X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

pcelari16.10.2013 Пчеларите годинава не можат да се пофалат со високо производство на мед. Во споредба со минатите години оваа е најсиромашна во однос на производството. Ако порано од едно семејство ваделе просечно 20 кг. мед, сега тоа е четирикратно намалено.

-Во моето пчеларско искуство од 20 години оваа година беше најсиромашна што се однесува за производството на мед. Целта ни беше да ги задржиме пчелите. Тешката пчеларска година предизвика дополнителни трошоци. Ни претстои една тешка зима во која главна цел ќе ни биде презимување на пчелните семејства.Просекот на вадење мед е под 5 кг. од пчелно семејство што е мал и економски неисплатлив за да опстоиме, рече Слободан Данилов, пчелар, секретар на ПЗ „Матица“.

Повеќе...

vakcini217.10.2013 Во Центрите за јавно здравје во државата започна, а во кочанскиот Центар за јавно здравје вакцинацијата против сезонски грип стартува в понеделник.

Пристигнаа 2.200 вакцини што во наредниот период ќе им бидат на располагање на заинтересираните граѓани, информираше директорката на центарот Благица Ѓурковиќ. Вакцинацијата не е задолжителна и чини 400 денари.

Во Македонија годинава се набавени околу 30.000 дози тритипна вакцина , произведени од фармацевтската компанија „Глаксо Смит Клајн“ од Белгија. Од кочанскиот центар за јавно здравје велат дека вакцините се безбедни , со врвен квалитет и одобрени од Бирото за лекови.

Повеќе...

Stecajci17.10.2013  Иако останаа со “кратки ракави“ по комисиската расправа во републичкото Собрание, членовите од кочанскиот огранок на Здружението на стечајни работници “Унит“ не се откажуваат од барањето да се усвои предлог-законот за решавање на нивниот статус.

Велат дека се незадоволни и револтирани што не добиле поддршка од од мнозинството во комисијата за труд и социјална политика, а посебно од пратеничка Бети Кузмановска.

На редовниот состанок што го одржале стечајците се договориле да остварат средба во канцеларијата на пратеничката за да ги слушнат нејзините ставови зошто предложените законски решенија не го добиле потребниот број гласови.

Повеќе...

stara-kasarna17.10.2013  Обезбедувањето живеалишта за лицата со социјален ризик и понатаму останува еден од главните проблеми за повеќе од триесетина семејства во Општина Кочани. Најголем дел од нив се сместени во субстандардни услови во Старата касарна, без основни услови за живот.

Иако ваквата состојбата е затекната од поодамна, до сега многу малку е сторено таа да се подобри. Не помогнаа ни заложбите на донаторската конференција што на крајот на март минатата година се одржа во хотелот “Национал“, кога проблемите на социјално загрозените семејства беа претставени пред повеќе амбасадори и претставници на странски хуманитарни организациии во Македонија.

Според владините претставници, и понатаму на истиот начин ќе се бараат пари за да се реализира решавањето на станбеното прашање на дел од ромската популација.

Повеќе...

subvencii16.10.2013 Во петок истекува и продолжениот рок за поднесување апликации за добивање субвенции до подрачната единица на Министерството за земјоделство, шумарство и водостопанство во Кочани. Рокот претходно, од 20 септември беше пролонгиран до 20 октомври.

До 20 септември беа поднесени вкупно 3.032 барања од земјоделци од Кочани, Чешиново-Облешево и Зрновци. До денес, барање поднеле 35 земјоделци, а до петок се очекуваат најмногу уште толку апликации.

За полесно добивање финансиска поддршка по барање на земјоделците, донесени се уште две мерки. За овие субвенции може да аплицираат и оние земјоделци коишто не добиле субвенции во 2012 година поради неплатени сметки а поднесоа барања, годинава ќе добијат поддршка ако платат пашарина или водарина.

Повеќе...

Press-Idnina-S---ZFK-Kocani17.10.2013 Натпреварот од шестото коло во Женската фудбалска лига носи повеќезначност на предзнакот дерби, локално, дерби на колото, дерби на првенството.

В пресрет на пресметката в недела меѓу единствените две непоразени екипи на врвот од табелата, во двата табора владее позитивна атмосфера и желба за надигрување.

-Значи нашата екипа е психофизички подготвена, а ова е интересен натпревар како и сите досегашни меѓу двете екипи. Секој спортист очекува победа. Ние веруваме во нашата екипа, знаеме дека вредиме, дека имаме квалитет да извојуваме победа, а фаворитската улога ќе ја препуштиме на ЖФК „Кочани“-рече Сашко Иванов, тренер на „Иднина С“.

Повеќе...

basket-dino-117.10.2013 „Баскет Дино“ повторно е ничкосан од неприкосновениот фаворит „МЗТ“ Скопје. Ниту жешката атмосфера што ја создадоа фановите на домаќинот не беше доволна кочанските кошаркари конечно да го поразат големиот ривал. Загубија со убедливи 72:104.

Гостите од Аеродром доминираа во сите четвртини од натпреварот со исклучок на втората што домаќините ја добија со поен предност.

Играта што ја прикажаа кошаркарите на Сашко Лазаров не ветува дека неговиот тим во М18 и годинава има капацитет да направи посериозен чекор нанапред, иако за очекување е дека ќе го задржи местото меѓу елитата во оваа конкуренција.

Повеќе...

romi-317.10.2013 Свечено доделени свидетелствата на 35 возрасни Роми за завршена година во зависност од постигнувањата и времето кога се вклучиле во проектот. Вонредните ученици се дел од компонентата за дооформување на средно образование за возрасни што е во рамки на проектот „Образованието прозорец кон иднината“ финансиски подржан од Ромскиот едукативен фонд од Будимпешта.

-Нашата цел до крајот на проектот а тоа е јуни 2014 година, е сите или барем 90% од вклучените во проектот да се стекнат со средно образование што за нас претставува силен мотив да работиме, бидејќи митот дека ромската заедница не учи е разбиен и не постои, туку ќе кажам дека ромската заедница е желна да учи и сака да напредува, истакна Мустафа Саидов, координатор на проектот.

Повеќе...

pcelki-117.10.2013 Пчеларите од Кочанско и Виничко кои се регистрирани во Ветеринарниот информациски систем, до крајот на овој месец имаат обврска да ја пријават бројната состојба на своите пчелни семејства во Ветеринарните станици.

Оттаму деновиве испратија екипи на терен за да ја испитаат здравствената состојба на пчелите. Прецизното евидентирање на бројноста на пчелните семејства е предуслов за субвенционирање Пријавувањето на бројната состојба на пчелите се прави двапати годишно, во април и во октомври.

Во април се врши евиденција на презимени пчелни семејства, број кој влегува во апликацијата за субвенции. Минатата година драстичните температурни осцилации погодија над 70 проценти од пчелните семејства.

Повеќе...

Vlez-Orizari16.10.2013  Оризарци се надеваат дека повторно ќе добијат пристоен влез во населбата, преку кој без проблеми ќе можат да влегуваат автобуси и други тешки и патнички возила.

Една од главните улици што порано се користела како приод кон Оризари сега е полна со дупки и кал, па практично е неупотреблива при пообилни врнежи.

Иницијативи за нејзина изградба имало повеќепати, но секогаш завршувале безуспешно.

Сега мештаните повторно излегуваат со истото барање, надевајќи се дека Општината ќе го стави во планирањата за идната година.

Повеќе...

Осветување на манастирот “Св. Климент Охридски“ - Осоговски Планини

6°C

Кочани

Претежно облачно
Влажност на воздухот: 46%
Ветер: North при 18 kmh
Сабота-2°C/11°C
Недела1°C/13°C
Понеделник2°C/14°C
Вторник1°C/15°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 265 гости и нема членови


web counter



qr code
X

Right Click

No right click