Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

pogrebalno129.08.2013  Пет месеци се чека одлуката на Вишиот управен суд во Скопје во врска со поднесената жалба на друштвото за погребални услуги “Погребално“ ДООЕЛ – Кочани, кое се жали затоа што нема добиено лиценца за работа од надлежните во Министреството за транспорт и врски. Заради тоа не смее да ја извршува дејноста за кое е регистирирано, па шестмината вработени практично се на платен список и земаат плата, а не работат ништо.

На седницата на Советот на Општината беше речено дека вината воопшто не е кај претпријатието, затоа што оттаму уредно ја поднеле сета потребна документација за добивање лиценца, но биле одбиени.

Причините за тоа се пропусти во законските одредби за тоа кој може да биде основач на фирма штго ќе дава погребални услуги, а во случајот тоа е Локалната самoуправа на Кочани.

Повеќе...

Kosarka 227.08.2013 Ако се суди според резултатот од пријателскиот натпревар во Кочани, „Баскет Дино“ има конкурентна екипа и во М-18 и во М-20 лигата, доколку регистрацијата на втората во Кошаркарската федерација на Македонија помине во најдобар ред.

Во спортската сала кај Гимназијата, комбинираната екипа на Сашко Лазаров славеше убедливо над конкурентскиот состав  на „Гостивар“ со 103:48. Во вториот натпревар Лазаров се одлучил да испроба нови тактички варијанти, па на паркетот истрча со втората постава. И во таква ситуација неговите кошаркари повторно дојода до победа, но изразена со само 5 коша разлика.

Иако замислен како турнир на кој  треба да се тестира формата во очекување на почетокот на новата сезона, замислата се сведе само на двомеч, поради тоа што во Кочани не допатува екипата на „Пелистер“ од Битола.

Повеќе...

skolo grdovci30.08.2013  Земјоделска механизација и неуреден двор ќе ги дочекаат учениците во Грдовци на првиот ден од новата учебна година.

На секој ќош во училишниотг двор се забележуваат плугови, рала, тракторски приколки и коњски коли натоварени со сено, оставени во околината како грда слика на несовесноста. Освен тоа тие можат да бидат и потенцијална опасност за најмладите за време на одморите меѓу часовите.

Прашањето за комуналниот ред во дворот на подрачното училиште “Никола Карев“ се најде како забелешка и на советниците, кои побараа проблемот навремено да се реши.

Повеќе...

sudenje726.08.2013  По шестмесечно одложување конечно беше сослушан еден од клучните сведоци во судскиот претрес против поранешните први луѓе на кочанската Полициска станица, Ванчо Тодоровски и Санде Стојменов.

Оштетениот Ванчо Јованов, кој подолго време живее и работи во Италија, пред судот сведочеше за начинот на кој командирот на полицијата од него изнудувал пари и друга материјална корист.

Се започнало откако во 2006 година се случило разбојништво во домот на Јованови во селот Цера, при што родителите биле ограбени и малтертирани. Со ветување дека сторителите ќе бидат откриени, командирот му побарал пари.

Повеќе...

vodovod-smetki227.08.2013 Потенцирајќи дека се работи за облигациони односи, директорот Папазов тврди оти „Водовод“ не го злоупотребил правото со едностраното раскинување на договорот, додавајќи дека претпријатието ќе ги сервисира услугите и за граѓаните кои не платиле повеќе од две сметки.

- Бројката на редовни плаќачи е 950, на кои ќе им доставиме дописи со кои ќе ги известиме колку акумулирани средства им  стојат на располагање, рече Љупчо  Папазов, директор на КЈП „Водовод“.

Откако комуналното претпријатие ги фиксираше собраните средства, сега прави анализа, кога граѓаните  ги склучиле договорите и колку сметки платиле.

Повеќе...

bojan-serafimov429.08.2013  Двата бронзени медали на 17 годишниот виничанец Бојан Серафимов на светските Олимпијадите по математика и информатика во Австралија и Колумбија, повод за прием од страна на првиот човек на општината Емил Дончев.

Третото место на натпреварот по информатика Серафимов го освои во конкуренција на 299 учесници од 80 земји на јубилејната 25-та Интернационална олимпијада, што се одржа во Бризбен минатиот месец. Вонредниот успех го повтори неодамна и на натпреварот по математика во Санта Марта, каде беше дел од шестчлената македонска репрезентација.

-Натпреварите беа тешки, самиот збор светски кажува нешто, дека се натпреваруваат стотина земји. Од секоја држава е избран тим од четири или шест учесници и беше многу позитивно искуство-рече Бојан Серафимов.

Повеќе...

javno-wc130.08.2013  Монтажниот јавен тоалет што минатото лето Општината го постави до Центарот за култура се уште стои на истата локација, без да ја извршува намената.

Неговото поставување тогаш се оправда со потребите на манифестацијата “Град на културата“. Но, протестот на граѓаните кои живеат во непосредна близина влијаеше постапката за негово профункционирање привремено да биде запрена.

Сепак, прашањето за работењето на овој јавен тоалет во централното градско подрачје не доби соодветен третман, па беше актуелизирано на последната седница на Советот.

Повеќе...

grcijakola26.08.2013  Македонската гранична полиција регистрираше нов случај на оштетување на возило, пријавен од страна на македонски државјанин кој престојувал во Грција.

Виничанецот Д.А. кој управувал автомобил  марка “Пежо”, со струмички регистарски ознаки, на граничниот премин Богородица пријавил дека во местото Калитеа му била изгребана левата страна од возилото по целата должина. Оштетувањето не било пријавено во грчката полиција. 

Со овој новорегистриран случај, во изминатиот период од страна на македонската гранична полиција биле регистрирани вкупно 57 оштетувања на возила и одземања на регистарски ознаки.

Повеќе...

ciflik229.08.2013  Верници од сите населени места во кочанско и пошироко традиционално и годинава во голем број го посетија манастирот кај Чифлик. Масовно присуство имаше како на претходниот, така и на денот на Успението на Пресвета Богородица.

-Традицијата била и останува, масовна посетеност на манастирот. Овде, овие два дена можеби ќе има и над 2000 верници кои го почитуваат култот кон Пресвета Богородица, рече Васо Николовски, свештеник.

И од црковниот одбор велат дека оваа традиција на прославување е столетна.

-Постари луѓе раскажуваат дека датира од времето на бараќата Св. Кирил и Методиј. Годинава се пости, па за присутните подготвиме грав и ориз- вели Илчо Нисов, претседател на црковниот одбор.

Повеќе...

komisija26.08.2013 Извештајот за полугодишното финансиско работење на „Водовод“ го презентираше директорот Папазов на седница на комисијата за финансии, буџет и локален економски развој. Тој рече дека претпријатието бележи зголемена инвестициона активност поради проектите од КФВ заемот со замената на потисниот цевковод, а очекува ефектите од технички и финансиски аспект кои беа проблематични на стартот од годината, да се почувствуваат наскоро.

-Знаете и самите дека во извештаите за 2012 година и почетокот на 2013 имавме лош сооднос на испорачаната и фактурираната вода - подвлече Љупчо Папазов, директор на КЈП „Водовод“.

Тој ја посочи и инвестицијата од „Кочани 2“ со која беа замените дел од пумпите во бунарскиот систем Грдовци и старата филтер станица.

Повеќе...

Осветување на манастирот “Св. Климент Охридски“ - Осоговски Планини

30°C

Кочани

Умерено облачно
Влажност на воздухот: 35%
Ветер: East при 4 kmh
Сабота11°C/23°C
Недела12°C/24°C
Понеделник13°C/22°C
Вторник13°C/22°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 192 гости и нема членови


web counter



qr code