Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

Humanitarni-Akcii-115.08.2013 За разлика од повеќето општини во државата каде има солиден интерес за проектот „Се грижиме за топол дом“, тој кај понудувачите во Кочани е никаков, наспроти големиот број социјално загрозени лица кои се пријавиле за примање помош.

Градоначалникот Димитровски, пак, смета дека идејата на Министерството е само навидум оригинална.

-Министерството за труд и социјална политика научило нешто од работењето на локалните самоуправи. Дел од оваа акција е преземен од она што Општина Кочани го направи пред една година. И сега ги ставаме на располагање ресурсите на Општината, која е должна да го складира донираното и да го обезбеди превозот - рече градоначалникот Димитровски.

Повеќе...

UGD15.08.2013  Префрлувањето на студиските програми на Економскиот факултет од штипскиот универзитет во Кочани не ги поколеба завршените средношколци да се пријават на оваа високошколска установа.

Интересот за упис е на високо ниво, оценуваат од управата на Универзитетот “Гоце Делчев“, и покрај одлуките на ресорното министерство за намалување на квотите за запишување. Во трите дена од првиот уписен рок е пополнета една третина од предвидените слободни места, што во споредба со изминатите години е според очекувањата.

- Интересот е голем стандардно за општествените науки, на Правниот факултет има пријавено над 100 кандидати, а на студиите на Економскиот, иако започнуваат во Кочани, има пријавено над 130 кандидати, рече Кирил Барбареев, проректор за инвестиции на Универзитетот “Гоце Делчев“.

Повеќе...

matura15.08.2013 Седум ученика од СОУ „Љупчо Сантов“ и по еден ученик од Виница, Берово и Македонска Каменица полагаа државна матура. Се полагаше по два предмета англиски јазик и математика основно ниво.

Во „Љупчо Сантов“ прв пат се организира полагање на државната матура за четирите споменати општини. Со оглед на малиот број ученици што полагаат, државниот испитен центар одлучил матурата да се полага во кочанската гимназија.

-Тестирањето започна на време, материјалите беа дистрибуирани во 9.00 часот, тестаторите пристигнаа навреме, материјалите беа поделени, учениците се сместени во две училници. Во едната се полага математика основно ниво, во другата англиски јазик.

Повеќе...

tenis515.08.2013 За Тенискиот клуб „Акаватен“ сезоната е во зенит додека траат пеколните летни денови. Напладне кога паѓаат температурите, земјените терени на СРЦ „Зорик“ ги посетуваат учениците кои допрва почнуваат да ги совладуваат техниките на белиот спорт, оние кои имаат професионални амбиции, полупрофесионалците кои излегле од оваа тениска школа, како и десетици рекреативци.

Најголем интерес има кај децата од 12-16 години. Моментално се подготвуваме за турнир во Бугарија на кој ќе настапат двајца наши тенисери -рече Ангел Колев, тренер во клубот.

На последниот турнир на кој учествуваа тенисерите на „Акватен“, организиран од тенискиот клуб „Југ“ од Скопје, најнадежната млада кочанска тенисерка Даниела Колева беше поразена во финалето, со што го освои второ место.

Повеќе...

ucilista214.08.2013  И покрај тоа пред неколку години им беше дозволено на училиштата да формираат паралелки со помал број ученици, проблемот со намалување на фондот на часови останува нерешен. Факт е дека од година во година наталитетот опаѓа, па во одделенијата има се помалку ученици. Професорите стравуваат дека ќе останат без работа, бидејќи повеќе од сигурно е дека нема доволно ученици за да бидат формирани предвидените паралелки.

Проблемот постои и во кочанските училишта, посебно во средните. Во СОУ „Ѓошо Викентиев“, по направениот распоред, констатирано е дека професорите по општообразовните предмети остануваат без потребниот број часови, додека кај професорите по стручните предмети бројката на часови задоволува, истакна директорот на училиштето Димче Сребренов.

Повеќе...

Prevoz-Ucenici314.08.2013  Општина Кочани годинава навреме ќе ја избере фирмата за бесплатен превоз на учениците. Тендерот што беше објавен на 19 јули ќе трае до крајот на август.

За разлика од лани, кога доцнеше Правилникот за организирање на превозот на учениците што го издава Министерството за образование, оваа година постапката се одвива во законскиот рок. Средното училиште „Љупчо Сантов“ е носител на тендерот за организирање на јавниот превоз за сите училишта во општина Кочани. Заинтересираните фирми таму треба да ги доставуваат своите понуди.

Од компанијата “Авто атом“, која во изминатите години го вршеше превозот, рекоа дека повторно ќе поднесат понуда, иако дел од парите за извршената услуга за лани се уште не им се префрлени од буџетот на Општината.

Повеќе...

gasterbajteri214.08.2013 Бројните гости кои месецов и претходниот си дојдоа дома ги преплавија дуќаните со поскапа стока - златарите, продавниците со брендирана спортска опрема, а најмногу угостителските објекти. Освен што е годишен одмор и се троши повеќе, им одговараат и цените, а со тоа и можноста да се покаже колку се има. За една вечера во ресторан за четиричлено семејство која во Швајцарија или Италија чини над 50, овде се плаќаат 20 евра. Во просек за 20-30%, поевтини се продуктите во супермаркетите, а приближно иста е цената на гардеробата кога е на сезонски попуст.

-Најмногу трошиме на јадење и пиење. Деликатесната храна е многу поевтина, пониски цени имаат овошјето и зеленчукот, а гардеробата што може тука да се купи е квалитетна и чини помалку- вели граѓанин на привремена работа во Германија.

Повеќе...

pomor-ribi214.08.2013  Водата во Брегалница е на биолошкиот минимум и малку недостасува целосно да престане да тече. Посебно критична е состојбата на територијата на општина Чешиново-Облешево, во близина на гумената брана кај село Чифлик.

Сето ова негативно влијае врз зачувувањето на рибниот фонд во реката, заради што спортските риболовци предупредуваат дека освен за земјоделството, мора да се води грижа и за живиот свет во водата.

- Ги замолувам надлежните да водат повеќе грижа, за да го зачуваат тој минимален проток на вода колку што  е потребен за да можат рибите да преживеат. Ситуацијата не е сјајна. Има денови кога не тече вода преку гумената брана.

Повеќе...

Sala-Orizari714.08.2013  Спортската сала во Оризари се уште е реалност само во планските документи на инвеститорот - Министерството за образование и наука. По најавата за нејзина изградба што беше дадена во март, за време на локалните избори, од објектот на терен нема ништо.

На местото каде што беше поставен камен-темелникот извадена е металната арматура, дупката е затрупана со земја и обрасната во трева и грмушки, па не може точно да и се одреди локацијата.

Планирано е салата да се гради во дворот на основното училиште “Крсте Петков Мисирков“, како дел од проектот “Изградба и опремување на 145 училишни спортски сали“. Иако се најавуваше дека градењето ќе тече брзо и ќе се создадат соодветни услови за реализирање на наставата по спорт и спортски активности за сите 280 ученици, но и за потребите на месното население, стартот на изградбата се пролонгира веќе половина година.

Повеќе...

doktor14.08.2013 Д-р Билјана Кладорабска, интернист во кочанската болница – на листата на најдобро рангирани за месец мај. Вака одлучи Министерството за здравство кое ја објави Листата на најдобро рангирани 100 доктори за мај. Објавените лекари ги исполнуваат соодветните критериуми за наградување според системот за плаќање по успешност. Д-р Билјана Кладорабска е специјалист интернист на интерното одделение во кочанската болница и со работа започна минатата година.

Станува збор за најдобро рангирани 100 доктори за месец мај од секундарно и терциерно ниво, кои се движечка сила во своите институции. Тие добиваат посебно признание и паричен надоместок во висина од нето плата, во која се вклучени сите додатоци на плата на здравствениот работник (двојна плата) за месецот за кој постигнал најдобар резултат.

Повеќе...

Осветување на манастирот “Св. Климент Охридски“ - Осоговски Планини

23°C

Кочани

Умерено облачно
Влажност на воздухот: 44%
Ветер: North при 2 kmh
Петок7°C/22°C
Сабота8°C/23°C
Недела12°C/27°C
Понеделник13°C/28°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 108 гости и нема членови


web counter



qr code