Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

Topol-Dom10.10.2013 По пауза од точно еден месец пристигна нова донација од акцијата „Се грижиме за топол дом“. Тоа е само петта испорачана помош, а како донатор повторно се јавува исто лице.

-Лицето Мице Јанев од Уларци по вторпат е донатор. Сега доставуваме тросед на Снежана Заова од Кочани -рече Сашка Ангелова од Центарот за социјални работи.

Снежана е благодарна за троседот, но смета дека државата треба да води поголема грижа за неа како самохрана мајка на тинејџер.

-Благодарна сум на донацијата. Ова е задоволувачки, но мене треба да ми се даде помош како на самохрана мајка, наместо како на социјален случај со 1400 денари. Имам добиено два удари, оперирана сум и неспособна за работа -рече Снежана Заова.

Повеќе...

veritas915.10.2013 Со стендап комедија на Весна Бејби Петрушевска и доделување на наградите на најдобрите тројца карикатуристи беше отворен петтиот по ред фестивал на хумор и сатира во Виница „Ин Виница Веритас“. Во преполната сала на ДК „Тошо Арсов“ Весна Бејби исмевајќи ги стиховите на „македонските шлагери“ ја насмеа публиката до солзи.

-Ги обработив македонските шлагери на еден начин на кој што сите потсвесно размислуваме . Иако тие во суштина претставуваат добар дел од нашето музичко богатство и мислам дека поголемиот дел од нив се исклучително добри. Но јас се занимавам со евентуалните чувства коишто ги провоцираат тие текстови, рече Весна Бејби Петрушевска.

Турбо фолк песните, рече Петрушевска, треба да се забранат со закон.

Повеќе...

goso-vikentiev-proekt10.10.2013 Целта на проектот е размена на искуства за подобро стручно образование во електро – машинското инженерство, што ќе овозможи подобро согледување на новините и начинот на работа во една европска земја, а со тоа и ќе се добијат шанси за поквалитетно изведување на наставата и едуцирање на квалитетен кадар.

Од 20 до 27 април 2014 година 6 професори од СОУ „Ѓошо Викентиев“ ќе посетат неколку сродни училишта во градот Ахен кој се наоѓа на тромеѓето помеѓу Германија, Белгија и Холандија .

-Целта е да ги запознаеме европските услови за работа во училиштата, стандардите да образување, стекнување на нови знаења и вештини. Целта е да имаме поквалитетно образование , истакна Владо Симеонов, помошен директор во СОУ „Ѓошо Викентиев“.

Повеќе...

veritas215.10.2013 Интересот за цртање карикатури не е на завидно ниво. Мал е, но за тоа се криви постарите затоа што тие ја оддалечиле карикатурата од младите вели познатиот и искусен карикатурист Миро Ѓорѓиевски.

Tокму со цел да ја доближат карикатурата до младите, што пак самата по себе претставува уметност, се организираат работилници.

-На работилниците оние кои работат треба од нивен детски аспект да ги разработат темите и при тоа да употребат техники кои што ги сакаат, молив акварел и други кои им се познати, рече Миро Ѓорѓиевски, карикатурист.

Втората работилница е закажана за в среда во 9.00 часот.

Повеќе...

kino410.10.2013 Во ЦК „Бели Мугри“ прикажан македонскиот фил „Соба со пијано“, филм со транзиција, голотија и интересно поврзување. Недовршени приказни, измешани чувства. Совршено одбрани актери, секоја од приказните фино осмислена и поттикнува на размислување.

Кочанци неинформирани дека станува збор за филм со присутна голотија и еротски сцени на премиерата ги доведоа и своите деца, па така во публиката имаше деца од 5 до 10 години, а во голем број беа и деца на возраст од 13, 14 и 15 години.

Не предупредени и без да знаат дека станува збор за филм со еротизам родителите се најдоа во непријатна ситуација, па во моментите на еротските сцени реагираа доста збунето и загрижено за малолетните деца кои ги повеле со себе.

Повеќе...

karate14.10.2013 Еден златен, еден сребрен и четири бронзени медали освоија каратистите на „Партизан“ на „Маваши опен“ турнирот во Драчево, Скопје.

Златниот медал во конкуренција на јуниори, категорија до 61 килограм го освои Мартин Стоименов, сребрениот Димитар Јакимов кај кадетите, категорија +70 килограми, а бронза освоија Драган Гаврилов и Дарко Гоцевски во сениори над 75 килограми, Роберт Здравковски во категорија помлади кадети до 35 килограм, како и Василија Христиќ во помлади кадети над 40 килограми.

Злато, сребро и две бронзи освоија и каратистите на „Кочани“. Најсјајното одличје му припадна на Христијан Коцев во категорија до 52 килограми за генерација каратисти родени 2000 година.

Повеќе...

Futbal-Petlinja-115.10.2013 По петтото коло во детските лиги кочанските екипи конечно го докажаа квалитетот и се искачија на врвот.

„Кочани“ во генерација 1999-2000, „Осогово“ во генерација 2001-2002, потиснувајќи ја „Брегалница“ Делчево на втората позиција во двете лиги.

Во генерација 1999-2000 „Кочани“ го понижи „Осогово“ со 9:0.

Во останатите натпревари:

„Слога 1934“ – „Напредок“ 1:3
„Зрновка“ – „Рудар“ 1:7
„Брегалница“ (Д) – „Каменица Саса“ 3:1

Повеќе...

Detska-Organizacija10.10.2013 337 првачиња станаа дел до Детската организација. Постарите ученици на летната сцена на Центарот за култура „Бели Мугри“ им подготвија приредба со што на нивните помлади другарчиња им посакаа добредојде и им го честитаа приемот во Детската организација.

Првачињата пак, дадоа заклетва и чесен татковински збор дека ќе ги слушаат наставниците, ќе бидат примерни и вредни ученици и ќе се дружат со другарчињата.

Со приемот во Детската организација првачињата станаа рамноправни со сите деца.

На сцената ги поздрави градоначалникот Димитровски.

Повеќе...

pat-cesinovo14.10.2013  Неосветлениот комбајн што зафатил половина од коловозот на магистралниот патен правец Кочани – Штип најверојатно е причината за сообраќајната несреќа што во неделата околу 19 часот се случи во близина на крстосницата за Кучичино.

Земјоделската машина се движела во правец на Кочани на делницата долга околу половина километар на која нема ниту една кривина. Во еден момент од спротивен правец наишло патничко возило “тојота“ со скопски регистерски таблички во кое имало  четири лица, а возачот не го забележал комбајнот на кој немало светлосни ознаки и го удрил со левата страна.

Во исто време од спротива наишло патничко возило “рено меган“ со кочански регистерски таблички, кое во обид да избегне директен удар го променило правецот и се судрило со “тојотата“. Од ударот сите патници во возилата се здобиле со повреди и се префрлени во кочанската болница.

Повеќе...

karikatura410.10.2013  Околу 160 карикатури од 60-тина странски автори пристигнаа годинава на конкурсот што го објави организациониот одбор на фестивалот за хумор и сатира “Ин Виница веритас“.

И оваа година основното мото под кое твореа авторите беше “Љубов, вино и антика“, па во сите дела провејуваат мотивите што се карактеристични за градот домаќин.

Според Славчо Данев, директор на Домот на културата “Тошо Арсов“ од Виница, кој воедно е и организатор на фестивалот, тричлената жири комисија немала лесна работа да ги избере трите најдобри карикатури.

Повеќе...

Осветување на манастирот “Св. Климент Охридски“ - Осоговски Планини

-7°C

Кочани

Ведро
Влажност на воздухот: 86%
Ветер: NE при 2 kmh
Петок3°C/7°C
Сабота4°C/10°C
Недела-1°C/6°C
Понеделник2°C/7°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 101 гости и нема членови


web counter



qr code