Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

deni mitrov vodostopanstvo03.01.2018  Нови кадровски промени на почетокот на оваа година се направени и во раководството на водостопанската подружница “Брегалница“ во Кочани.

На местото на досегашниот вршител на должноста, на директорската позиција е назначен Дени Митров, за што веќе е потпишано решението од централата на Водостопанство во Скопје.

Митров има високошкослко образование и самиот вели дека има доволно познавање за состојбите со земјоделството во регионот, поради што го прифатил предизвикот да ја раководи водостопанската подружница.

Повеќе...

laptopovi opstina03.01.2018  Дел од лаптоп компјутерите, што во Општина Кочани беа набавени пред локалните избори, како и оние што советниците од претходниот состав ги вратиле, најверојатно нема да останат неискористени.

Се планира да им се поделат на локалните институции на кои би можеле да им бидат од корист. Таква е идејата на градоначалникот Илијев, кој најавува дека ќе побара согласност и од Советот.

- Останаа кај нас 21-22 лаптопи за кои во моментот немаме решение, односно во моментот моето размислување е на првата седница на Советот во 2018 година да поднесам барање тие да се расходуваат и потоа да им ги доделиме на училиштата, на Полициската станица кои се жалат дека немаат компјутери.

Повеќе...

polnac elektromobili03.01.2018  По информацијата на локалните медиуми за поставувањето на полначот за електрични возила, што пред Нова година беше инсталиран пред зградата на Локалната сампуправа во Кочани, од Општината испратија појаснување дека со Договор за јавна набавка, склучен на 5 октомври 2017 година била набавена станицата за полнење на електромобили, но и електричен скутер.

Барањето за оваа набавка била поднесено на средината на мај минатата година, а јавната набавка била извршена во два дела.

Договорот за уредот за полнење електрични возила бил склучен со фирмата „Фибернет м-к“, а скутерот бил набавен од добавувачот „КМГ ЕОЛ Квазар“, при што на првата тендерска постапка учествувале тројца, а на втората двајца понудувачи. Набавката била извршена според најниската цена постигната со електронска аукција.

Повеќе...

planinari03.01.2017  Раководството и најредовните членови на ПСД “Осогово“ уште на стартот на Новата година се зафатија со работа и го одржаа првиот состанок на кој се договараа активностите што ќе се реалзираат во наредниот едногодишен период.

Главен заклучок од средбата е дека Друштвото бележи позитивен тренд и зголемување на бројот на акции и анимирање на јавноста, пред се помладите, за да се придружат во освојувањето на планинските врвови.

Сепак, главно прашање и понатаму останува просторот што планинарите би го користеле како свое седиште во кое ќе се договараат за сите активности.

Повеќе...

prvo bebe 201802.01.2018  Машко е првото новороденче во 2018 година кое се роди во Општата болница во Кочани. На свет го донесе мајката Тања Атанасова од Зрновци, а бебето се родило неколку часа по навлегувањето во Новата година.

Породувањето го извршил доктор Фонзи Јуруков, кој рече дека тој и неговите колеги имале полни раце работа, токму за време на новогодишната прослава.

- Во текот на новогодишната ноќ се родија три бебиња, при што пред полноќ се родија две, едно машко и едно женско бебе, а после Нова година, после 12 часот се роди првото новороденче во 2018 година. Тоа беше машко, со тежина 3,8 кг., должина 55 сантиметри.

Повеќе...

minister zdravstvo 02.01.2018  На последниот ден од 2017 година министерот за здравство дојде во Кочани, во посета на Општа болница, што според него е вообичаена работна обврска и е дел од планираните посети на поголемите здравствени институции во државата.

На средбата со директорката Панова и со дел од дежурните лекари на Итната медицинска помош, тој ги доби првичните информации за состојбата во која се работи во моментот и неопходните технички и кадровски потреби.

Министерот Филипче рече дека се работи за вообичаена средба, откако неодамна тој ја презеде раководната функција во ресорот, при што искажа и впечатоци од средбата во Кочани.

Повеќе...

itna pomos vozila02.01.2018  Со вообичаениот огномет, пукање петарди и музика од сите страни беше означен преминот од старата во Новата 2018 година.

Веселата атмосфера, без поголема еуфорија, што можеше да се почувствува во угостителските обкјекти каде имаше организиран дочек, но и во домовите на граѓаните, Кочани и во соседните општини помина без поголеми инциденти и релативно мирно.

Сепак, за да не биде се како што треба, се погрижиле две лица од Виница кои во расчистувањњето на меѓусебната расправија употребиле и прирачни предмети.

Повеќе...

kocani reka129.12.2017  Новинарскиот осврт на настаните што беа покарактеристични во годината што изминува покажува дека во голем дел тие биле со позитивно, но не бил мал бројот и на оние со негативно обележје, поради што не е лесно да се направи баланс и да се издвојат најважните.

2017-та во нашиот регион започна надежно и со големи очекувања, особено по убавата вест во средината на јануари дека виничанецот Лазе Димитровски ја добил премијата од 22 илјади евра од Државната видеолотарија на Македонија. На тоа во февруари се надоврза и информацијата за распишувањето на јавниот тендер за втората фаза од експресниот пат Штип – Кочани.

Сепак, за да не биде се толку розово, влијаеше граѓанската невнимателност, па токму во најстудените денови од претходната зима избувнаа неколку пожари во куќи и во Трговскиот центар во Кочани, во кои за среќа имаше само материјална штета.

Повеќе...

novogodisen koncert201729.12.2017  Учениците и професорите од ОМУ “Ристо Јуруков“ноќта на одржување на традиционалниот новогодишен концерт навистина ја направија волшебна, каков што е и годинешниот наслов н концертот.

Ја воодушевија публиката која што ја исполни салата на ЦК “Бели мугри“ до последното место.

И годинава, како и во претходните, се одржаа повеќе дневни и две вечерни претстави, а последната, со своето присуство ја збогатија и министерот за култура, Роберт Алаѓозовски и министерката за труд и социјална политика, Мила Царовска.

Повеќе...

TPPE202.01.2018  Градоначалникот на Општина Кочани, Николчо Илијев денеска ги посети институциите чии служби имаа дежурства во текот на празнувањата.

Целта беше директно од најодговорните да се информира за состојбите во текот на новогодишните празнувања и лично да им ја честита Новата година.

Општа оцена е дека празниците поминале во мирна атмосфера, со мошне мали интервенции. При посетата на Општа болница, со директорката Борка Панова, Илијев размени мислења за потребите на здравствените установи од кадровски и материјално-технички аспект.

Повеќе...

Осветување на манастирот “Св. Климент Охридски“ - Осоговски Планини

4°C

Кочани

Заоблачено
Влажност на воздухот: 87%
Ветер: West при 15 kmh
/
/
/
/
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 171 гости и нема членови


web counter



qr code