Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

pcelki-117.10.2013 Пчеларите од Кочанско и Виничко кои се регистрирани во Ветеринарниот информациски систем, до крајот на овој месец имаат обврска да ја пријават бројната состојба на своите пчелни семејства во Ветеринарните станици.

Оттаму деновиве испратија екипи на терен за да ја испитаат здравствената состојба на пчелите. Прецизното евидентирање на бројноста на пчелните семејства е предуслов за субвенционирање Пријавувањето на бројната состојба на пчелите се прави двапати годишно, во април и во октомври.

Во април се врши евиденција на презимени пчелни семејства, број кој влегува во апликацијата за субвенции. Минатата година драстичните температурни осцилации погодија над 70 проценти од пчелните семејства.

Повеќе...

Vlez-Orizari16.10.2013  Оризарци се надеваат дека повторно ќе добијат пристоен влез во населбата, преку кој без проблеми ќе можат да влегуваат автобуси и други тешки и патнички возила.

Една од главните улици што порано се користела како приод кон Оризари сега е полна со дупки и кал, па практично е неупотреблива при пообилни врнежи.

Иницијативи за нејзина изградба имало повеќепати, но секогаш завршувале безуспешно.

Сега мештаните повторно излегуваат со истото барање, надевајќи се дека Општината ќе го стави во планирањата за идната година.

Повеќе...

Sanacija-Ponikva-Dupki-117.10.2013 Започна крпењето на ударните дупки на регионалниот пат од Кочани до Пониква. Механизацијата на кочанската секција на „Македонија пат“ ќе биде на терен в четврток и петок за да ги санира оштетувањата на коловозот.

Длабоките оштетувања ќе ги пополнат 20 тони топла асфалтна маса. Ова се прави в пресрет на новата зимска туристичка сезона на Пониква, иако е само мал дел од планираните зафати на овој патен правец.

Поопфатна санациона операција на регионалниот пат треба да биде комплетното поставување на нов асфалт на проблематичниот горен дел од делницата од поранешниот мотел „Шарена чешма“ до аеродромот.

Повеќе...

Zemjodelska-Mehanizacija-216.10.2013  Неочекувано голем број барања поднеле земјоделците во државата за легализирање на земјоделската механизација за која не поседувале валидна документација.

Пред една ипол година тие од министерствата за економија и за земјоделство побараа да се овозможи по редовен, законски пат да извршат легализација и да ги регистрираат тракторите и другите машини со кои ја обработуваат земјата.

Според заменик-министерот за земјоделство Зоран Коњановски, големиот одзив на сопствениците на нерегистрирана механизација покажал дека барањата биле оправдани, а дел процедурата успешно е завршена.

Повеќе...

veritas1217.10.2013 Во изминатите денови виничани живеат во духот на хуморот и сатирата.

За фестивалот “Ин Виница веритас“ има голема заинтересираност а за тоа сведочи преполната сала до последно место на ДК „Тошо Арсов“ за време на претставите.

Во вторникот беше одиграна претставата “Л`жецот“ на театарот од Трјавна, пародична комедија на општествено -политичките случувања во Бугарија.

Во средата беше одиграна белградската претстава “Пукла брука“ во која главната улога ја играше Тијана Дапчевиќ. Фестивалот продолжува со претставата “Ноќите во бел сатен“ на Братислав Димитров и театарот од Велес.

Повеќе...

Zdrava-Hrana-216.10.2013 Здравата храна е клучна за здраво детство и здраво растење, беше кажано на манифестацијата по повод одбележување на Светскиот ден на храната 16 октомври. Учениците и наставниците од ОУ „Климент Охридски“ од Облешево заедно со подрачните училишта во Бање, Кучичино, Теранци, и Чифлик со помош на родителите во спортската сала на училиштето презентираа креативни изработки промовирајќи ја здравата храна.

-Според годишната еко програма имаме планирано одбележување на позначајните еколошки празници како на пример денешниот „Светски ден на храната“. Затоа учествуваме во кампањата „Здрава храна за детство без мана“. Целта е учениците уште од мали да стекнат навики за користење на здравата храна, рече Стојан Атанасов, директор на ОУ „Климент Охридски“ Облешево.

Повеќе...

Ponikva17.10.2013  Започна процедурата за основање на новото меѓуопштинско претпријатие што се договорија да го формираат Кочани и Пробиштип.

По неодамнешното давање согласност од советите на двете општини, доставена е предлог-одлука за неговиот назив. Според неа се предлага целосното име да биде Заедничко јавно претпријатие ПОНИКВА КП- Кочани, што се образложува со тоа што новиот правен субјект ќе се грижи за спортско рекреативниот центар на Осогово.

Одлуката ќе се најде на расправа пред советниците на седницата закажан за в петок. На последната седница тие веќе донесоа одлука потребната сума за основање на претпријатието во висина од 5 илјади евра по половина да ја финансираат двете општини од своите буџети.

Повеќе...

kurban16.10.2013 Пред изгрејсонце со утринската молитва Сабах – намаз, а потоа и со молитвата Бајрам – намаз почнува прославата за одбележување на празникот, во која почитта кон Алах муслиманите ја искажуваат со колење курбан. Молитва имаше и во кочанската џамија на вториот ден од Курбан – Бајрам.

-Утрово читавме молитва и го клањавме курбанот. Веднаш потоа се дели на три дела. Едниот оди кај сиромашните, другиот за пријателите и третиот за дома со фамилијата. Целта на празникот е да се зајакнат односите помеѓу луѓето, рече Мехмед Ариф , оџа во кочанската џамија.

По молитвата во џамија според обичаите муслиманите ги посетуваат гробиштата, а потоа пречекуваат гости.

Повеќе...

Dom-na-Kultura-Orizari16.10.2013  Зградата на поранешната Општина Оризари, како дел од Домот на културата, стои неискористена и пропаѓа. Просториите што некогаш се користеа за потребите на службите во локалната самоуправа подолго време се напуштени, па дел од внатрешноста на објектот е руиниран и претворен е во јавен тоалет.

Грдата слика е забележлива од далеку, иако објектот се наоѓа во центарот на населбата, а порано претставуваше гордост за мештаните. Тие од Општина Кочани бараат да преземе мерки состојбата со објекот да се подобри и тој да се стави во целосна употреба.

Од локалната власт велат дека се запознати со проблемот и се работи на негово решавање, при што во објектот ќе има и нови корисници.

Повеќе...

pat315.10.2013  Прв приоритет за источниот дел од државата во наредниот период ќе биде изградбата на автопатот Миладиновци – Штип, со што овој регион ќе добие квалитетно сообраќајно поврзување со главниот град.

Такви се ставовите на Министерството за транспорт и врски, каде веќе се планирани шесте главни патни насоки што треба да се реализираат на територијата на целата држава.

Иако пред околу една ипол година се најавуваше дека се изработува физибилити студија за автопатско поврзување и на Кочани и Виница, сега таквата можност не се споменува. Во замена на тоа се најавува само проширување на постојниот коловоз.

Повеќе...

Осветување на манастирот “Св. Климент Охридски“ - Осоговски Планини

-7°C

Кочани

Ведро
Влажност на воздухот: 86%
Ветер: NE при 2 kmh
Петок3°C/7°C
Сабота4°C/10°C
Недела-1°C/6°C
Понеделник2°C/7°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 77 гости и нема членови


web counter



qr code