Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

pat-ponikva14.10.2013  Наместо асфалтен слој на коловозот кон Пониква има вистински кратери длабоки по половина, а широки и по повеќе од еден метар.

Над една третина од должината на патот е тешко оштетена и го отежнува нормалното одвивање на сообраќајот. Иако се  работи за регионален патен правец, промоцијата на зимскиот туристички центар привлекува се поголем број посетители, заради што станува важнаа сообраќајница во источниот дел од државата. Граѓаните до сега повеќепати оправдано реагирале затоа што небезбедно стигнуваат до Пониква и бараат состојбата да се подобри.

Од секцијата  на “Македонија пат“ рекоа дека реакциите стигнале и до нив заради што планираат до крајот на оваа недела да ги закрпат поголемите оштетувања на коловозот.

Повеќе...

ZFK-Kocani-610.10.2013 Вистински тест за ЖФК „Кочани“ ќе биде натпреварот од 5-тото коло. На „Никола Мантов“ во сабота во 11.00 часот гостува „Борец“, екипа која заедно со кочанки и „Иднина С“ е непоразена по четири кола.

Со тој статистички показател, но и со квалитетот на велешанки овој натпревар со право го носи епитетот дерби на колото.

“Иднина С“ пак гостува во Прилеп, против „Победа“, една од најстандардните екипи во Шампионатот, која во досегашниот тек од првенството се позиционираше во втората половина од табелата со само една победа.

Во рамки на 9-тото коло од Третата лига-Исток „Осогово“ му гостува на „Астибо“ во Штип.

Повеќе...

opstina-kocani114.10.2013  Иако се уште не го усвоила буџетскиот календар за 2014 година, Општина Кочани веќе спроведува дел од зацртаните содржини во него.

Веќе објави и јавен повик според кој сите граѓански здруженија, урбаните и месните заедници можат да доставуваат предлози што би можеле да бидат вклучени во финансискиот план за догодина. На тој начин локалната власт се обидува да ја подобри транспарентноста во работењето, посебно при донесувањето на најзначајниот финансиски документ.

Писмените предлози можат да се доставуваат до Секторот за финансиски прашања до крајот на овој месец, што е во склад со веќе предложениот буџетски календар што Советот треба да го усвои на седницата в петок.

Повеќе...

ambasador09.10.2013  Словенечките компании имаат интерес да ја прошируваат соработката со фирмите од Македонија, особено во нејзиниот источен регион каде постојат одлични можности тоа да се реализира.

Неколку инвестиции во стопанството веќе се влезени и успешно ја развиваат производствената дејност, но тоа не значи дека не постои простор за нови вложувања или заеднички настапи на трети пазари.

Заинтересираноста на стопанствениците од Словенија за соработка со македонските колеги во Кочани ја пренесе амбасадорот Бранко Раковец кој ја посети Општината и се сретна со градоначалникот Димитровски.

Повеќе...

bibljoteka414.10.2013 Библиотеката “Ванчо Прќе“ од Виница го збогати книжниот фонд со 250 нови наслови стручна литература од Владата на РМ. Донацијата доаѓа во вистинско време, кога јавната општинска установа се подготвува за одбележување на месецот на книгата.

Како најава, традиционално се одржа натпреварот на млади библиотекари, годинава по четиринаесетти пат. Учествувaa 20 ученици од четирите основни училишта во Општината.

Најдобар резултат постигна Ива Ефтимска, ученичка во ОУ “Славчо Стојменски“. Таа обезбеди пласман на републичкиот натпревар кој ќе се одржи на 25 октомври во Велес.

Повеќе...

lako09.10.2013  Кочани не се откажува од инцијативата за проширување на соработката и збратимување со словенечката општина Лашко.

На почетокот на јануари годинава, по посетата на наша делегација на Словенија и разговорите за поврзување на двете општини, градоначалникот Ратко Димитровски најави дека треба да се направи поцврст договор, што би дал и конкретни резултати во меѓусебната соработка.

При најавувањето на можноста за збратимување беше речено дека еден од поводите за тоа е што Лашко е носител на наградата за најдобро организирана општина за управување со геотермалната енергија во Европа за 2012 година, заради што би можеле да се искористат тамошните искуства.

Повеќе...

makfest314.10.2013 Струмичанката Александра Јанева со песната „Врати ми го сонцето“ победи на овогодишното издание на музичкиот фестивал на забавни мелодии „Макфест 2013 “. Победничката во една позитивна еуфорија по прогласувањето на победниците видно возбудена едвај даде изјава за медиумите.

-Искрено не се надевав на наградата. Само сакав публиката да го почувствува тоа што јас им го дадов на сцената. Секогаш додека пеам се соживувам со песната и мислев како да го вратам сонцето, рече Александра Јанева, победничка на „Макфест 2013“.

Паричната награда што ја доби од 70.000 денари Јанева рече дека ќе ја потроши повторно во музиката и за своја надградба во музичката кариера.

Повеќе...

ljupco09.10.2013  Општинскиот комитет на ВМРО-Народна партија во Кочани остана без претседател. Пред неколку дена на работен состанок Љупчо Стојилков поднел лична оставка на функцијата претседател на ОК на ВМРО-НП што била прифатена од Извршниот Комитет на партијата. Оставката на функцијата доаѓа по четири години на кормилото на Комитетот.

Заради расчистување на дилемите што се појавија во јавноста и расветлување на причините за одлуката Стојилков гостуваше во Вестите на Канал 8. Тој беше категоричен дека причините за оставката се лични и дека сака да остави простор за друг член на партијата.

Повеќе во видеото што следува:

 

Повеќе...

Krvodaruvanje-Akcija14.10.2013 Трета и последна крводарителска акција годинава спроведе Полициската станица од Кочани. И оваа како и изминатите две акции беше успешна бидејќи за дарување на скапоцената течност се пријавија 25 вработени во кочанската полиција.

-Крвта е незаменлив лек потребна да се спасат многу животи. Пожелно е да се дарува крв бидејќи утре можеби и нам ќе ни биде потребна. За одбележување е дека оваа крводарителска акција не се меша со граѓанските акции, а тоа значи дека во истата крв можат да дадат само вработените во ПС Кочани, рече Јордан Стојанов, виш инспектор за превенција.

Полициската станица од Кочани во текот на годината спроведува три крводарителски акции.

Повеќе...

gradezno-zemjiste09.10.2013  Четири сопственици кои купиле градежно земјиште за индивидуални станбени објекти или за викенд куќи во Кочани ќе ги изгубат парцелите. Причината за тоа е што не го запазиле рокот од 9 месеци за започнување со градба откако го потпишале купопродажниот договор.

Во два случаи веќе е завршен процесот за раскинување на договорот, а за другите два се води судска постапка. Тие не успеале да ги дочекаат измените во законските прописи според кои наместо одземање на парцелите, можат да го продолжат рокот за градба со плаќање казнена камата.

Сите други кои купиле градежно земјиште, а не почнале да градат треба да склучат анекс-договори и да дадат пари за да не ги изгубат парцелите.

Повеќе...

Осветување на манастирот “Св. Климент Охридски“ - Осоговски Планини

-7°C

Кочани

Ведро
Влажност на воздухот: 86%
Ветер: NE при 2 kmh
Петок3°C/7°C
Сабота4°C/10°C
Недела-1°C/6°C
Понеделник2°C/7°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 78 гости и нема членови


web counter



qr code