Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

tribina budzet sport15.11.2017  Голем интерес предизвика повикот што Општина Кочани го упати до спортските здруженија и поединци за учество на јавната трибина за предлог програмата за спорт за наредната година.

Салата на Советот, каде што се одржа состанокот, беше претесна за да ги собере заинтересираните граѓани кои дојдоа да ги слушнат туѓите, но и да ги искажат своите ставови за начинот на распределба на буџетските средства што се предвидени за поддршка на спортските активности на локално ниво.

Со тоа Локалната самоуправа го исполнува едно од ветувањата за поголема транспарентност и вклучување на јавноста во определувањето критериуми како ќе се помага спортот.

Повеќе...

basket dino m1415.11.2017  Прва победа остварија младите кошаркари на “Баскет Дино“ во овогодишното првенство на М-14 лигата.

Откако во првото коло од првенството во групата Исток беа слободни, во второто коло како домаќини се сретнаа со “МВП Академија“ од Струмица и победија од 80:63.

Надмоќноста и добрата подготвеност на момчињата на тренерот Сашо Лазаров воошто не доаѓаше во прашање во текот на целата средба, беа во водство во текот на сите четири четвртини, високата кош разлика на крајот дојде сосема заслужено.

Повеќе...

sednica sovet vinica114.11.2017  За деветте месеци од оваа година приходите во целиот Буџет на Општина Виница се остварени во износ од 174 милиони и 714 илјади денари, што е 63 отсто од вкупно планираните.

Кај основниот буџет пак, состојбата е полоша, односно собрани се 56 милиони и 536 илјади денари што е само 49 отсто од планираното.

Овие податоци беа презентирани на втората редовна седница на Советот на Општина Виница, на која, меѓу другото, се разгледуваше извештајот за извршувањето на Буџетот во третиот квартал од 2017 година.

Повеќе...

POZARNA vezba13.11.2017  Спасување загрозени лица во тешка сообраќајна незгода на мост, гасење пожар и извлекување давеници е активноста што во организација на Министерството за внатрешни работи на Македонија, во соработка со Полициската станица Кочани и општинската Територијална противпожарна единица се одржа на мостот во центарот на Кочани.

Станува збор за показно тактичка вежба за спасување на настрадани лица по тешка сообраќајна несреќа со цел да се види подготвеноста на пожарникарите во случај на извлекување на лица пригмечени со возило.

Вежбата ја следеа голем број граѓани, а во неа учествуваа пожарникари од Територијалните противпожарни единици на Кочани и Виница, Здравствен дом Кочани и од Министерството за внатрешни работи, крим-техника и воздухоловните сили.

Повеќе...

presmetka-budzet114.11.2017  Намалени приходи во буџетската сметка на Општина Кочани има по неколки основи, поради што пред Советот ќе се најде предлог за ребаланс на финансискиот план за тековната година.

Комисијата за финансии и буџет, која веќе го разгледувала предлогот, дала едногласна поддршка за измените и дополнувањето на буџетските ставки. Според финансиските показатели, полнењето на приоходната страна во првите три квартали од годината е помало за околу 40 отсто, поради што за толку се предлага да се скратат и трошоците.

Ваквиот сооднос покажува дека минатата година планирањата биле поголеми од реалните, но според градоначалникот Илијев тоа нема негативно да се одрази на буџетот за 2018 година, што веќе започнал да се подготвува.

Повеќе...

opstina kocani tabla13.11.2017  Општина Кочани во текот на оваа недела ќе организира уште една јавна трибина со граѓаните за да ги слушне нивните мислења околу планирањето на парите од Буџетот што треба да се одделат за активности од областа на културата во 2018 година.

Веќе е упатен повик за учество до сите заинтересирани здруженија, институции од културата и сите уметници и поединци кои можат да дадат придонес во ефикасното распределување на средствата со кои би се постигнале подобри резултати.

Јавната расправа е од отворен тип и на неа може да присуствува секој граѓанин на Кочани што сака да земе непосредно учество во одлучувањето за работи од јавен интерес од локално значење и во надлежност на Општината. Трибината е закажана за в четврток, 16. ноември, со почеток од 18 ч, во салата на Советот на Општина Кочани.

Повеќе...

stari potok rabotilnica10.11.2017  Здружението за култура, наука и општествени дејности „Стари поток“ – Кочани ја одржа Детската поетска работилници „Каде е таткото во поезијата?“.

На работилницата зедоа учество ученици од основните училишта од општината,членови на Литературните секции, а во текот на работниот процес ги придружуваше и писателот за деца Киро Донев. Активноста е со поддршка на Министерството за култура на Република Македонија, преку “Нов културен бран“.

- Целта на оваа поетска работилница е пред се да се запознаат децата со поезијата за деца и за млади и да се стави акцент на мотивот за таткото во поезијата.

Повеќе...

ZELENO ZNAME malina13.11.2017  ОУ „Малина Попиванова“ по трет пат се стекна со признанието „Зелено знаме“, кое го доделува светската организација „ОХО“, поддржана од Швајцарската амбасада.

Со добивање зелено знаме и оваа образовна институција по трет пат го доби епитетот „Еко училиште“. Целта на проектот е заштита на животната средина и нејзина интеграција во воспитно – образовниот процес и подигање на свеста на учениците, наставниците и техничкиот персонал за заштита на животната средина, а се овозможува теоретското знаење да се примени во секојдневниот живот.

Знамето и официјално му беше доделено на училиштето на седмиот „Еко самит“ што се одржа во Скопје.

Повеќе...

poseta minister spasovski10.11.2017  Градоначалникот на Општина Кочани, Николчо Илијев оствари средба со министерот за внатрешни работи, Оливер Спасовски. Притоа се разговараше за актуелни теми за јавната безбедност и решавањето на сообраќајните проблеми.

Според министерот, со престојот во Кочани тој започнува серија посети на секторите и полициските станици во Македонија, оценувајќи дека е неопходна соработка со единиците на локална самоуправа, за заеднички да учествуваат во подобрувањето на јавната безбедност.

- Да започнеме една добра анализа и во тој дел да ги подобруваме сообраќајните можности во градовите, тоа да го овозможат градоначалниците, а ние како Министерство за внатрешни работи да им помогнеме во овој дел, бидејќи секаде во Република Македонија сообраќајот е како клучен проблем.

Повеќе...

IZLOZBA-simplex210.11.2017  Во Центарот за култура „Бели мугри“ во Кочани беше отворена првата самостојна изложба на ликовниот уметник Марија Мицова Гацова од Кочани, која се претстави со 20 дела работени во масло на платно.

Марија Мицова Гацова ѝ припаѓа на помладата генерација македонски ликовни уметници, школувана на Факултетот за ликовни уметности во Скопје.

Опсесија ѝ е дивиот- неурбанизиран пејзаж. Ја фасцинира недопрениот простор, поконкретно едноставниот пејзаж Simplex во примарната форма. Творечкиот потенцијал го насочува кон негова интерпретација.

 

Повеќе...

Осветување на манастирот “Св. Климент Охридски“ - Осоговски Планини

-1°C

Кочани

Ведро
Влажност на воздухот: 86%
Ветер: North при 0 kmh
Среда3°C/12°C
Четврток3°C/14°C
Петок4°C/14°C
Сабота4°C/13°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 185 гости и нема членови


web counter



qr code