X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

sport-114.10.2013 Кристално чиста победа, плод на супериорност и надмоќност над „Борец“ кој до пред само една недела беше на чело од табелата. „Кочани“ одигра натпревар во висок ритам, ефикасноста беше задоволителна, што донесе убедлив триумф од 8:1 (полувреме 4:1)

Хет-трик постигна Салихи со головите во 30, 56 и 80 минута, двапати во листата на стрелците се запиша Спировска во 13 и 45 минута, а по еднаш реализираа Милеска 23, Георгиева 55 и Митровска 70 минута . Стрелец на единствениот гол за „Борец“ беше капитенот Гиновска во 43 минута од пенал.

Тренерот Александар Андов е задоволен од резултатот и од играта на неговите фудбалерки.

Повеќе...

Ambasador-Ceska15.10.2013  Ана Миладинова, ученичка во СОУ “Љупчо Сантов“ е добитничка на награда од меѓународниот ликовен конкурс и изложбата што се организира во чешкото гратче Лидице.

Таа испратила своја ликовна творба што била избрана како една од најдобрите од неколку илјадници пријавени творби од ученици од целиот свет.

Амбасадорот на Република Чешка Мирослав Рамеш дојде лично во Кочани да и честита на талентираната ученичка и да и ја додели наградата. Обраќајќи се пред присутните ученици и наставници, амбасадорот на македонски јазик рече дека искрено е среќен што за прв патдоаѓа во Кочани поради многу радосен повод.

Повеќе...

Futbal-Petlinja-114.10.2013  Викендов на стадионот во Виница се дружеа над 250 деца на возраст од 7-11 години од Виница и Кратово кои беа вклучени во единаесеттите по ред Отворени забавни школи. Тие на теренот поминаа дванаесет спортски дисциплини чија приоритетна цел е забава и дружење преку спортски натпревар.

Учениците беа распределени согласно нивната возрасна категорија и поминаа по пет часа во рекреација, по триесет минути на секоја спортска станица.

Целта на Проектот “Open Fun Football School“, е насочување на децата кон спортот, за што беше одржана и работилница со родителите кои беа присутни на трибините.

Повеќе...

Den-na-beloto-stapce-115.10.2013 Денот на белиот стап скромно одбележан и во Кочани. Членовите на Здружението на слепи лица се собраа на заедничка дружба во своите простории. И ние постоиме - порачаа лицата со целосно или делумно изгубен вид. Единствено во тоа ја гледаат смислата на одбележувањето на овој ден.

Томе Миленков е потпретседател на Здружението. Видот го изгубил на 5 годишна возраст.

-Ќе седнеме, ќе се подружиме, ќе помуабетиме. Овие средби се повеќе за да се видиме како сме. На овој ден сакаме да кажеме дека и ние постоиме. Ако не се овие средби и ако не даваме апели, никој нема да знае за нас - рече Миленков.

Повеќе...

krv-210.10.2013 Минатата година кочанскиот „Црвен крст“ ја заокружил со дарувани 1206 крвни единици, најниски во последните десетина години. Тоа се должи на намалениот број крводарители, само 664.

Во 2011 година нивниот број бил поголем за над 200, 880 регистрирани, а биле собрани1520 единици крв.

Бројките говорат дека 2009 година во последната декада била најдобра за крводарителството со 1036 крводарители и 1632 собрани единици.

Ниту во кочанскиот „Црвен крст“, ниту во трансфузиологија не ги коментираат податоците. Намалување на бројот на крводарители бележат и други општини во регионот.

Повеќе...

mladi-bibliotekari15.10.2013  Започна одбележувањето на месецот на книгата и во Кочани. По тој повод во библиотеката “Искра“ се одржа 14-от општински натпревар за млади библиотекари.

На натпреварот учествуваа 15 ученици од основните училишта од Кочани и Оризари кои имаа задача во период од 1 час да одговорат на 20 прашања поврзани со библиотекарството во Македонија.

Одговорите на тестот ги оценуваше стручна комисија од кочанската библиотека, при што најдобри познавања покажа ученичката Ангела Ајтовска од ОУ “Св. Кирил и Методиј“ од Кочани, на која и припадна првото место. Веднаш по неа се најде Тијана Јовиќ од ОУ “Никола Карев“, а третото место го освои Димитарче Донев, ученик во подрачното училиште “Св. Кирил и Методиј“ од Горни Подлог.

Повеќе...

opstina lokalna10.10.2013  Со над 62 отсто од планираното е реализиран буџетот на Општина Кочани во тековниот оперативен биланс, додека многу помал, сo нешто повеќе од 25 отсто е процентот на реализација на капиталниот биланс.

Такви се податоците добиени по сумирањата на приходите што Oпштината ги остварила во првите три квартали од оваа година. Кај извршувањето на приходите од буџетската сметка најголемо отстапување, односно најмала наплата од само 33% е регистрирана од комуналната таска за истакнување реклами, објави и огласи на јавни места.

Најголемо полнење на буџетската сметка пак кај извршувањето на приходите е реализирано кај трансферите од буџетите на фондовите, тековните трансфeри од други нивоа на власт и од комуналната такса за користење на просторот пред деловните објекти – секаде над 90 %.

Повеќе...

Eko-Pak-Vinica-115.10.2013  Учениците од почетните одделенија во основните училишта од седум општини во источниот регион се опфатени со еколошка кампања „Биди модерен - селектирај паметно“ за подигање на јавната свест за рециклирање на отпадоците. Исто така и децата од големите групи во градинките во регионот ќе бидат вклучени во практичната реализација на кампањата. 

Носител на проектот е компанијата “Еко-пак хит“ од Кочани, а со финансиска и стручна поддршка од Министерството за образование и Бирото за развој на образованието.

Стартот на проектот беше означен во ОУ “Гоце Делчев“ од Виница, а наскоро тој ќе продолжи и во соседните општини.

Повеќе...

Topol-Dom10.10.2013 По пауза од точно еден месец пристигна нова донација од акцијата „Се грижиме за топол дом“. Тоа е само петта испорачана помош, а како донатор повторно се јавува исто лице.

-Лицето Мице Јанев од Уларци по вторпат е донатор. Сега доставуваме тросед на Снежана Заова од Кочани -рече Сашка Ангелова од Центарот за социјални работи.

Снежана е благодарна за троседот, но смета дека државата треба да води поголема грижа за неа како самохрана мајка на тинејџер.

-Благодарна сум на донацијата. Ова е задоволувачки, но мене треба да ми се даде помош како на самохрана мајка, наместо како на социјален случај со 1400 денари. Имам добиено два удари, оперирана сум и неспособна за работа -рече Снежана Заова.

Повеќе...

veritas915.10.2013 Со стендап комедија на Весна Бејби Петрушевска и доделување на наградите на најдобрите тројца карикатуристи беше отворен петтиот по ред фестивал на хумор и сатира во Виница „Ин Виница Веритас“. Во преполната сала на ДК „Тошо Арсов“ Весна Бејби исмевајќи ги стиховите на „македонските шлагери“ ја насмеа публиката до солзи.

-Ги обработив македонските шлагери на еден начин на кој што сите потсвесно размислуваме . Иако тие во суштина претставуваат добар дел од нашето музичко богатство и мислам дека поголемиот дел од нив се исклучително добри. Но јас се занимавам со евентуалните чувства коишто ги провоцираат тие текстови, рече Весна Бејби Петрушевска.

Турбо фолк песните, рече Петрушевска, треба да се забранат со закон.

Повеќе...

Осветување на манастирот “Св. Климент Охридски“ - Осоговски Планини

6°C

Кочани

Претежно облачно
Влажност на воздухот: 46%
Ветер: North при 18 kmh
Сабота-2°C/11°C
Недела1°C/13°C
Понеделник2°C/14°C
Вторник1°C/15°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 209 гости и нема членови


web counter



qr code
X

Right Click

No right click