X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

prevoz ucenici avtobus19.07.2018  За околу една третина ќе се намалат расходите што Локалната самоуправа на Кочани ќе ги плати за бесплатниот превоз на учениците во претстојната учебна година, а тоа е можно да се постигне со измените во условите за услугата и начинот на пресметување на трошоците за неа.

На тој начин мое да се очекува во буџетот да се заштедат околу пет милиони денари, со што ќе се обезбедат пари за покривање на другите давачки во образованието.

Од наредната учебна година Општината планира да плаќа само за реално превезени ученици, наместо досегашната практика превозникот да добива пари за вкупниот број пријавени ученици што бил внесуван во договорот.

Повеќе...

blatec centar19.07.2017  Општина Виница ќе ја испитува оправданоста од склучувањето договор за јавно-приватно партнерство за реконструкција, одржување и управување со постојна зграда во селото Блатец во која би бил отворен Дом за стари лица.

За да се дојде до реални резултати што ќе ја оправдаат таквата потреба, треба да се изготви физибилити студија од технички, правен и финансиско-економски аспект.

Поради тоа, Локалната самоуправа веќе објави јавен повик со кој се бара фирма што би го изработила документот, а за услугата е предвидено да се потрошат над 600 илјади денари.

Повеќе...

slavica humanitaren16.07.2018  Во пријатна атмосфера со музички точки и поезија, во саботата во Етнокуќата во Кочани се одржа хуманиатрен настан за помош на младата сограѓанка Славица Димитрова.

Музичари и поети од Кочани, Кавадарци Кичево и Струмица со своето учество дадоа придонес во реазлација на хуманитарнитот настан што беше организиран за да се прибират финансиски средства за лекувањето на Димитрова.

Младите виолинисти од ОМУ”Ристо Јуруков” од Кочани, Катерина Ајтовска и Бојана Николова изведоа композиции од познати автори на класични дела. Настанот беше збогатен и со рецитал на поети и афористичари од кочанско како и гостите од други градови.Тие со свои авторски поетски беа дел од програмата на овој хуманитарен настан.

Повеќе...

policija kontrola19.07.2018  63-годишниот Г.А од Виница се обидел да прегази полициски службеници кои го контролирале сообраќајот на улицата “Ангел Винички“.

Тие го запреле возилото “сузуки витара“ со штипски регистарски ознаки што го управувал виничанецот за да му извршат рутинска контрола.

На возачот му биле побарани документи што тој одбил да ги даде, го стартувал автомобилот и продолжил со движење. Потоа го свртел возилото и со голема брзина да се упати кон полициските службеници со намера да ги прегази.

Повеќе...

parking plostad kocani18.07.2018  И по четири години од воведувањето на надоместок за паркирање во централното градско подрачје на Кочани, Локалната самоуправа се уште целосно не ја реализирала претходно донесената одлука на Советот на Општината за кои паркинг места ќе се плаќа.

Иако во 2016-та имаше обиди таа комплетно да стапи во сила, советниците од претходниот состав не го одобрија предлогот на тогашниот градоначалник.

Кога во мај 2014 година се воведе наплатата за паркирање, беше речено дека како привремено решение таксата ќе се плаќа само за сообраќајниците од десната страна на Кочанска Река како и на паркинзите кај Трговскиот центар и кај кулата “Треска“. Целосната примена на одлуката беше оставена за подоцнежна фаза, а со неа се предвидува наплатата да се врши и на просторот на плоштадот “Методија Андонов Ченто“, на улицата “Кеј на Револуцијата“ од аптеката “Зегин“ до паркот кај Старата зграда, потоа на паркингот кај Паркот на Револуцијата, паркингот кај Централниот регистар и просторот кај службениот влез на “Македонска пошта“.

Повеќе...

detski igralista18.07.2018  Во завршна фаза е уредувањето на детското игралиште кај зградите кај поранешен “Атом“, каде што се префрлија реквизитите од Градскиот парк – вовчето, два тобогани, лулашките и клацкалките.

Деновиве работниците на комуналното јавно претпријатие „Водовод“ поставуваат песочна подлога и ги вршат последните поправки на теренот што децата од овој дел на Кочани наскоро ќе можат да го користат.

Новиот детски парк кај Атомските згради произлезе од потребата за соодветен простор за детска игра, но и од реновирањето на игралиштето во Градскиот парк, каде со донација од „Антура“ се поставија нови реквизити.

Повеќе...

vinica-panorama117.07.2018  За поефикасно регулирање на сообраќајот во централното градско подрачје, Општина Виница планира во наредниот период да изгради кружен тек на главната улица, за што веќе е започната постапката за изработка на техничка документација.

Освен тоа, ќе се работин и на планска доументација за изградба на делница од регионалниот патен правец Р334 со што ќе се поврзат неколку маала во населбите од ридско-планинскиот регион.

Градоначалникот на Виница, Ивица Димитров, на свечената седница на Советот потврди дека постапката е во тек, односно се бара фирма што ќе ја изработи документацијата.

Повеќе...

opstina kocani zgrada116.07.2018  За само девет месеци Општина Кочани успеа да ги врати сите долгови со што е надмината заканата за блокирање на сметката.

На свечената седница на Советот по повод Петровден – празникот на Кочани, градоначалникот Николчо Илијев реферираше за сработеното во изминатиот период. Притоа нагласи дека разрешувањето на задолженоста се случува првпат по скоро една деценија работа на локалната самоуправа.

- Наследивме долг од 76 милиони денари на основниот буџет. Ако пред девет месеци стравувавме за начинот на негово сервисирање, денес гордо можеме да кажеме дека преку политиката на контрола на сите трошоци, финансиски ја консолидиравме Општината и таа денес е без долгови со салдо на сметка незамисливо за годините пред нас.

Повеќе...

svecena sednica vinica13.07.2018  Одбележувањето на Павловден – празникот на Виница започна со верска литија пред параклисот “Св. Павле“ на плоштадот “Ангел Винички“, со која чининачалствуваше владиката Иларин.

Потоа се одржа свечена седница на Советот на општината на која пред присутните советници и гости градоначалникот Ивица Димитров направи краток осврт за досега реалзираните проекти и пона што е во план за нареедниот период. Притоа акцент даде на финансиската состојба во општината и можностите за нормално реализирање на зацртаните задачи.

- Наследивме буџет на Општина Виница со вкупен долгод 96,7 милиони денари, каде што основниот долг беше 40 милиони денари, моментално го намаливме за 10 милиони денари, додека вкупниот долг е намален за 15 милиони денари, што значи дека се трудиме да работиме домаќински и одговорно. Пред се, морам да кажам, тоа е со помош на вас советниците, меѓутоа доколку работиме сите домаќински се надевам дека долгот ќе се намали што е можно повеќе, рече Ивица Димитров, градоначалник на Општина Виница.

Повеќе...

petrov mitkova14.07.2018  Градоначалникот на Општина Кочани, Николчо Илијев потпиша решенија со кои именува двајца нови директори – на Детската градинка „Павлина Велјанова“ и на ОУ „Малина Попиванова“.

По повеќе разговори со вработените, со цел да се изнајде најсоодветно решение и да се испочитува законската процедура, Едита Миткова, како единствен вработен што ги исполнува условите, е именувана за вршител на должноста директор на Детската градинка „Павлина Велјанова“.

На оваа раководна позиција Миткова доаѓа по оставката на директорката Лидија Серафимова, а ќе ја извршува најмногу шест месеци, период по кој ќе биде распишан конкурс за избор на директор, а на кој ќе може да се пријави секој заинтересирани кандидат што ги исполнува условите.

Повеќе...

Осветување на манастирот “Св. Климент Охридски“ - Осоговски Планини

6°C

Кочани

Претежно облачно
Влажност на воздухот: 46%
Ветер: North при 18 kmh
Сабота-2°C/11°C
Недела1°C/13°C
Понеделник2°C/14°C
Вторник1°C/15°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 198 гости и нема членови


web counter



qr code
X

Right Click

No right click