Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

komarci115.07.2013  Во наредните два дена, вторник и среда, повторно ќе има прскање против комарците. Со тоа Општина  Кочани го започнува спроведувањето на втората фаза од третманот против здодевните инсекти во регионот.

Со оглед што на почетокот на јули временските услови не овозможија да се спроведе планираната акција, таа сега се најавува за оваа недела. Терминот е како при претходниот третман, меѓу 23 и 5 часот наутро.

Слично како и минатиот месец, првото прскање од оваа фаза ќе се изведе од земја. Се планира да биде опфатена површина од 300 хектари во централното градско подрачје, приградските населби, како и во селата Тркање, Горни и Долни Подлог, Грдовци, Прибачево и Оризари. 

Повеќе...

nokaut15.07.2013  Настапот на легендарната македонската рок група “Нокаут“ беше одлична завршница на програмата на годинешните “Петровденски конаци“.

Цврстиот звук, набиениот ритам повремено разнежнет со балади и препознатливи звуци од хитовите на гостите од Скопје беа одлична забава за публиката што дојде во саботата во градскиот парк.

Повеќегодишното искуство на членовите на бендот приодонесе лесно да се загрее атмосферата во гледалиштето, кое по почетното испитување на силите му се придружи на вокалистот Никола Перевски, давајќи му едногласна поддршка во изведбата на композициите.

Повеќе...

znm315.07.2013  И членови на Здружението на новинари од источниот дел на државата се соочуваат со притисоци да преминат во други новинарски асоцијации, што дејствуваат од пред извесен период.

Најчесто притисоците доаѓале од локални политичари и функционери кои се обиделе да влијаат врз сопствениците на одделни медиуми за да им “препорачаат“ на нивните вработени да го напуштат ЗНМ.

Сето тоа се прави со цел да се ослабнат позициите на Здружението и тоа да се прикаже како недоволно активно да ги штити правата на своето членство. За ваквите појави се разговараше на работниот состанок на регионалниот центар на ЗНМ од брегалничкиот регион, при што беше речено дека притисоци имало и во Кочани.

Повеќе...

turnir115.07.2013  Победничкиот пехар и главната награда од 12 илјади денари од Петровденскиот турнир во мал фудбал и припадна на екипата на “Истра“. Во финалната средба таа беше подобра од својот конкурент “Европа 92“ совладувајќи го со 2:1.

Во текот на целиот натпревар се играше цврст и добар фудбал, но на пауза се замина без голови. Резултатот беше откриен дури во второто полувреме, кога играчите на “Истра“ прикажаа подобра подготвеност, концентрираност и спортска среќа и заслужено славеа победа.

Тие водеа со 2:0 во текот на целиот натпревар, а “графичарите“ ја спасија честа од пенал што беше досуден на 10-тина секунди пред крајот на средбата.

Повеќе...

petrovden612.07.2013  Многуброен народ се собра во Градскиот парк за да присуствува на свеченоста по повод одбележувањето на Петровден.

Верскиот празник што во Кочани со векови го слави секоја куќа како домашна слава, од пред три години прерасна во општински празник.

Во рамки на празнувањето, во православниот  храм “Св. Ѓорѓи“ изутрината се одржа божествена литургија, а потоа свештениците и верниците во свечена литија пристигнаа во паркот, пред пред чешмата и мозаикот на Светите Петар и Павле.

Со духовната церемонија чиноначалствуваше митрополитот брегалнички г. Иларион, кој ја освети празничната погача, што потоа им беше поделена на присутните граѓани.

Повеќе...

SvecenaSednica912.07.2013  По повод одбележувањето на Петровден, Советот на Општина Кочани ја одржа вообичаената свечена седница, на која  покрај советниците, присуствуваа митрополитот на брегалничката епархија г. Иларион во придружба на свештени лица од кочанскиот православен храм, градоначалници од соседните општини, пратеници и функционери од државната и локалната власт, како и повеќемина граѓани.

На седницата, Одборот за доделување награди на Општината официјално ги соопшти своите одлуки за годинашните добитници на највисоките признанија.

Наградата за животно дело му  припадна на Јордан Манов, еден од основоположниците на спортот во Кочани, а наградата за значајни остварувања во развојот на Општината му е доделена на Здружението на пензионери.

Во обраќањето пред присутните, претседателката на Одборот, Илинка Атанасова, даде кратко образложение за одлуката.

Повеќе...

MuzickoRistoJurukov12.07.2013  Макотрпна работа и талент стои зад  големите успеси на учениците од кочанското музичко училиште.

Своето знаење го потврдија и минатата учебна година со учеството на повеќе државни и меѓународни музички натпревари. Скоро од сите се вратија со една од првите три награди. Посебно за пофалба се освоените 17 први места на натпреварите, иако наставниците не сакаат да ги одделат од другите постигунувања.

- Седумнаесет први, од кои дел на меѓународни натрпевaрувања, меѓутоа имаме вкупно 39 награди освоено оваа учебна година, повеќето на државни, но и на меѓународни натпревари, а останатите се втори и трети награди. Без разлика за каква награда се работи, успехот е пред нас. Се надевам дека оваа бројка ќе биде предизвик за следната година да имаме многу повеќе награди, рече Марија Лазарова, наставник во ОМУ “Ристо Јуруков“.

Повеќе...

NagradiUcenici412.07.2013  Триесетина истакнати ученици дојдоа на приемот што во нивна чест го приреди Локалната самоуправа.

Меѓу две одбележувања на Петровден тие освоиле први места на државните и едно од првите три места на меѓународните натпревари во различни образовни дисциплини.

Градоначалникот Димитровски и претседателот на Советот, Иванов, им упатија честитки за успесите, посакувајќи им да продолжат со одличните резултати во школувањето. Во знак на благодарност што на позитивен начин ја афирмираат Општината им доделија пригодни подароци од Локалната самоуправа.

Повеќе...

SostanokPonikva212.07.2013  Општина Кочани изработи нов рекламен материјал за туристичките можности за Пониква. Во него на едно место се претставени сместувачките капацитети и можностите за рекреација што ги нуди нашиот планински рекреативен центар.

На средба со сопствениците на објекти, летокот го претстави градоначалникот Ратко Димитровски, при што се осврна и на активностите за подобрување на инфраструктурните капацитети.

Притоа тој побара помош од нив за заедничка промоција на можностите и ресурсите со кои располага Пониква, за да се привлечат што погoлем број гости од земјата и странство.

Повеќе...

vinica312.07.2013  Дел од празничната програма за Павловден во Виница беше ликовната изложба на реномираниот македонски уметник Стефан Хаџи Николов.

На изложбата беше претставен дел од творечкиот опус авторот кој минатата година прослави 30 години од своето творештво. Пред виничката публика тој се претстави со 29 дела создадени во последните 5 години.

Изложбата ја отвори градоначалникот Емил Дончев, а за уметничкиот опус на Хаџи Николов зборуваше Магдалена  Манаскова од музејот “Теракота“.  Изложбата е поддржана  од Министерството за култура, како дел од манифестацијата „Топол културен бран“, а е дел од настаните по повод одбележувањето на празникот Павловден.

Повеќе...

Осветување на манастирот “Св. Климент Охридски“ - Осоговски Планини

7°C

Кочани

Претежно облачно
Влажност на воздухот: 93%
Ветер: East при 2 kmh
Петок3°C/11°C
Сабота1°C/10°C
Недела-3°C/2°C
Понеделник-4°C/1°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 94 гости и нема членови


web counter



qr code