Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

zadrugi30.09.2013  Задругарството повторно ќе се враќа во Македонија. Земјоделците, меѓу кои и оризопроизводителите само заеднички, здружени во земјоделски задруги ќе можат полесно да ги решат проблемите со кои секојдневно се среќаваат и да го пласираат произведеното на пазарот.

Од Владата ветуваат дека дополнително ќе обезбедат субвенции од 20 отсто за земјоделците во големите и 15 отсто за оние во малите задруги, ќе ги покриваат трошоците за осигурување на посевите, а за 50 отсто поевтино ќе може да се набавува земјоделска механизација.

Според законските прописи земјоделски задруги можат да се формираат за лозарство, производство на ориз, за житни култури, градинарски производи, овоштарство и друго. При тоа потребно е да се здружат најмалку 10 земјоделци со минимум 20 хектари земјиште, затоа што така полесно ќе можеле да ги остварат своите барања.

Повеќе...

crven02.09.2013 „Црвениот крст во акција, промоција на хумани вредности“ е насловот на проектот на подмладокот на кочанскиот огранок.

Со „ПХВ шоу“ на интересен мултимедијален начин во Центарот за култура „Бели мугри“ги презентираше активностите на кои работеше изминатата година.

- Секоја година нашиот „Црвен крст“ има за задача да организира активност со која ќе ја промовира хуманоста на нашите граѓани и најмногу на нашите волонтери, па затоа оваа година ние се претставивме со ова шоу кое на многу креативен начин го долови сето она што ние го сработивме минатата година - рече Бети Прошева, волонтер.

Повеќе...

zazejuvanje330.09.2013  Весело и славенички беше викендов во Горни Подлог. Таму се одржаа завршните содржини од овогодишните “Денови на кочанскиот ориз“.

Со дефиле на учесниците во културно-забавната програма, гостите и месното население, симболично беше означен почетокот на жетвените активности. Првиот сноп со срп, по обичај, го зажнеа жетварската убавица Моника Митева, а на оризовите ниви во подлошко се слушнаа жетварски песни и се заигра оро со желби за бериќетна и успешна жетва.

На гумното во дворот на манастирот “Свети Јован Опсечен“ се прикажа традиционалната вршидба на ожнеаните снопја, а потоа следуваше културно-забавниот дел од програмата.

Повеќе...

veritas02.10.2013 Домот на културата “Тошо Арсов“ Виница привршува со подготовките околу стартот на петтиот по ред Фестивал на хумор и сатира “ИН ВИНИЦА ВЕРИТАС“.

Театарски претстави од Македонија , Србија, Бугарија, работилници за карикатура со карикатуристите Миро Ѓорѓиевски и со Александар Блатник, стенд ап комедии, се само дел од содржините на овогодишното издание на Фестивалот.

Деновиве, тричлено жири во состав Мице Јанкулоски, Александар Блатник од Србија и Панде Петровски , ги разгледува карикатурите кои пристигнаа на конкурсот кој го распишува организаторот, а чија тема и овојпат е “Вино, љубов, антика“.

Повеќе...

vinica-sovet330.09.2013 Рибниот ресторан „Венеција“ кој веќе неколку години е грда слика на главната улица во градот ќе се трансформира во уметничка галерија и сувенирница. Едногласна поддршка доби предлогот на градоначалникот овој имот кој е даден на трајно користење на општината да биде преотстапен на Здружението на уметници “УМ“ кое веќе на наредните седници на Советот треба да настапи со конкретна програма за реализација на зацртаните активности.

Овој позитивен предлог како дополнување на дневниот ред беше увертира во одржувањето на шестата редовна седница.

Во отсуство на други предлози, иницијативата на семејството на капетан Кирчо Димитриов кој загина во борбените дејствија 2001 за именување на спортската сала токму со неговото име ја поддржаа сите советници.

Повеќе...

Divogradbi01.10.2013  Општина Kочани по дванаесетти пат ќе продава државно неизградено земјиште со јавно наддавање. Веќе тече огласот за продажба на вкупно 29 парцели со различна намена и на неколку локации во градот и околната, како и на Пониква.

16 од парцелите се за изградба на индивидуални, а 7 за викенд куќи. Плацевите за индивидуално домување се со површина од 280 до 850 метри квадратни и се наоѓаат на улиците “Скоевска“, “Кирил Ѕ'мбов“, “Крум Вранински“, “Мишо Арсов“, на улицата “Ѓорче Петров“ во населбата Драчевиќ и во населбата Трајаново Трло.

Со слична површина се и парцелите за викендички на Пониква, што се наоѓаат во склоп на викенд населбата во близина на поранешниот ски лифт број 2.

Повеќе...

Nedela-Na-Deteto02.10.2013 Од понеделник кога се планирани активности во клон 1 градинката кај автобуската станица и клон 3 градинката кај тикешински лозја започнува неделата на детето. Кочанската градинка интензивно се подготвуваат за нејзино одбележување.

-Во понеделник активностите се планирани во клон еден кај градинката кај автобуската станица. Децата ќе творат на тема „Го оживуваме овошјето“. Истиот ден активности се планиран во градинката кај тикешински лозја каде ќе играат игри од областа на физичко воспитување, истакна Родна Стојчева, педагог во ДГ „Павлина Велјанова“.

Во останатите клона во градинката кај Руен планирано е активностите да се реализираат во вторник, а децата од четвртиот клон во градинката кај пазарот своите вештини во ликовната уметност ќе ги покажат во среда.

Повеќе...

bolnica30.09.2013 Не е прв пат нашата камера да регистрира фрлен медицински отпад во кругот на кочанската болница. Употребен шприц фрлен покрај установата неколку дена претставува сериозна закана за здравјето на минувачите и пациентите.

Медицинскиот отпад често завршува во контејнерите   што е спротивно на законот за фрлање на истиот.

Директорите на кочанската општа болница, Здравствениот дом и на Центарот за јавно здравје негираа дека отпадот што е расфрлан е нивен. Потенцираа дека во околината има приватни здравствени установи и амбуланти како и наркозависници кои можеле да го фрлат ѓубрето во близина на здравствената зграда.

Повеќе...

Osogovo-Nova-Uprava02.09.2013 Како што можеше да се очекува, овогодишниот проект на „Осогово“ се сруши како кула од карти. Кочанскиот третолигаш го зафати бран оставки и разрешувања.

На состанок на Извршниот одбор на клубот Јордан Минов поднесе оставка од функцијата Претседател. Како и целата јавност и тој е согласен дека последните резултати се под реномето на клубот. Тоа е и неговото образложение на одлуката донесена под притисок на морална одговорност. За в.д. претседател е назначен Бранко Богатинов.

Вината за неуспехот се префрли на тренерот. Управата на „Осогово“ смета дека играчкиот фонд на клубот е неквалитетен, односно дека тренерот не направил добар избор на фудбалери.

Повеќе...

akcija30.09.2013 Учениците секојдневно по неколкупати небезбедно ја преминуваат улица која е непосредно до училиштето. Пешачкиот премин е поставен на место каде апсолутно нема потреба од него, а онаму каде што треба го нема. Згора на тоа лежечкиот полицаец чија улога е намалување на брзината на возење е ставен на премногу блиску растојание до пешачкиот премин што исто така не е од полза на пешаците.

Ова небезбедно преминување на коловозот од страна на учениците подолго време е следено од полициското одделение за безбедност во патниот сообраќај од каде решиле освен превентивната акција за безбедност при возење и намалување на брзината на ова место, како и делење флаери на возачите и советување, да направат и дислокација на пешачкиот премин.

Повеќе...

Осветување на манастирот “Св. Климент Охридски“ - Осоговски Планини

6°C

Кочани

Ведро
Влажност на воздухот: 87%
Ветер: NE при 4 kmh
Четврток3°C/14°C
Петок6°C/21°C
Сабота8°C/23°C
Недела9°C/23°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 79 гости и нема членови


web counter



qr code