Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

panair25.09.2013 Комисијата за спроведување на постапката за јавно наддавање објави оглас за организирање на традиционалниот кочански панаѓур по пат на јавно наддавање, кој годинава ќе се одржи од 18 до 23 октомври.

Почетната цена изнесува 500.000 денари без ДДВ. Јавното надавање е закажано да се спроведе на први октомври во 12 часот во просториите на КЈП „Водовод“.

Право на учество имаат сите регистрирани правни субјекти кои се регистрирани како правен субјект во Централниот регистар најмалку 2 години, кои немаат обврска спрема КЈП „Водовод“. Треба да уплатат 10 % од почетната цена објавена на лицитацијата во благајната на претпријатието најкасно до почетокот на јавното наддавање.

Повеќе...

opstina-kocani123.09.2013  Над 28 милиони денари помалку ќе бидат наплатени во Буџетот на Општина Кочани. Заради тоа три месеци пред крајот на годината е предложен негов ребаланс.

Приходната страна на општинската сметка останува покуса во споредба со планирањата поради намалената наплата на одделни давачки, што претходно не можело да се предвиди.

Најголем удел во потфрлањето има надоместокот за уредување на градежното земјиште или популарните комуналии, заради што Општината е принудена да направи измени и дополнувања на буџетот за годинава, беше речено на седницата на Комисијата за финансии и буџет.

Повеќе...

bojan225.09.2013 Бојан Серафимов како дел од репрезентација во која беа уште и Климент Серафимов, Васил Кузевски, Филип Беџовски и Росица Дејановска, се натпреваруваше со свои врсници од 10 балкански земји и заедно го постигнаа најголемиот успех за Македонија од областа на информатиката, еден сребрен и два бронзени медали на 21-та Балканска олимпијада во Сараево.

Заменик министерот за образовани и наука Арсовска Томовска рече дека натпреварите по информатика претставуваат вистинска можност да се навлезе во тајните на програмирањето, да се подигне свеста кај младата популација за потребите на ИКТ индустријата во нашата земја, а воедно се и поттик за градење професионална кариера во областа на информатичките технологии.

Повеќе...

sovet-cesinovo123.09.2013  Со свечена седница на општинскиот Совет започна официјалното одбележување на деветгодишниот јубилеј од основањето на Општина Чешиново-Облешево.

Градоначалникот  Костадин Личков во обраќањето пред присутните направи краток осврт на досегашното работење и развој. Беше речено дека жителите се горди на постигањата, посебно во решавањето на инфраструктурните проблеми, па иако претежно земјоделска, општината станува препознатлива на стопанската карта на Македонија.

Во рамки на свечената седница, на ченици од општинските основни училишта им беа доделени признанија за најдобро изработени литературни и ликовни творби на конкурсот што беше распишан по повод празникот.

Повеќе...

kniga25.09.2013 Во книгата, со кратки биографии и со неколку песни се поместени поетските имиња, 52 ца поети од Кочани од периодот меѓу двете светски војни, па до денес. Да продреш до душата на авторот е лудост или храброст, или тоа е едно та исто. Да одвоиш дел од неговата душа, треба да бидеш подготвен на непредвидено движење во просторот на опкружувањето, вели авторот на книгата Коце Стојменов.

-Јас сум човек кој секогаш трага по нешто што го нема, што е заборавено. Она што е помалку достапно до јавноста е изнесено во оваа книга. Јас сум задоволен од ова што го направивме и мислам дека е интересно за јавноста бидејќи секој автор кој е поместен во книгата е застапен со по неколку песни и со кратка биографија. Така нема да се заборават никогаш, рече Коце Стојменов, автор на книгата.

Повеќе...

sdsm23.09.2013 Нови членови на Извршниот одбор на ОО на СДСМ се Лилјана Трајановска, Елизабета Георгиеска, Анита Постолова, Данче Бошкоска, Станка Захариева, Вера Анастасова, Наталија Георгиева, Ѓорѓи Алексов, Томе Солевски, Дарко Радески, Ванчо Петрушевски, Оливер Манасиев, Горан Миладинов, Јане Романов, Александар Иванов, Димче Трифунов, Ванчо Митев и Ристе Ефтимов.

Во Надзорниот одбор пак влегоа Благица Ѓоргиева, Славица Давиткова, Љупка Ѓоргиева, Александар Зафиров, Шафи Мустафов, Влатко Јефтимов и Мирче Јованов.

-Имаме млади луѓе, афирмирани во својата средина и се надевам дека направивме добар избор.

Повеќе...

Turski-Banji24.09.2013 Виничкиот градоначалникот Емил Дончев се надева Мултикултурниот центар, еден од проектите на Источно - планскиот регион, ќе почне да се гради на почетокот од идната година. Средствата за веќе комплетираната проектна документација беа одобрени до страна на Бирото за регионален развој. Станува збор за проект вреден 50-тина илјади евра.

-Ќе содржи две канцеларии, една помошна просторија како и етно-соба за ноќевање на гостите кои ќе ја посетат Виница- рече Емил Дончев, градоначалник на Виница.

Мултикултурниот центар ќе се гради на местото на поранешната турска бања. Станува збор за руиниран и запуштен објект кој во меѓувреме се користи како јавен тоалет.

Повеќе...

pretstava25.09.2013 Станува збор за дипломска претстава на студентите од класата на редовниот професор Владимир Милчин во која се разработува полемиката на Мара и де Сад за смислата на Револуцијата и прераснува во полемика за смислата на денешната актерската професија како и за соочувањето на младите актери со застрашувачката неизвесност на она што ги очекува надвор од факултетските бараки.

-Пораката на оваа претстава е да кажеме дека дојде време за револуција. Не можеме да чекаме уште затоа што време повеќе нема. Преку претставата на сликовит начин го искажуваме нашиот став за работите во општеството и став за театарот. Проектот е супер и ова е дипломска претстава, рече актерот Александар Михајловски.

Повеќе...

sutlijas-cesinovo323.09.2013  Одбележувањето на празникот Општината Чешиново-Облешево беше искористено и за подготовка на рекордна количина сутлијаш.

Организатор на настанот беше Месната заедница од Чешиново и тоа беше генерална проба за обидот општината да се запише во Гинисовата книга на рекорди. Досегашниот Гинисов рекорд е околу 300 килограми и е регистриран во Грција, но на чешиновци им успеа да подготват многу повеќе. 

Токму на Мала Богородица, празникот на Општината, на сретсело во Чешиново шест часа се вареше оризот од кој се доби најголемата количина сутлијаш на едно место.

Повеќе...

izlozba1025.09.2013 Во Библиотеката „Искра“ e отворена изложба на слики од академскиот сликар Коста Клифов од Велес. Пред кочанската културна јавност тој се претстави со дела изработени во техниките масло на платно и акрил. Клифов изложувал во родниот град, а ова е прва негова самостојна изложба во Кочани.

-Претставени се 18 платна со политички теми, теми од војна, пејсажи, портрети... Иложен е мал дел што е одбран тематски за сликите да се вкомпонираат во една целина, светот што не опкружува- рече Коста Клифов, академски сликар.

Коста Клифов е роден 1985 година, а дипломирал на Факултетот за ликовна уметност во Скопје.

Повеќе...

Осветување на манастирот “Св. Климент Охридски“ - Осоговски Планини

27°C

Кочани

Ведро
Влажност на воздухот: 37%
Ветер: Variable при 4 kmh
Четврток16°C/26°C
Петок15°C/29°C
Сабота17°C/32°C
Недела18°C/34°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 130 гости и нема членови


web counter



qr code