Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

Poskapuvanje-Hrana-107.06.2013 Црни се прогнозите за глобалното производство и фрапантниот раст на цените на храната. Драстично поскапување на храната за 40 % , прогнозира Организацијата за храна и земјоделски производи. Поскапувањето на храната е последица на зголемената побарувачка за храна. Цените на прехранбените продукти ќе пораснат за 40 %, а рапидно ќе расте цената на месото и на житарките. Причината за бавниот раст на производството и продуктивноста и затоа владите треба да изнајдат начини да им овозможат на земјоделците пристап до технологијата, за да се зголеми производството.

Влијание на цените имаат и факторите што предизвикуваат се побавен раст на земјоделските производи, а тоа се намалените плодни површини, поскапото производство и проблемите со климата. Ова се нови ценовни шокови за граѓаните на и онака намалената куповна моќ.

Повеќе...

Prskanje-Komarci206.06.2013  Прскањето против комарците продолжува и годинава. Локалната самоуправа на Кочани во соработка со Центарот за јавно здравје ќе ја реализира првата фаза од планираната дезинсекција против здодевните инсекти.

Третманот ќе се реализира в понеделник и вторник, идната недела, во периодот меѓу 23 и 5 часот. Иако претходно се најавуваше заедничка акција на сите општини преку Центарот за развој на источниот регион, сепак таков договор не се постигна.

- Општина Кочани самостојно го организира прскањето против комарците, односно уништувањето на комарците и другите инсекти, на два начини. Едниот е од земја, каде што ќе имаме четири такви дејствувања и едно авинско. Површината што ќе се третира од земја ќе биде 300 хектари, а онаа што ќе биде од авион е 1500 хектари, рече Ратко Димитровски, градоначалник на Општина Кочани.

Повеќе...

meteopati06.06.2013 Во последните десетина г годишните времиња се менуваат без преодни периоди, а дневните разлики во температурата понекогаш 10 или 15 степени. Метеоролошките услови имаат влијание здравје на голем број кочанци, кои периодов се жалат на здравствени тегоби

-Најмногу се жалат на главоболки, болки во градите, намалена циркулација во екстремитетите и болки во зглобовите. Препорака до пациентите е редовно да ја земаат терапијата и да доаѓаат на контроли-рече д-р Марија Мирчовска, интернист.

На временските осцилации, помалку или повеќе, реагираат сите, но најтешко ги поднесуваат хроничните болни. Наспроти редовното земање на пропишаната терапија, симптомите на основната болест се засилуваат, а метеопатските тешкотии се поизразени и кај жените во менопауза.

Повеќе...

lekari306.06.2013 Министерството за здравство ја објави листата на најдобро рангирани 80 доктори за месец март , оваа година, кои ги исполнуваат соодветните критериуми за наградување според системот за плаќање по успешност. Од кочанската општа болница на листата се најдоа

д-р Марија Мирчовска специјалист - интернист од интерно одделение и д-р Стојка Стаменкова , специјалист - педијатар во детското одделение.

-Јас сум задоволна од наградата и пријатно сум изненадена, но морам да кажам дека наградата не е само моја заслуга, туку ние тука работиме тимски, така да наградата е заедничка, истакна д-р Марија Мирчовска, најдобро рангиран лекар за месец март 2013.

Повеќе...

Most-Lesna-Industrija-3

06.06.2013 Општина Кочани планира изградба на армирано-бетонски мост преку десниот магистрален канал на хидросистемот “Брегалница“.

Објектот ќе биде составен дел од улицата “560“ што се наоѓа во зоната Лесна индустрија. Преку него треба да се обезбеди безбеден премин на пешаци, лесни и тешки товарни возила кон просторот што Локалната самоуправа планира да го продава на поодделни парцели за изградба на деловни објекти.

Засега на овој дел постои премин преку каналот, но тој не може да ги исполни потребните услови за безбедно одвивање на сообраќајот, ниту со носивоста, ниту со ширината. За реализацијата на новото инфраструктурно решение веќе е објавен јавен тендер за избор на најповолен изведувач, а пријавувањето трае до крајот на неделата.

Повеќе...

Ulica-Goce-Delcev-Orizari2

06.06.2013  Улицата “Гоце Делчев“ во Оризари треба да добие нов асфалтен слој. Техничкиот проект веќе е изготвен, ставен е во приоритетите за изградба на инфраструктура во општината и сега се бараат финансиски извори.

Една од можностите да се обезбедат пари се гледа преку „Програмата за финансиска поддршка за руралниот развој за 2013 година“ за што Локалната самоуправа се подготвува да аплицира. Притоа предвид е земена мерката 321 што се однесува на подобрувањето на квалитетот на животот во руралните средини. Финансиер на програмата е Агенцијата за финансиска поддршка во земјоделието и руралниот развој.

Како  носител на проектот, се предивудва Локалната самоуправа да обезбеди дел од средствата од буџетот на Општината, преку Програмата за локални патишта и улици. Со оглед што терминот за поднесување апликација е до 3 јули, во Општината забрзано се одвиваат активностите да се запази рокот.

Повеќе...

 muzicko606.06.2013 Учениците од ОМУ „Ристо Јуруков“ кои во текот на годината освоија награди и признанија на државни и меѓународни натпревари синоќа настапија пред многубројната публика во Мултикултурниот центар. Со концертот на наградените ученици беше одбележан патрониот празник на училиштето.

Учениците од ова училиште и годинава се закитија со голем број награди и признанија на натпревари во Скопје, Битола , Врање, Ниш, Аранѓеловац, Уб, Ваљево, Белград. Присутните ги поздрави директорката на ОМУ „Ристо Јуруков“ Елизабета Ѓеорѓиева“

-Покрај државните натпревари се повеќе излегуваме и на меѓународни натпревари, па се надеваме дека освен во соседните држави ќе можеме да учествуваме и на поголеми натпревари во Италија и Франција.

Повеќе...

skuter

05.06.2013  Скутер со зафатнина на моторот до 50 кубни сантиметри ќе набави Општина  Кочани. Ќе се користи за потребите  на општинската администрација, а ќе биде дел од обновениот возен  парк.

Заради транспарентност на набавката, Локалната самоуправа минатиот месец објави јавен тендер во кој се наведени техничките детали што треба да ги содржи возилото. Покрај определената зафатнина, се бара моторот да биде со јачина од 3,5 киловати, односно нешто над 4 коњски сили.

Освен стандардната опрема, во набавката влегува и специјален куфер за скутерот, отворена кацига со преклоп, церада, односно покривка за мотор и комплет брава за заклучување на резервоарот и седиштето.

Исто  така, понудувачот треба да обезбеди  минум една година гарантенр  рок за машината. Во тендерот не е нагласена марката или моделот што се бараат, но со оглед што набавката е со проценета вредност до 5000 евра, може да се заклучи дека ќе се оди на опција за повисок квалитет и издржливост на скутерот.

Повеќе...

Podlog Kukja88

05.06.2013  Импровизиран ѕид од ќебиња, душеци и друг прирачен материјал е дел од скромната куќарка на семејството  Јорданови од Горни Подлог. На таков  начин сопственикот се обидел колку-толку да ја затвори големата дупка што се појави како резултат на поплавите што го зафатија регионот во февруари.

Скромниот објект тогаш не го издржа налетот на поројните дождови и влагата во ѕидовите, ѕидани со т.н. жива цигла. Во неговата внатрешност има само со една собичка во која живее четиричленото семејство. Примаат социјална помош и не можат сами да ја поправат штетата, па очекуваат помош од општината или од приватни фирми.

- Барам помош, да ми се даде помош, материјал, греди, летви, усјемал и цемент. Веќе имам добиено нешто преку СОУ “Гошо Викентиев“. Ми дадоа еден камион песок и 800 броја блокови. Сега за сега тоа е што имам, друг материјал немам, рече Јордан Јорданов, сопственик на куќарката.

Повеќе...

Postojki 3

05.06.2013  Пет автобуски постојки треба да добијат населените места во општина Кочани, претежно во ридско-планинскиот регион. Активноста се реализира по барање на граѓаните од овој дел  на општината, па наскоро соодветни постојки со настрешници ќе добијат жителите од Полаки, Бели, Нивичани и други села.

Локалната самоуправа веќе го објави јавниот тендер за избор на најповолен изведувач на објектите што треба да бидат поставени на оддалеченост до 20 километри од градот. Се планира настрешниците да бидат изработени од метал, а обврска на изведувачот ќе биде и да ги постави на предвидените локации.

- Овие автобуски постојки ќе  бидат опремени со клупи, покривната  конструкција ќе биде од поликарбонат, а се очекува наскоро да заврши јавната набавка со што Општината ќе започне со поставување на постојките на местата што се предвидени во ридско-планинанскиот дел, рече Влатко Димитров, раководител  на секторот за урбанизам.

Повеќе...

Осветување на манастирот “Св. Климент Охридски“ - Осоговски Планини

7°C

Кочани

Заоблачено
Влажност на воздухот: 87%
Ветер: NNE при 13 kmh
Понеделник-3°C/7°C
Вторник1°C/9°C
Среда3°C/12°C
Четврток3°C/14°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 153 гости и нема членови


web counter



qr code