Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

taksisti policija21.06.2018  Загрижени од состојбите во такси-превозот во Кочани, одговорните служби од Полициската станица – Кочани и Општина Кочани организираа состанок со претставници на Здружението на такси-превозници и поединци што се занимаваат со оваа дејност.

Состанокот беше со цел да се помогне да се устројат работите според законските уредби и со заеднички активности што побрзо да се воведе ред во такси-превозот.

Според претседателот на Здружението на такси-превозниците во Кочани, Јоце Каров, сликата за состојбата во такси-превозот во Кочани е лоша. Се возат нерегистрирани возила, возат возачи без возачки дозволи и без лекарски уверенија. Со тоа го рушат угледот на такси-компаниите и претставуваат нелојална конкуренција.

Повеќе...

velinov stojanco21.06.2018  Одлична можност за успешно продолжување на спортската кариера доби кочанскиот фудбалер Стојанчо Велинов откако е договорен негов настап за клуб од Саудиска Арабија.

Во фаза на потпишување е договорот со кој тој ќе ги брани боите на екипата на „Најран“, која од следната сезона ќе се натпреварува во саудиската Втора лига.

28-годишниот Велинов на 1. јули треба да отпатува во Саудиска Арабија каде треба да има лекарски тестови и официјално да стави потпис на договорот со новиот клуб.

Повеќе...

Ponikva20.06.2018  По околу пет години од основањето и регистрирањето во Централниот регистар, заедничкото јавно претпријатие “Пониква КП“ на општините Кочани и Пробиштип ќе се ликвидира.

Без вистински да проработи во дејноста за која беше формирано, во изминатиот период претпријатието постоеше само на хартија и претставуваше само товар на двете локални самоуправи.

Поради тоа започната е постапката за негово бришење од регистарот на активни фирми. Предлог-одлуката за престанок со работа се најде на последната седницата на Советот на Општина Кочани, каде без ниту една дискусија беше дадена едногласна согласност за згаснување.

Повеќе...

jovana davitkova20.06.2018  Нов успех постигна 10-годишната Јована Давиткова, членка на ШК “Кочани“. Таа го освои првото место на Државнотo првенство на Макeдoнија во својата конкуренција и се закити со пехар и медал.

За само неколку години нејзиниoт талент дојде до целосен израз и пласманот меѓу најдобрите пионери во државата воопшто не е изнанедување. Во изминатиот период таа имаше и други забележителни настапи на домашно и меѓународно ниво што и донесе повеќе награди и признанија.

Освојувањето на Државното првенство и овозможува да настапи и на Европското првенство, што ќе се одржи во градот Рига во Литванија.

Повеќе...

sovet kocani juni201819.06.2018  Уште при утврдувањето на дневниот ред на 12. седница на Советот на Општина Кочани дискусиите заглавија околу ставот дали на самиот почеток треба или не да се расправа за давањето согласност за Статутот на КЈП „Водовод“.

Од опозициската советничка група беше побарано изземање на првата точка што се однесуваше на ова прашање, при што во образложението за таквиот став беше речено оти треба да се утврди дали членовите на Управниот и Надзорниот одбор на претпријатието ги исполнуваат условите за тоа, со обвинување дека овие тела функционираат незаконски.

Повеќе...

upisi sredno201819.06.2018  149 во СОУ „Гошо Викентиев“ и 138 деветоодделенци во гимназијата „Љупчо Сантов“ се пријавиле за упис во средно образование во првото пријавување од првиот уписен рок.

По струки состојбата е следната - во СОУ „Гошо Викентиев“ најголем интерес идните средношколци пројавиле за електро струката каде што се имаат пријавено 84 ученици. 33 за сообракајна струка и најслабо годинава за машинската струка за која што има пријавено само 32 ученици.

Во гимназијата „Љупчо Сантов“ поголема заинтересираност учениците пројавиле за економски техничар за штом се имаат пријавено 77 ученици, а во општа гимназија 61 ученик.

Повеќе...

sugareski vinica13.06.2018  Министерството за транспорт и врски обезбеди 14 милиони денари за подобрување на квалитетот на водата од јавната водоводна мрежа во општина Виница.

Парите се преостанати од сумата што беше предвидена за аеродромот кај Штип што требаше да го гради турски ТАВ, а средствата ќе се инвестираат во проширување на постојната филтер станица во Виница.

Министерот Горан Сугарески, при посетата на Општината информираше дека Локалната самоуправа го изготвила и го поднела проектот за оваа капитална инвестиција и истиот е веќе одобрен. Истовремено, најави дека наскоро ќе заврши и втората фаза од реконструкцијата на водоводната мрежа во Виница.

Повеќе...

koncert blagica15.06.2018  Во четвртокот вечерта, во салата на ОМУ „Ристо Јуруков“, солистички концерт на пијано приреди Благица Арсова, матурантка од Државниот музички училиштен центар „Сергеј Михајлов“ од Штип, во класата на проф. Славчo Величков.     

Арсована стапи со дела од Бах, Бетовен, Рахмањинов и Шопен, а на крајот свиреше четирирачно со својата школска другарка од Кочани, Сезен Асимова.

Во своето поздравно обраќање пред публиката, Арсова истакна дека досега настапувала на многу сцени, но концертот во Кочани, на пијаното на кое го започна школувањето, ѝ е посебно драг.

Повеќе...

asfalt ulica13.06.2018  Со Одлука за распределба на средства од Буџетот на Република Македонија за 2018 година за поддршка на имплементацијата на Декадата и Стратегијата за Ромите, Кочани доби близу 4 милиони денари за реконструкција и изградба на улици.

Средствата ќе бидат наменети за изградба на дел од улицата „Блаже Поп Арсов“ и за реконструкција на улиците „Стамен Манов“, крак 1 исток и „Славчо Стоименов“.

Ваквата поддршка од Владата на Република Македонија претставува поттик за продолжување на досегашните актоивности на локалната самоуправа, со посебен акцент на подобрување на инфраструктурата како во градот, но и во населените места. Истовремено ќе продолжи и изработката на нови проекти, со што се зголемуваат шансите за пристап до нови средства како од централната власт, така и од фондовите на Европската Унија.

Повеќе...

zgrada vinica13.06.2018  До крајот на годината во Виница ќе започне изградбата на социјална зграда за лицата од ранливите категории.

Објектот е влезен во годишната програма на Министерството за транспорт и врски за финансирање на вакви објекти, а според техничката документација становитеќе бидат со површина од 35 до 45 метри квадратни. Градоначалникот на Виница, Ивица Димитров, по средбата со министерот Горан Сугарески, рече дека се обезбедени сите услови за непречена изградба на објектот.

- Ние како Oпштина аплициравме до Mинистерството за труд и социјална политика, ќе се градат 39 станови со деловни објекти, тоа ќе биде веднаш до ЈП „Солидарност“, имаме маркица, имаме обезбедено парцела, деталниот план за таму е донесен, така што постапката е во тек, во моментот се избира фирма што ќе го добие тендерот.

Повеќе...

Осветување на манастирот “Св. Климент Охридски“ - Осоговски Планини

7°C

Кочани

Умерено облачно
Влажност на воздухот: 53%
Ветер: Variable при 4 kmh
Недела1°C/8°C
Понеделник1°C/8°C
Вторник4°C/11°C
Среда3°C/14°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 169 гости и нема членови


web counter



qr code