Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

dzudo trening28.12.2017  Со многу освоени медали на државни и меѓународни турнири џудо клубот „Гладијатор“ од Кочани ја заокружува 2017 година.

Во салата на ОУ „Малина Попиванова“ каде што и се одржуваат тренинзите, кочанските џудисти полагаа за појас и со тоа го покажаа она што го знаат и научиле во текот на годината.

- Џудо клубот „Гладијатор“ кој што постои веќе две години учествуваше на сите државни и меѓународни натпревари согласно календарот на Џудо федерацијата на Македонија и меѓународниот календар, а зедовме учество и на Балканското првенство за сениори што се одржа во Скопје.

Повеќе...

goran jakimovski komandir27.12.2017  Горан Јакимовски, полициски службеник со 25-годишно искуство во службата е избран за нов командир на Полициската станица во Кочани.

Едногласна одлука за тоа донесе Советот на Општината, прифаќајќи го претходно усвоениот предлог од Комисијата за мандатни прашања.

Изборот на нов командир на кочанската Полициска станица беше прва точка на дневниот ред на 5 седница, на која без многу дискусии од тројцата кандидати што ги предложи Министерството за внатрешни работи, Советот го избра Јакимовски.

Повеќе...

sednica sovet ponikva27.12.2017  Сумата пари што ќе ја има на располагање Локалната самоуправа на Кочани во 2018 година нема големи отстапувања од она што го имаше во годината што изминува. Предлог-буџетот на Општина Кочани доби зелено светло од мнозинството членови на Советот на седницата што се одржа во туристичко-информативниот центар на Пониква.

Кај приходите има мало зголемување од околу 2 милиони денари, но многу поважно е што е направена поинаква структура во распределбата на парите, со намера да се постигне што поголем ефект, односно колку што е можно повеќе да се обезбеди развој на општината во наредните 12 месеци.

Над 513 милиони денари се очелкуваат да влезат на приходната страна на буџетската сметка по разни основи, а од стручните служби во Општината беше нагласено дека се очекува пораст во скоро сите сегменти.

Повеќе...

ijev prednovogodisno obrakajnje27.12.2017  Двата месеци од преземањето на функцијата не се доволни за да се покажат големи промени во работењето на Локалната самоуправа на Кочани, особено што веднаш по промената на власта новото раководство се соочи со крупни финансиски проблеми, со натрупани огромни долгови во образованието што бараат брзо решавање.

Поради тоа неопходен беше ребалaнсот на Буџетот за годината што изминува за да да може колку-толку неповолната состојба да се надмине, а долговите да отпочнат да се враќаат.

Ова, меѓу другото, го рече градоначалникот Николчо Илијев на предновогодишното обраќање пред Советот и граѓаните на општина Кочани по завршувањетпо на последната седница за 2017 година.

Повеќе...

unipab torpedo futsal27.12.2017  Екипата на “Унипаб“ е победник на градското дерби со “Торпедо“ што се одигра во рамки на првото коло од Купот на Македонија во футсал.

Поискусната екипа која настапува во Втората лига не дозволи изненадувања и го совлада противникот со 5:3, иако во текот на целиот натпревар имаше неизвесност околу конечниот резултат.

Шансите за гол се редеа уште од самиот почеток, а првата посериозна прилика ја искористија фудбалерите на “Унипаб“ кои уште во 2 минута дојдоа во водство. Сепак, на изедначување не се чекаше многу, со оглед што 4 минути подоцна резултатот беше 1:1.

Повеќе...

posebni potrebi vinica27.12.2017  Успешно заокружен шестмесечниот проект за интеграција на лицата со попреченост, на компанијата “Макпрогрес“ како главен спонзор во соработка со дневните центри од Виница, Штип, Куманово и Струмица и општинските организации на Црвен крст.

Целта е подобрување на квалитетот на живот на лицата со посебни потреби.

- Во изминатиот период имавме низа активности кои што оставија траен белег, а тоа се летен одмор, спортски активности, креативни активности, активности од културен карактер кои што беа проследени со дружење, развој на многу емоции, нови пријателства и слично.

Повеќе...

laptop26.12.2017  Трошењето на парите на граѓаните од касата на Општина Кочани било недомаќинско и недоговорно, а една од постапките за купување компјутерска опрема е дискутабилна и сомнителна.

Иако набавката е спроведена со јавен тендер и избрана е фирма која веќе ги испорачала бараните уреди, чудно е што тоа се случило непосредно пред одржувањето на локалните избори. Уште повеќе што ие чинат над 1,5 милион денари, што е далеку повисока цена од пазарната.

Поради ова, и од етички, но и од економски аспект, се поставува прашањето колку сето тоа било оправдано и неопходно.

Повеќе...

kruzen tek126.12.2017  Наскоро кружниот тек кај Полициската станица во Кочани ќе биде вратен во комплетна функција, односно возилата ќе можат да се движат двонасочно по улицата “Кеј на Револуцијата“.

Иако за ова се уште нема официјална потврда од Локалната самоуправа, сепак веќе била донесена одлука на овој начин да се растовари сегашниот сообраќаен метеж во централното градско подрачје.

Таквото решение за сега е привремено, за да може да се обезбеди побрз проток на возилата и да се намали чекањето на крстосниците. Локлната власт останува на определбата да се изработи елаборат со кој ќе се бара подолгорочно уредување на режимот на сообраќајот, како и користењето на јавните паркинг места.

Повеќе...

logo dzudo federacija26.12.2017  Изборно собрание на ниво на Џудо федерација на Македонија се одржа во неделата во Скопје.

Џудо клубот „Гладијатор“ од Кочани имаше свои делегати - Гоце Ристески и Борче Павлов, како генерален секретар на џудо клубот „Гладијатор“.

- За претседател на Џудо федерацијата со 25 гласа е избран Филип Иванов, стопанственик од Скопје. Ние како клуб партиципиравме со наш делегат и Гоце Ристески кој што е член на кочанскиот клуб беше избран за потпретседател на Џудо федерацијата на Македонија.

Повеќе...

ratko sovet125.12.2017  Истражната постапка што полициските инспектори ја водеа во Локалната самоуправа на Кочани за начинот на субвенционирање на градскиот превоз на патници заврши со кривична пријава за поранешниот градоначалник Ратко Димитровски.

Тој е осомничен за злоупотреба на службената положба и овластување, односно дека склучил штетен договор за субвенционирање на градскиот превоз.

Според известувањето од МВР, Димитровски од декември 2013 до април 2014 година, без претходно донесена одлука од Советот на Општина Кочани за субвенционирање на градскиот превоз, склучил договор за вршење на услугата за пробен период со “Авто атом“ ДОО Кочани.

Повеќе...

Осветување на манастирот “Св. Климент Охридски“ - Осоговски Планини

4°C

Кочани

Заоблачено
Влажност на воздухот: 87%
Ветер: West при 15 kmh
/
/
/
/
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 167 гости и нема членови


web counter



qr code