Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

kosarka523.07.2013  Иницијативата на група млади за меѓусебно одмерување на силите во спортско натпреварување придонесе Локалната самоуправа да ја преземе организацијата на турнир во баскет.

Натпреварите ќе се одиграат на 31 јули во спортската сала на ОУ “Никола Карев“, а екипите учеснички ќе бидат составени од 3 плус 1 играч.

Повод за организирање на турнирот е одбележувањето на празникот Илинден.

Со оглед на краткиот рок до одржувањето, од Општината упатија јавен повик за пријавување на заинтересираните екипи.

Повеќе...

vodovod622.07.2013  Надминати се причините за целодневни прекини на водата во градот и населените места кои се снабдуваат од водоводната мрежа на КЈП “Водовод“.

Со поставувањето нови цевки на потегот кај обиколниот пат околу Кочани, викендот завршија градежните активности на проектот за замена на дел од главниот потисен цевковод. Иако екипите на изведувачот на работите, фирмата “Жикол“ од Струмица, се соочија со тежок терен за работа, сепак планираните задачи беа исполнети во целост и водата потече по новите цевки.

Од друга страна, оперативните екипи на кочанското комунално претпријатие го искористија целосниот прекин на водата за да интервенираат на други места од водоводната мрежа.

Повеќе...

Nevrabotenost22.07.2013  За само половина година бројот на невработените во Кочани се намалил за 60 отсто.

Такви се официјалните податоци што ги објави Агенцијата за вработување. Споредбата на бројот на невработените на крајот од минатата година и на крајот од јуни годинава покажува драстичен пад. Во декември 2012-та во евиденцијата на службата биле регистрирани околу 7.150 лица кои бараат работа, а на средината од оваа година тој број паднал на близу 3.000.

Иако во меѓувреме немаше отворање поголем број работни места или пак друг вид масовни вработувања, невработеноста е намалена. Најверојатно тоа е резултат на пререгистрацијата и новиот начин на евидентирање на невработените, што започна од почетокот на годинава.

Повеќе...

Pantelej-Pat-522.07.2013  Асфалтот на делницата меѓу Пантелеј и Рајчани е избразден на повеќе места и по него тешко се минува со патничко возило.

Патот што беше изграден пред околу две години целосно е оштетен и во дупките што се направени од возилата се собира вода. На повеќе места има издигнувања на асфалтот на средината од коловозот, а може да се забележи дека при поминувањето преку нив, имало и оштетувања на возилата.

Со оглед што широчината на патот е само три метри, на одредени делови каде има непрегледни кривини возењето може да биде и со ризик да се излета надвор од коловозот.

Жителите на планинските села од овој регион се жалат дека оштетувањата на асфалтниот пат се појавиле за само една година, откако по него почнале да поминуваат тешки товарни возила.

Повеќе...

sdsm22.07.2013  Четворица кандидати, членови на СДСМ од Кочани доставиле пријави за претседател на општинската организација.

Пријавите се испратени директно до партискиот претседател Зоран Заев, па во локалниот партиски огранок не можеа да соопштат повеќе информации за лицата кои конкурираат да ја водат партијата во наредниот период. Само еден кандидат пријавата ја доставил во општинската организација и таа оттаму била препратена во Скопје. Сепак, заради коректност во постапката и со намера да кандидатот да не се фаворизира во однос на другите, не сакаа да го соопштата неговото име.

Во градот веќе се шпекулира дека изборопт што треба да го направи Заев е само формалност, затоа што било познато оти партијата во Кочани ќе ја води млад и за јавноста познат правник.

Повеќе...

ISI-322.07.2013  Фудбалерите на Таринци се првите полуфиналисти на годинешниот турнир на 41. Илинденски спортски игри во Чешиново.

Во рамноправен дуел со екипата на Грдовци тие беа подобри во изведувањето пенали.

За време на целиот натпревар се играше полузатворена, на моменти груба игра, со чување на сопствената половина од теренот и повремени обиди со брзи контранапади да се загрози противничката мрежа. Стравот да не се доживее изненадување и од полушанса да се прими гол, придонесе во регуларниот дел од напреварот да не се постигне ниту еден гол.

Повеќе...

borenje22.07.2013 В среда со почеток во 17 часот во училишниот двор на ОУ „Крсте Мисирков“ во населбата Оризари ќе се одржи традиционалниот турнир во борење „Оризари 2011“.

Турнирот ја задржа годината во називот, заради ставање акцент на неговото возобновување.

Негов организатор е тренерот Зоран Митев од Оризари, а со техничка поддршка на боречкиот клуб „Спартак“ од Кочани.

Право на настап на турнирот имаат борачи родени 1997, 1998, 1999, 2000 и 2001, распоредени во две групи: пионери и кадети.

Повеќе...

Pesok19.07.2013  Државната комисија за спречување на корупцијата покрена иницијатива за поведување постапка за кривично гонење на П.Ј и Д.Ј., одговорни лица на друштвото "Калина"ДООЕЛ од населбата Оризари.

Причината за тоа е што постојат основи за сомневање дека тие сториле кривично дело “незаконита експлоатација на минерални суровини“. Осомничените се товарат дека одобриле со механизација на фирмата да се врши нелегален ископ на песок од нива во месноста Белско поле, во близина на село Прибачево.

За вршење на ископот фирмата не поседувала соодветна дозвола, што е спротивно од законот за експлоатација на минерални суровини.

Повеќе...

VinicaIncident219.07.2013  Детска игра во четвртокот попладне можела да има сериозни последици за 11-годишно дете од Виница.

Детето си играло на терасата од семејната куќа и во еден момент се качило на еден од столовите што се наоѓал во близина и започнало да се лула. Само мало невнимание било потребно за малолетникот да изгуби контрола и да падне преку работ на терасата.

По падот од височина од над три метри завршил на земја, при што се  здобил со потешки повреди. Писокот и плачот на детето го слушнал еден од постарите членови во семејството и веднаш притрчал да помогне.

Повеќе...

zensko lobi219.07.2013  Зајакнување на улогата и промовирање на важноста што ја имаат комисиите за еднакви можности меѓу мажите и жените во локалните заедници е една од основните задачи што треба да се разреши во сите општини.

Во моментот кон овие комисии има несериозен став, односно тие се маргинализирани, па не можат да ја исполнат својата улога.

Ова, меѓу другото беше речено на регионалната работна средба што во Кочани ја организираше Македонското женско лоби со членовите на комисиите за еднакви можности од општината-домаќин и соседните Чешиново-Облешево, Зрновци и Виница.

Функционирањето и бројноста на активностите на комисиите за еднакви можности се различни, што зависи во која општина се наоѓаат.

Повеќе...

Осветување на манастирот “Св. Климент Охридски“ - Осоговски Планини

5°C

Кочани

Дожд
Влажност на воздухот: 76%
Ветер: NNW при 6 kmh
Недела0°C/8°C
Понеделник-6°C/6°C
Вторник-5°C/6°C
Среда-6°C/6°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 479 гости и нема членови


web counter



qr code