Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

pantelej416.09.2013  Локалните самоуправи на Кочани и Пробиштип со заедничка иницијатива ќе го довршуваат започнатиот проект за асфалтно поврзување на двете општини преку селата Рајчани и Турско Рудари.

Без разлика што на коловозот се појавија оштетувањата во рок од само две години по асфалтирањето на првата делница, нашата општина даде поддршка да се бараат нови пари за завршување на остатокот од патниот правец. Финансиер на градежните работи како и до сега треба да биде Бирото за рамномерен регионален развој, при што за делот што се уште чека асфалт се потребни 16 милиони денари.

Според одговорните во локалната власт, ова е проект што има регионално значење заради што двете соседни општини се одлучиле да дадат сопствен придонес.

Повеќе...

osogovo16.09.2013 Одиграно 5-тото коло во Третата фудбалска лига- Исток. „Слога 1934“ од Виница славеше на гостувањето во Штип против „Астибо“ со 0:3.

Натпреварот „Рудар“-„Осогово“ во Пробиштип не се одигра поради интервенции на фудбалскиот стадион.

Останати резултати:

„Брегалница Голак“ – „Чешиново“ 1:0
„Беласица“ – „Баби“ 3:1
„Напредок Здравје“ – „Каменица Саса“ 2:1
„Јака“ – „Карбинци“ 5:0
„Тркања“ – „Работник“ 3:1

Повеќе...

ZFK-Kocani-Konzuli-116.09.2013 Рутински и покрај солидниот отпор што го пружија гостинските од Битола, ЖФК „Кочани“ ја забележа и третата победа во годинешното првенство, остварен пред домашната публика со резултат од 4:1.

„Кочани“ ја имаше доминацијата во сите 90 минути од натпреварот. Од многуте створени шанси пред голот на „Конзули“ успеа да капитализира четири, по две во двете полувремиња.

Резултатот го отвори најефикасната во шампионатот Афродита Салихи во 18 минута.

На два спрема нула зголеми Спировска во 40-тата, која реализираше и за 3:0 во 55-тата минута.

Повеќе...

Crven-Krst16.09.2013 И кочанскиот огранок на „Црвен крст“ во соработка со Полициската станица го одбележа Светскиот ден на првата помош, преку едукативна акција, симулација на вежба, на која се тестираше познавањето на правилата на првата помош од страна на учесниците во сообраќајот.

-Со стратешкиот план и програма и ние го одбележуваме Светскиот ден на првата помош -рече Митко Петров, претседател на ОО на „Црвен крст“ Кочани.

Во случајот се работи за сообраќајна несреќа со тројца повредени при судир на автомобил и мопед. Сообраќајната полиција има за задача да ги сопира учесниците во сообраќајот за да се тестира нивното знаење, додека активистите на „Црвен крст“ ги следат нивните постапки при укажување на првата помош и секогаш кога има потреба им дообјаснуваат -рече д-р Иван Коцев, претседател на Комисијата за прва помош при ОО на „Црвен крст“.

Повеќе...

Oriz-Preparati-513.09.2013  Дел од земјоделците кои одгледуваат ориз на своја рака користеле нелегално увезени хемиски препарати против плевелите. Според државниот земјоделски инспекторат хербицидите најчесто се набавувани од Турција, без декларација на македонски јазик и без контрола на хемискиот состав. На тој начин оризопроизводителите ни не знаеле со што прскале.

По направената контрола во текот на минатата и оваа недела, инспекторите утврдиле дека во околу 20% од случаите каде потфрлила заштитата против плевелите најголемо влијание имале неиспитаните незаконски увезените препарати.

Инспекторите и понатаму продолжуваат со контролите, а според заменик министерот за земјоделство за прекршителите на законските прописи ќе следуваат санкции.

Повеќе...

bolnica-16.09.2013 Врвни лекари од универзитетските клиники го пренесуваат своето долгогодишно знаење и искуство на вработените во итните медицински служби.

Со тоа битно го зголемуваат бараното високо ниво на квалитет и ефективност во спасување на унесреќените.

За време на викендов такви предавања добија лекарите, сестрите и возачите на итната медицинска помош во кочанскиот Здравствен дом. Предавачите задоволни од заинтересираноста на кочанските лекари и медицински сестри.

Обуките се однесуваа на реанимација или оживување и невролошки состојби.

Повеќе...

greenje13.09.2013  Се поништува тендерот за набавка на нафта за загревање на просториите во основните и средните училишта во Општина Кочани. Понудите што ги доставиле рафинеријата „Окта“ и „Еуропетрол“ не биле прифатливи оти не одговарале на барањата. Тендерот ќе се поништи во понеделник, а законската процедура налага да поминат осумте дена рок за жалба на пријавените фирми, пред да се распише новиот тендер.

Одговорните велат дека изборот на најповолниот понудувач и набавката на потребните количини ќе биде завршена пред стартот на грејната сезона.

Неделава и Општина Виница го распиша тендерот за набавка на масло за греење за грејната сезона 2013/2014 г. 61 500 литри е вкупната количина на нафта која е неопходна за загревање на општинските институции.

Повеќе...

velosipedizam316.09.2013 ОУ „Раде Кратовче“ и годинава ќе ја подига свеста на граѓаните за користење на алтернативни превозни средства во секојдневниот живот. Кампањата за промоција на велосипедизмот ќе се одржи на 20 септември со организирање на наставен час посветен на велосипедизмот како забавно, ефикасно, безбедно и еколошко превозно средство и велосипедска тура на која ќе учествуваат учениците од основните училишта.

Користејќи го алтернативниот превоз истовремено се грижиме за намалување на загадување на амбиенталниот воздух, за своето здравје и постигнување економски бенефити, велат организаторите.

Со тоа ќе се покаже дека училиштата, општината, како и приватниот сектор претставуваат и понатаму позитивен пример на кои заштитата на животната средина и безбедноста на децата ја сметаат за едни од своите приоритети.

Повеќе...

voda13.09.2013 Во првото полугодие од годинава „Водовод“ бележи наплата од точно 69,85 проценти.

Подисциплинирани во плаќањето на долговите кон комуналното претпријатие биле граѓаните.

Попрецизно, „Водовод“ од домаќинствата наплатил 73,87% за потрошена вода, од фирмите 65,87 и од дуќаните 55,42 проценти.

Директорот Папазов информира дека од почетокот на второто полугодие од годинава процентот на наплата оди во нагорна линија, поради што очекува заклучно со последниот квартал да се достигне минатогодишното ниво од околу 78 проценти.

Повеќе...

istibana16.09.2013 Во отсуство на градоначалникот на Виница Емил Дончев фестивалот го отвори претседавачот на Советот Благица Андонова. Пред присутните зборуваше и организаторот на фестивалот , уметничкиот раководител на ФА„Китка“ Стојко Митковски.

-Секоја година на фестивалот има многу публика. Тоа ме радува, затоа што кога завршува еден фестивал публиката веднаш прашува кога ќе се организира следниот. Тоа е една традиција која нема да згасне, рече Стојко Митковски, организатор на фестивалот.

Иако беа најавени за учество групите од Нигерија, Ерменија, Литванија и Молдавија не присуствуваа на фестивалот, а како што истакна Митковски причината била проблем со визите.

Повеќе...

Осветување на манастирот “Св. Климент Охридски“ - Осоговски Планини

25°C

Кочани

Ведро
Влажност на воздухот: 44%
Ветер: Variable при 4 kmh
Понеделник7°C/31°C
Вторник4°C/20°C
Среда3°C/18°C
Четврток4°C/22°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 123 гости и нема членови


web counter



qr code