Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

kuka 9maj15.02.2018  Семејна расправија во куќа на улицата “9 Мај“ во Кочани заврши трагично. 54-годишниот Б.А. рано изутрината ја нападнал 44-годишната сопруга Л.А. при што и нанел тешки телесни повреди од кои таа починала.

Подоцна и самиот извршил самоубиство, скокајќи од покривот на куќата во која живеело семејството. Сведоци на настанот биле и ќерката и синот на сопружниците, при што девојчето исто така се здобило со тешки телесни повреди и во неконтактибилна состојба е пренесено во Општата болница во Кочани.

Од СВР го потврдија настанот, при што рекоа дека смртта н кај двете лица ја констатирала екипа од итната медицинска помош, а увид направил и јавен обвинител.

Повеќе...

darko radeski114.02.2018  Дарко Радески е новиот претседател на ОО на СДСМ во Кочани. По професија e правник, а работи во сопствената адвокатска канцеларија.

Во партијата е активен подолг период, при што беше член на извршниот одбор, а на претходните избори ја извршуваше функцијата шеф на изборниот штаб на партијата во Кочани.

Во телефонскиот разговор за Канал 8, Радески кратко потврди дека веќе го добил решението од партиската централа во Скопје, со што и официјално му тече мандатот на претседателското столче во партијата на власт. Засега нема други промени во раковдоните функции на општинскиот огранок на СДСМ, но се очекува наскоро да се одржи работен состанок на кој ќе се изберат нови членови на партиските тела.

Повеќе...

zakrojuvanje kocani14.02.2018  Симболично полевање на лозата со вино и ракија за богат род и молба за заштита од град и суша.

Лозарите и годинава го направија адетот. Го закроија лозјето во чест на христијанскиот празник Св. Трифун, кој според верувањето е заштитник на лозовите насади и земјиштето што се обработува. Свештеникот читаше молитви за богат род и заштита од штетници.

Лозарите рекоа дека 2017 поминала со слаб род на грозјето бидејќи имаше големи мразеви и ниските температури ги измрзнаа лозовите насади, сепак во 2018 очекуваат да нема големи штети на лозовите насади и да има богат род.

Повеќе...

logo osogovo113.02.2018  Управата на фудбалскиот второлигаш “Осогово“ одлучи да отвори ново поглавје во долгогодишната историја на клубот, со извесни промени во неговото претставување во јавноста, меѓу кои е и редизајнирањето на досегашниот грб.

Исто така, се работи и на креирање официјална веб страница, со што на навивачите и симпатизертие ќе им се претстават постигањата во изминатите години.

Клубот којшто е формиран уште во 1924 година, е еден од најстарите во Македонија. Во текот на богатата историја, клубот променил неколку имиња меѓу кои Султан Тепе, Витез и Хајдук, а имал и различни грбови.

Повеќе...

sapuric vinica14.02.2018  Извозно ориентираните компании кои со завршната сметка ќе прикажат раст од претходната година ќе бидат субвенционирани од државата, најави министерот без ресор Зоран Шапуриќ, кој оствари работна средба со менаџментот на компанијата “Макпрогрес“.

Целта на Владата е постојано да комуницира со бизнис секторот, да се дискутира за нивните понатамошни идеи и развојни планови како и за проблематиката, на побрзо решавање на барањата на бизнис секторот, за новите мерки на Владата за домашните инвеститори, но како мала земја мора да се има и домашно производство, рече Шапуриќ.

Повеќе...

beli mugri13.02.2018  Реконструкцијата на зградата на ЦК “Бели мугри“ влезе во овогодишната програма на Министерството за култура за изградба на нови и реконструкција, санација и адаптација на постојните објекти што ги користат националните установи што се занимаваат до културна дејност.

Според податоците што министерството и официјално ги истакна на својата веб страница, кочанскиот културен центар во 2018 година ќе добие околу 220 илјади евра со кои ќе може во прва фаза да започне обновувањето на објектот.

Добивањето на средствата доаѓа како резултат на соработката што Локалната самоуправа ја воспостави со ресорното министерство, а посебно по посетата што министерот Алаѓозовски ја имаше на крајот на декември.

Повеќе...

zvonko gorgiev12.02.2018  Звонко Ѓорѓиев, стопанственик и поранешен борач е избран за нов претседател на Управниот одбор на БК “Спартак“. Тој доби едногласна поддршка од присутните на годишното собрание на клубот што го свика иницијативен одбор составен од поранешни борачи, тренери и вљубеници во борењето.

Претходно, досегашниот претседател Јордан Димитров даде краток отчет за работата во изминатиот период, по што поднесе неотповиклива оставка.

По изборот на функцијата, новиот претседател Ѓоргиев се заблагодари на поддршката и вети заживување на “Спартак“ и на борењето во Кочани, иако знае во каква состојба се наоѓа во моментот.

Повеќе...

uniformi bolnica09.02.2018  Комплетни униформи во вредност од околу 600 илјади денари добија вработените во Општа болница – Кочани како донација од бизнис-секторот. Се работи за современа заштитна облека според европските стандарди што, потврдувајќи ја својата општествена одговорност, ја донесоа три фирми.

На предавањето на донацијата беше речено дека се работи за почетна соработка меѓу стопанските субјекти и кочанската здравствена институција што ќе продолжи и во иднина, а со цел да им се помогне и на вработените и на граѓаните кои ги користат здравствените услуги.

Всушност, компаниите позитивно одговориле на повикот што пред извесно време го упати градоначалникот Илијев, да му се помогне на кочанското здравство.

Повеќе...

pres vmro 100 dena09.02.2018  По изминувањето на стоте дена од владеењето на новата локална власт предводена од СДСМ ОК на ВМРО – ДПМНЕ Кочани на прес конференција го критикуваше работењето на СДСМ, истакнувајќи дека капиталните проекти што ги ветиле во предизборието не ни започнале да ги реализираат, туку напротив, спровеле проекти кои што не им се од корист на граѓаните.

- ВМРО – ДПМНЕ во изминатите 100 дена беше конструктивна опозиција поддржувајќи ги сите проекти на градоначалникот кои се од интерес на граѓаните на општина Кочани. Во изминатите 100 дена од доаѓањето на новата локална власт под мотото „Живот за сите“ со нивните нови најавени проекти: чост воздух за сите, чиста вода за сите, плата од 500 евра за сите, подобар живот за сите, расчистување со непотизмот во сите слоеви на општествениот живот.

Повеќе...

reakcija kabinet pres vmro09.02.2018  Почитувани претставници на општинскиот огранок на ВМРО-ДПМНЕ, Вашата оцена на работата на новата локална власт во изминиве сто дена е пукање во празно.

Автогол со првата реченица и потврда дека сè што сме направиле досега е коректно и во интерес на граѓаните – затоа ВМРО-ДПМНЕ ги поддржал сите досегашни проекти и одлуки.

Јавноста знае што сработивме изминативе сто дена – затоа што работиме транспарентно и отворено – дебатираме и сограѓаните и со стручната јавност – а за сè решава Советот. Колку за илустрација – наспрема вашите фалби за потпорните ѕидови и бетонирани улички – ние во првите сто дена добивме 13,5 милиони денари за реконструкција на Центарот за култура „Бели мугри“.

Повеќе...

Осветување на манастирот “Св. Климент Охридски“ - Осоговски Планини

24°C

Кочани

Ведро
Влажност на воздухот: 34%
Ветер: North при 0 kmh
Понеделник13°C/29°C
Вторник13°C/29°C
Среда13°C/29°C
Четврток14°C/29°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 103 гости и нема членови


web counter



qr code