќе биде надминато и дека нема повеќе да се јавува како проблем, рече Андреј Киров, директор на КЈП „Водовод“.

Повеќе...

seminar dzudo21.02.2018  Во организација на Џудо федерацијата на Македонија во саботата се одржа семинар за судии и тренери кој што беше реализиран во техничка организација на Џудо клубот „Дрим“ од Струга.

Семинарот е наменет за продолжување на постоечките лиценци за тековната 2018 година. На истиот присуствуваа и нови судии кои што отпочнале за припреми за семинарот за лиценцирање на судии, како и тренерот на џудо клубот „Гладијатор“ од Кочани Драган Шеќероски кој е и генерален секретар на Џудо федерацијата на Македонија.

- Со семинарот раководеше господинот Габриел Сапта кој што ни е гостин од Белгија и е експерт по џудо 6 дан.

Повеќе...

hamza20.02.2018  Репрезентативецот Хамза Јашари настапи на Европскиот Куп за кадети што на 10. февруари се одржа во Фолоника, Италија. Со четири победи и еден пораз во финалето се пласираше на второто место во конкуренција на 56 натпреварувачи од 36 држави учесници.

- На 10-ти овој месец се одржа Европски куп за кадети во Италија каде што нашиот репрезентативец Хамза Јашари во категорија до 66 килограми учествуваше во конкуренција од 56 натпреварувачи и го зеде второто место. Веќе следната сабота, на 3 март Јашари треба да учествува на Купот за кадети во Анталија. Имаме уште еден репрезентативец но неговото име уште не е познато, тоа е во склоп на активностите на Џудо федерацијата на Македонија.

Повеќе...

triko vinica19.02.2018  Блокирани влезови имаше попладнето фабриката “Зона Трико“ од Виница. Работниците и доверителите на тој начин се обидоа да го спречат изнесувањето машини, откако забележале дека во фабричкиот круг дошле камиони во кои требало да се натовари опремата.

Пред портирницата дојде и стечајниот управник кој го донесе решението од судот дека сопственикот на фабриката не смее да отуѓува ниту еден дел од имотот.

Дел од вработените кои се членови на Синдикатот рекоа дека со години чекаат да им бидат исплатени заостанатите плати, за кои уште на минатогодишните протести информираа дека за четири месеци добивале надомест само по 1 денар.

Повеќе...

vera kotorka19.02.2018  До почетокот на летото треба да заврши изградбата уште на два потпорни ѕида и на два крака од улицата “Стамен Манов“ во Ромското маало во Кочани. Според проектната документација планирано е целосно да се завршат уште 320 метри од сообраќајницата, како продолжение на претходно реализираните работи за изградба на потпорни ѕидови и асфалтирање на коловозот.

Локалната самоуправа веќе објави јавен тендер за избор на најповолен изведувач на градежните работи, а пријавувањетро на заинтерeсирaните фирми е до четврток. Поради конфигурацијата на теренот со проектот е предвидена изградба на потпорни ѕидови во должина од 55 и височина од 2, односно 4 метри.

Вкупната вредност на градежните работи се планира на околу 2,5 милиони денари, а Општината ги обезбеди парите преку Министерството за транспорт и врски со програмата за поддршка на имплементацијата на Декадата и Стратегијата за Ромите.

Повеќе...

opstina kocani novo16.02.2018  790 метри квадратни деловен простор што е во нејзина сопственост нуди под закуп Општина Кочани. Се работи за простории во објекти во градот и во селата Грдовци и Долни Подлог.

Дел од просторот и до сега имал корисници, но поради истекот на периодот за закуп, распишан е нов оглас со кој тој повторно се нуди за изнајмување. Во зависност од површината, односно од местото каде се наоѓа деловниот простор, различен е и износот на закупнината.

Притоа, за сите простории што се издаваат ќе се одржи јавно наддавање, а со корисниците ќе се склучи договор за закуп на 10 години.

Повеќе...

osogovo dubocica19.02.2018  Екипата на “Осогово“ доживеа пораз на третиот контролен натпревар што го одигра во рамки на подготовките пред почетокот на пролетната сезона во Втората фудбалска лига.

Во саботата на гостувањето во Србија против тимот на “Дубочица“ од Лесковац, “жолто-сините“ примиле два, а постигнале само еден гол со што ја прекинаа успешната серија што ја започнаа во одигрувањето на пријателските натпревари. Сепак, и покрај неповолниот резултат, била прикажана добра игра во која нашата екипа имала можности и да извлече реми.

Домаќините први имале посериозна шанса за погодок во 15. минута, но гостинскиот голман Игески успеал да го одбрани слободниот удар што го извел Станковиќ. Десетина минути подоцна шутот на Стојановиќ завршил во пречката на гостите, а домашните дошле во водство дури во 41. минута со погодокот на Грујиќ, па со таков резултат се отишло на пауза.

Повеќе...

ekstra fungi saem15.02.2018  Кочанската компанија “Екстра фунги“ и годинава го претстави македoнското производство на органска храна на меѓународниот саем Fruit logistica во Берлин, што се смета за најголем ваков настан во светот.

Нашиот бренд веќе 7 година по ред е учесник на овој собир на кој фирми од сите контитенти изложуваат овошје и зеленчук и ја презентираат здравата органска исхрана. Со оглед што скоро целосно производството на “Екстра фунги“ е наменето за извоз, прeтставувањето на саемот беше можност да се освојат нови пазари и да се потврди присуството во земјите каде машата трговска марка е препознатлива со години.

Во Берлин беше претставeнa палетата од проiзводи што веќе се наоѓаат во продажната мрежа во западноевропските земји.

Повеќе...

Осветување на манастирот “Св. Климент Охридски“ - Осоговски Планини

24°C

Кочани

Ведро
Влажност на воздухот: 34%
Ветер: North при 0 kmh
Понеделник13°C/29°C
Вторник13°C/29°C
Среда13°C/29°C
Четврток14°C/29°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 104 гости и нема членови


web counter



qr code