Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

crtanje zid gradinka08.08.2018  Десетина волонтери изминативе два дена го разубавуваат просторот во дворот на клонот 1 во детската градинка ”Павлина Велјанова” во Кочани.

Проектот е во организација на волонтерката од мировниот корпус, Тамара Меклауд, која по сопствена иницијатива заедно со група млади уметници насликаа ралични мотиви на ѕидовите што го оградуваат дворот на градинката.

- Во изминативе два дена, во градинката “Павлина Велјанова” клон 1 се организираше цртање со техниката мурал на ѕидовите во дворот на градинката. Овој настан го организирам јас , а учество земаа волонтери и дел од дечињата од овој клон.Целта е да се разубави просторот во дворот на градинката за да им биде пријатно на сите, рече Тамара Меклауд, волонтер во Мировниот корпус.

Повеќе...

vinica studija otpadni26.07.2018  Општина Виница обезбеди 150 илјади швајцарски франци за изработка на физибилити студија за управување со отпадните води.

Средствата се обезбедени од Швајцарската агенција за развој и соработка (СДЦ), а студијата треба да ги испита можностите за приклучување на постоечкиот колекторски систем за отпадни води од Виница конпречистителната станица во кочанското село Мојанци.

На работната средба што градоначалникот на Виница, Ивица Димитров и директорот на ЈКП “Солидарност“, Игорчо Христов ја имаа со претставници од СДЦ и од консултантската фирма “Хидроенерџи проект“, беше образложена идејата за проектот и начинот на кој ќе се работи на физибилити студијата.

Повеќе...

dobra voda26.07.2018  Општина Кочани ќе ја кофинансира реализацијата на проектот „Изградба на пристапен пат од селото Оризари до манастирот „Пресвета Богородица“ во месноста Добра Вода, што Центарот за развој на Источниот плански регион ќе го аплицира за финансирање од Агенцијата за финансиска поддршка во земјоделството и руралниот развој.

Оваа одлука беше донесена на шестата седница на Источниот плански регион, која се одржа неодамна во Берово.

Со проектот ќе се бара користење на средствата од Програмата за финансиска поддршка на рурален развој на 2018 г. за мерката „Зачувување и унапредување на традиционалните вредности во руралните подрачја“ – Инвестиции во локалната патна за поврзување на населени места – села со локалитети значење за начинот на живот и работа на селската популација во должина до 2 км“.

Повеќе...

borovinki24.07.2018  Подружницата на “Македонски шуми“, Шумско стопанство „Осогово“ од Кочани, заедно со работната единица од Пробиштип, во текот на оваа година издале 71 дозвола за собирање шумски плодови.

Сите физички и правни лица кои што сакаат да собираат шумски плодови како и откупувачите, мора да бидат регистрирани и да имаат дозвола за собирање шумски плодови. Пријавувањето и регистрацијата се врши во подружниците каде истовремено се добиваат детални инфомации за целокупниот систем на одржливо користење, контрола и законски обврски во оваа област.

Кочанци најмногу собираат боровинки и шипинки, но има и нарушувања во текот на собирањето, кога собирачите намерно ги оштетуваат боровинките со цел да се намали производот за следна година. За таквите ќе има и казни, велат од ШС „Осогово“.

Повеќе...

bez kanti25.07.2018  Општа оценка на граѓаните на Кочани дека во изминатите десетина месеци е подобрено одржувањето на хигиената на улиците, тротоарите и другите јавни површини.

Сепак, најчестата забелешка е оти има недостиг од комунална опрема, односно канти и корпи за отпадоци, особено на пофреквентните места во централното градско подрачје.

Со последната набавка на ваква опрема за што “Водовод“ склучи договор со фирма од Штип, предвидено беше да се обезбедат 30 метални корпи со држачи и механизам за празнење. Дел од нив се наменети за замена на искршените или дотраени корпи, а за останатите граѓаните со право бараат да се постават покрај реката, од плоштадот кон локалитетот Бавчалук.

Повеќе...

kosarkari mladi25.07.2018  Македонската селекција за кошаркари до 18 години ги заврши подготовките за настапот на Европското првенство од дивизијата Б, чиј домаќин е нашата државa.

Од 27 јули до 5 август Скопје ќе биде домаќин на најдобрите 20-тина младински репрезентации, а како член на македонскиот репрезентативен состав е и кочанецот Андреј Данилов.

Во изминатите два месеци тој со своите клупски колеги тренираа во Скопје и во Маврово, а имаа два пријателски натпревари со селекцијата на Турција во Истанбул. Освен тоа, на турнир во Скопје одиграа контролни натпревари и со младинските репрезентативци на Бугарија, Австрија и Романија при што забележаа три победи и го осовоија првото место.

Повеќе...

bolnica kocani24.07.2018  Општина Кочани ја прошири овогодишната листа на услуги во Програмата за социјална, детска и здравствена заштита со воведување мерка за основни систематски прегледи со анализи за превенција на болести кај жените и кај мажите.

Со Правилник и со договор за соработка со Јавната здравствена установа Општа болница со проширена дејност – Кочани, се уредени начинот и условите за одобрување на финансиската помош на социјално загрозените граѓаните.

Тие ќе можат да користат два вида лабораториски услуги: основни контроли и посебни анализи за откривање рак на простата и рак на дебелото црево.

Повеќе...

ulici krpenje24.07.2018  Согласно програмата за реконстркција и одржување на улиците и локалната патна мрежа, стручните служби на Општина Кочани започнаа актовности за крпење на оштетувањата на асфалтот и пополнување на ударните дупки.

Се работи на сите места каде што се забележани проблеми или пак за кои граѓаните претходно пријавиле потреба за ваква интервенција.

Градежната мехазнизација веќе е излезена на терен и се работи на улиците во градот, а ќе се продолжи и во населените места од општината.

Повеќе...

prevoz ucenici avtobus19.07.2018  За околу една третина ќе се намалат расходите што Локалната самоуправа на Кочани ќе ги плати за бесплатниот превоз на учениците во претстојната учебна година, а тоа е можно да се постигне со измените во условите за услугата и начинот на пресметување на трошоците за неа.

На тој начин мое да се очекува во буџетот да се заштедат околу пет милиони денари, со што ќе се обезбедат пари за покривање на другите давачки во образованието.

Од наредната учебна година Општината планира да плаќа само за реално превезени ученици, наместо досегашната практика превозникот да добива пари за вкупниот број пријавени ученици што бил внесуван во договорот.

Повеќе...

blatec centar19.07.2017  Општина Виница ќе ја испитува оправданоста од склучувањето договор за јавно-приватно партнерство за реконструкција, одржување и управување со постојна зграда во селото Блатец во која би бил отворен Дом за стари лица.

За да се дојде до реални резултати што ќе ја оправдаат таквата потреба, треба да се изготви физибилити студија од технички, правен и финансиско-економски аспект.

Поради тоа, Локалната самоуправа веќе објави јавен повик со кој се бара фирма што би го изработила документот, а за услугата е предвидено да се потрошат над 600 илјади денари.

Повеќе...

Осветување на манастирот “Св. Климент Охридски“ - Осоговски Планини
giweather joomla module
Најчитани статии во последните 30 дена
Најчитани статии по месеци
Најчитани статии по години


Имаме присутни 55 гости и нема членови


web counter



qr code