Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

zdravozivo10.09.2013 Романија, Словачка, Ерменија, Србија, Молдавија, Нигерија, Украина, Словенија, Турција и Бугарија, се земјите кои со својот фолклор ќе бидат гости на 28-от МФФ “Истибанско здравоживо“.

Со отворањето на изложбата на “Китка“ во петок (13 септември) започнува официјалниот пречек на странските ансамбли,а веќе во сабота на 14-ти септември со дефиле низ село Истибања започнува фестивалот.

Под отворено небо во село Истибања ќе се измешаат боите на македонските и странските култури, а концертот ќе го отворат членовите на домашниот ансамбл “Китка“.Истата вечер ќе се одржи и традиционалната македонска вечер, а во текот на наредните 4 дена фолклористите ќе имаат повеќе настапи во Источна Македонија и прошетки со запознавање на регионот и пошироко.

Повеќе...

amici10.09.2013 Изучување на странските јазици , поттикнување на љубовта за изучување на странски јазици и следење на афинитетите и потенцијалите на децата од 3 до 8 годишна возраст е целта на дел од програмата која се спроведува во центарот за странски јазици „Амичи“. Од новата учебна година центарот стартуваше со реновирани простории, подобрен амбиент и нова технологија која на отворениот ден во саботата беше презентирана пред учениците. Во својата осумгодишна работа вработените секоја година организираат случување кое има забавен карактер. Годинава одлучија да ги отворат вратите не само за нивните ученици туку за сите заинтересирани.  

-На отворениот ден ја промовираме новата современа опрема во училиштето. Интерактивната табла , 3Д телевизорот на кој учениците гледаат едукативни документарни емисии и филмови и со тоа контактот со јазикот е поблизок.

Повеќе...

sport-510.09.2013 „Осогово“ по само четири кола веројатно ги губи шансите за освојување на првото место во т.л.и. Иако до крајот на првенството останува уште многу, евидентно е дека жолто -сините немаат квалитет да се носат со фаворитите. Против најсериозниот од нив, беа поразени на „Никола Мантов“ со убедливи 0:3.

Хет -трик на натпреварот постигна Лиманов со головите во 22, 35 и 85 минута, додека „Осогово“ не упати ниту еден директен удар кон голот на гостинската екипа.

Но, затоа „Слога 1934“ ги истакнува високите амбиции сезонава со четири победи во исто толку натпревари. Во Виница, славеше над Брегалница Голак со 3:1.

Повеќе...

zfk1110.09.2013 ЖФК „Кочани“ славеше во веројатно најважниот натпревар сезонава. Во Струмица со резултат од 0:2 ја совлада „Тиверија Истатов“, според познавачите на состојбите во женскиот фудбал, директниот ривал на кочанки во годинешното првенство.

„Кочани“ уште на стартот од натпреварот успеа да ја наметне својата игра, што резултираше со рано водство уште во 4 минута со гол што го постигна Афродита Салихи. Дека „Кочани“ е дојден по трите бода, во 35 минута потврди Спировска која го постигна голот за водство од 2:0 на полувреме, резултат што се покажа и како конечен.

Второто коло ги донесе и новите три бода за „Иднина С“.

Повеќе...

borci206.09. 2013 7 ми септември е значаен ден за градот Кочани. Ден кога е ослободен од окупаторот , а борците го дале својот живот за слободно Кочани. Сојузот на борци на Кочани секоја година со низа активности го одбележува празникот. Делегација од Локалната самоуправа, членови на Сојузот на борците како и членови на политички партии во сабота на 7 септември во 9.30 ќе им оддадат почит на паднатите борци и ќе положат свежо цвеќе на Споменикот на слободата и на бистите на Љупчо Сантов и Раде Кратовче во Паркот на Револуцијата.

-Тој ден е многу важен за Кочани. На тој ден Кочани веќе не е под окупаторите, туку е ослободен. Затоа треба да си го одбележуваме и почитуваме. Ќе положиме свежо цвеќе на паднатите борци, рече Трифун Манојлов, претседател на Сојуз на борци Кочани.

Повеќе...

Zdravstveni-karticki-206.09.2013 Само 15 000 од вкупно 38 000 регистрирани осигуреници во Кочани ја подигнале електронската здравствена картичка. Но, во општината постои друг куриозитет. Бројот на подигнати електронски картички од страна на пензионерите е ист со оној на лицата во работен однос.

-Одлучивме во градовите каде е присутна оваа појава да апелираме, не да се заканиме, дека рокот за подигнување на електронските здравствени картички е 30 октомври. По овој датум, никому не ќе можат да му се испечатат сини картони-рече Бранко Аџиов, советник на директорот на ФЗОМ.

Од ФЗОМ посебен апел упатија до фирмите, што побргу да ги подигнат картичките за вработените, за оттаму да можат на истекот од рокот да посветат поголемо внимание на најголемите групи, невработените и пензионерите.

Повеќе...

meleno meso06.09.2013 Рефус мелено месо во кое има се освен месо, веќе нема да може да се купи во месарниците или во помалите продавници. Така налага Законот и правилникот за квалитет на меленото месо, кој стапи во сила од 1 септември.

Деновиве инспекциските служби на терен следат дали се спроведува забраната за продажба на готово мелено месо. Можно е и за некој денар месото ќе поскапи, но ќе биде со гарантиран квалитет, а граѓаните точно ќе знаат што има во месото што го купуваат, велат од Агенцијата за храна.

Многу често, до сега, со рефус меленото месо имаше соја, масно ткиво, делови од кожа и коски. Сега купувачот ќе си го одбере парчето месо кое ќе му биде сомелено на лице место.

Повеќе...

solidarnost-306.09.2013 Поредовни во подмирувањето на обврските кон „Солидарност“ биле јавните установи и физичките лица со наплата од 72% , а релативно слаба е наплатата од правните лица која изнесува скромни 35%.

Граѓаните на Виница ова лето потрошиле помалку вода од лани. Во најжешките денови градот и неколку населени места се трошеле по 5124 м3 дневно.

Во текот на август, вкупно 13 000 потрошувачи од Виница, селата Градец, Јакимово и Црн Камен потрошиле 143 220 м3 вода.

Филтер станицата во градот дневно регистрирала потрошувачка од 4260 м3, не сметајќи ги дополнителните 846 м3 вода од бунарите, што значи дека Виничани и приградските населби трошеле по 5124 м3 дневно.

Повеќе...

komarci204.09.2013 Екипа на Центарот за јавно здравје од Битола прскањето ќе го изврши на 5 септември (четврток) и 6 септември (петок). Истото ќе биде тереистичко од земја.

Запрашувањето ќе се врши во периодот од 23 до 05 часот со апаратура за УЛВ ладно запрашување поставена со пикап возило. Со оглед на тоа дека активностите ќе се изведуваат во вечерните часови , на возилото со апаратурата за дезинсекција ќе му претходи друго возило означено со ротационо светло.

Во оваа фаза со дезинсекцијата ќе бидат опфатени 300 хектари, градското подрачје на Кочани, селата Тркање, Горни и Долни Подлог, Грдовци, Прибачево и Оризари.

Повеќе...

Vinica-Vodovodna-Mreza06.09.2013 Започнува изградбата на водоводна мрежа во новата индустриска зона во Виница. Рокот што во договорот го предвиделе Локалната самоуправа и изведувачот „Баум-Инвест“ е почетокот на ноември.

Во меѓувреме во индустриската зона заврши изградбата на канализациона мрежа.

Се интензивира и реконструкцијата и на општинската водоводна мрежа.

-Крајниот рок за завршувањето на работите е месец декември. Со оглед на динамиката со која активностите ги врши фирмата „Жикол“, се очекува реконструкцијата да заврши во предвидениот рок-рече Емил Дончев, градоначалник на Општина Виница.

Повеќе...

Осветување на манастирот “Св. Климент Охридски“ - Осоговски Планини

7°C

Кочани

Претежно облачно
Влажност на воздухот: 93%
Ветер: East при 2 kmh
Петок3°C/11°C
Сабота1°C/10°C
Недела-3°C/2°C
Понеделник-4°C/1°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 128 гости и нема членови


web counter



qr code