Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

poljaci318.09.2013 Делегација од полскиот град Киелце предводена од претседавачот на Советот Томас Богуцки, во прва официјална посета на општина Виница. Целта за иницирање на средбата беше запознавање со стопанските капацитети , културно-археолошките знаменитости и туристички потенцијали, како и градење конкретни насоки за продлабочување на соработката помеѓу двата града.

На приемот кај градоначалникот Емил Дончев делегацијата настапи со конкретни понуди и покани за бизнис соработка во областа на прехранбената, месната индустрија, како и во областа на градежништвото и пласманот на вино. Воодушевени од вкусот и квалитетот на македонското вино , полјаците понудија алтернативи за извоз на нивниот пазар, а се интересираа и за организирање туристички тури во источниот регион.

Повеќе...

istibana-518.09.2013 Со заедничко оро за сите учесници на фестивалот, фолклорно дефиле низ Виница и гала концерт со програма и заедничка вечера и дружење заврши 28 то издание на Меѓународниот фолклорен фестивал „Истибанско здравоживо. И покрај отсуството на најавени групи од странство, фестивалот оценет како успешен.

Истибања деновиве беше центар на случувањата што се однесува на зачувување на традицијата и претставување на фолклорот. Низ истибанските улици продефилираа фолклористи од 6 ансамбли од странство и 8 домашни. Учествуваа фолклорните групи од Бугарија, Србија, Турција, Романија, Босна и Херцеговина и Словачка. Од Македонските друштва присутни беа групите од Битола, Велес, Куманово, Скопје, Радовиш, Македонска Каменица и домаќините ФА „Китка“ од Истибања.

Повеќе...

Forumi-Zrnovci18.09.2013  Уредувањето на речното корито на Морошка Река што минува низ Мородвис е проблем на зрновјани што на првата форумска сесија го истакнаа како приоритетен за решавање.

Со тоа ќе се надминат долгогодишните проблеми со кои се соочуваат - поплавите и излевање на реката. Околу педесетина жители од Зрновци на првата форумска сесија одржана во подрачното училиште во Мородвис детектираа проблеми поврзани со управување со речниот слив на Брегалница.

Станува збор за програмата финансирана од Швајцарскиот државен секретаријат за економски работи кој во Општина Зрновци инвестира 50 000 швајцарски франци, а 10 000 ги обезбедува општината.

Повеќе...

oblesevo218.09.2013  Традиционално и годинава, по повод 21 Септември и верскиот празник Мала Богородица, Чешиново-Облешево ќе го прослави празникот на Општината и деветгодишнината од своето постоење.

По повод празникот, во Локалната самоуправа планираат богата програма, што ќе започне в четврток со крводарителска акција во спортската сала “Никола Карев“ во Облешево.

В сабота пак, во утринските часови ќе започне традиционалното приготвување сутлијаш под мотоот “Да се сруши Гинисовиот рекорд“. Приготвувањето на сутлијашот ќе се одржи во паркот во Чешиново во 13 часот. Прославата ќе биде збогатена со настап на оркестри и играорни групи.

Повеќе...

Futbal-Petlinja-118.09.2013 Прво посериозно искуство имаше најмладиот погон на „Осогово“ со учеството на фудбалски турнир во Битола, што го организираше фудбалската школа ЛГ „Битола“, а на кој учествуваа екипи од Грција, Албанија, Србија и Македонија.

Недостасуваше спортска среќа да се помине групата и да се продолжи во елиминациската фаза, откако се избори за три нерешени резултати. Турнирот беше своевидна подготовка за детската лига која почнува викендов.

-Ќе се натпреваруваат генерациите 1999/2000 и 2000/2001, а 2003 и помали ќе се натпреваруваат во турнир систем под капата на ФФМ - рече Симеончо Митев, тренер.

Повеќе...

prozivodstvo kabli17.09.2013  Поучена од досегашните искуства кога излегувала со потврда за влез на странски инвестиции, па истите не се оствариле, Владата ќе остави тоа сега да го направат самите инвеститори. Таков е случајот и со компанијата од странство која е заинтересирана за вложување во капацитет во Кочани, за што преговорите се во напредна фаза и може да се очекува конкретна реализација, рече заменик претседателот на Владата, Владимир Пешевски.

- Конкретно во автомобилската индустрија веќе има определени најави за странски инвестиции во Кочани, конкретно од една компанија со која сме биле во директни разговори најавуваат отворање на неколку свои погони овде. Така, верувам дека сите вработени што се од тој сектор или поголем дел од нив ќе можат да најдат алтернативи и на други работни места, рече Владимир  Пешевски, заменик претседател на Владата на Република Македонија.

Повеќе...

zemjodelie-opstina-prostori-417.09.2013  Тесен простор и тешки услови за работа се секојдневни проблеми со кои се среќаваат десетмината врботени во Подрачната единица на Министерството за земјоделство во Кочани. Друштво им прават уште петмина вработени во државните инспекторати, па сите заедно на простор од триесетина метри квадратни не можат нормално да ги извршуваат обврските.

Пред околу две години беше најавено дека просторните проблеми ќе се решат, за што беше преотстапен најгорниот кат од објектот на водостопанство “Брегалница“. Според одговорните, решение за новите простории веќе е добиено, бил распишан и тендер за изведувач на градежните работи за уредување и адаптирање на просторот, но од непознати причини процедурата запрела.

Повеќе...

pesevski17.09.2013  Прашањата поврзани со развојот на земјоделството во општина Кочани беа тема на дискусија на работната посета што ја оствари вицепремиерот за економски прашања Владимир Пешевски.

Притоа тој се сретна со претставници од подрачната единица на министерството за земјоделство и на Агенцијата за поттикнување на развојот на земјоделството, кои го запознаа со актуелните случувања во нивното работење и најчести проблеми со кои се среќаваат.

Пешевски се интересираше колкав процент од земјоделските површини во општината се обработуваат и дали има необработено земјиште, како и за резултатите од испитувањата на новите сорти ориз, увезени од Турција.

Повеќе...

nikolina317.09.2013 Секој момент може да остане без покрив над глава и бара начин некој да и помогне да направи едно сопче во кое ќе живее. Николина Ангелова од Кочани со 2300 денари што ги добива како социјална помош неможе да си ги покрие трошоците за живот. Разведена е од сопругот со кој живеела, деца нема, а нема ниту родители. Останала да живее сама. Поради немањето средства да преживее паднала под депресија. Пари за лекови нема и болна неможе да најде работа.

-Потеклото ми е село Подлог. Таму немам ништо освен еден плац на кој барам да ми биде направено барем една соба. Земам социјална помош од 2300 денари. Од нив 1500 денари плаќам кирија, 500 денари за вода и струја и ми остануваат 300 денари за основните трошоци, кои исто така не стигнуваат. Ако не платам кирија еден месец ќе ме исфрлат од станот и ќе живеам на улица како куче, вели Николина Ангелова.

Повеќе...

forum17.09.2013 Општините од Брегалничкиот регион имаат можност да аплицираат за мали инфраструктурни проекти за вода, како мали колекторски системи за отпадни води, пречистителни станици за отпадни води, рехабилитација на системите за водоснабдување и проекти за заштита на подземните води. На првата форумска сесија во Чешиново - Облешево беа изложени мислењата на локалната заедница. Во оваа фаза се уште се прибираат идеи од граѓаните во општините опфатени со проектот, пред да се издвојат најдобрите од нив.      

-Станува збор за инвестициски фонд од 60 000 швајцарски франци, од кои 50 000 се донација на Швајцарската агенција за развој и соработка, а 10 000 издвојува самата Општина. Целта е Општината да се консултира со граѓаните за кој приоритет сакаат да бидат вложени средствата. Листата од идеи ќе му биде предадена на градоначалникот, а прифатениот проект би се знаел во октомври - рече Светлана Здравковска, модератор.

Повеќе...

Осветување на манастирот “Св. Климент Охридски“ - Осоговски Планини

21°C

Кочани

Умерено облачно
Влажност на воздухот: 73%
Ветер: Variable при 4 kmh
Четврток17°C/26°C
Петок15°C/29°C
Сабота17°C/32°C
Недела18°C/35°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 126 гости и нема членови


web counter



qr code