Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

trsino23.09.2013 Жителите на село Трсино добија градинка за згрижување и воспитување на децата која беше отворена во саботата од страна на Министерот за труд и социјална политика Диме Спасов и градоначалникот на Виница Емил Дончев.

Отворањето на градинката во Трсино е дел од проектот на Владата за отворање детски градинки во руралните средини.

Новата градинка е со капацитет да прими 30 деца и на површина од 150 метри квадратни има две занимални, тоалетен јазол и ходник, како и неопходната опрема и количина на играчки, донација од ресорното министерството и дел од фирмите и институциите. Досега се запишани само 10 деца, а со нив работи негувателка од Трсино и воспитувачка од Виница.

Повеќе...

Futsal25.09.2013 По пионерскиот и женскиот фудбалски клуб и новиот футсал клуб официјално ќе го носи името „Кочани“, откако советниците го прифатија предлогот.

Ќе се натпреварува во Втората македонска футсал лига која почнува за неколку дена. Како подготовка за лига натпреварите претходно беа одиграни неколку контролни средби.

Футсал во Кочани досега се играло само наменски и тоа аматерски, на турнири за Петровден или други празници, што ги организирала Општината.

Креаторите на клубот се надеваат дека ќе бидат организатори и на натпревари во футсал од повисок ранг.

Повеќе...

bela nok223.09.2013 Ретка можност на дружење со познати музички имиња, но , жално што често настапуваат без публика. Освен што едвај беа пополнети столчињата на кафулињата и пицериите на Белата ноќ организирана по повод Кочанските денови на оризот публика скоро и да немаше.

Ноќта беше ладна, но гостите Дани Димитровска и Драган Мијалковски очекуваа повеќе публика и заедничко загревање со музика и песни, бидејќи како што велат оваа ноќ за кочанци треба да претставува празник на градот, бидејќи се одбележуваат деновите на кочанскиот ориз, па од најмладо до најстаро би требало да излезат на заедничко прославување.

Се чини кочанци не размислуваат на ист начин како музичките ѕвезди, па ги немаше во голем број.

Повеќе...

ivanova424.09.2013 Првата дама на Република Македонија Маја Иванова која е носител на проектот „Здрава храна за детство без мана“ на средба со учениците од кочанските основни училишта.

Настанот беше организиран со посета на фабриката за преработка на ориз „Жито Ориз КО“. На децата им беше презентирано колкаво е значењето на оваа житарица и како се произведува до финален производ.

-После Скопје , Битола Прилеп и Пробиштип денеска сме во градот на оризот и на тој начин се вклучивме и во рамките на одбележувањето на манифестацијата „Денови на кочанскиот ориз“. Мене ми е навистина драго што оваа идеја прераснува во значајна преку организирање на вакви настани и што ја подржаа оние кои навистина треба да ја подржат, а тоа се институциите, градинките и училиштата.

Повеќе...

orkestar23.09.2013 Дувачкиот оркестар на град Скопје во петокот на летната сцена на ЦК „Бели Мугри“ одржа концерт што е дел од одбележување на манифестацијата „Денови на кочанскиот ориз“.

Во градскиот дувачки оркестар од Скопје кој постои веќе 8 години застапени се скоро сите дувачки инструменти и плус синтисајзер, бас гитара и класични тапани. Оркестарот брои 27 членови сите професионални музичари.

Во Кочани не настапија во толкав број бидејќи дел од музичарите се вработени во операта и истата вечер имаа настап. Но, нивното отсуство не се забележа бидејќи, го направија максималниот квалитет и напор во настапот.

Повеќе...

dabo424.09.2013  Уште извесен период ќе се почека за да се извршат санации на оштетувањата на дабот кај селото Бели. Стручните лица кои можат тоа да го направат се зафатени, па дрвото ќе продолжи само да се бори за да опстане.

По случката од 4 јуни минатата година, кога гром удри во една од гранките и предизвика пожар, стеблото остана тешко оштетено, како закана да се исуши целото дрво. Иако членовите на црковниот одбор од манастирот “Свети Илија“ и месното население повеќепати реагираа дека е неопходно да се преземе нешто за да се заштити, конкретни мерки на терен немаше.

Од Општината велат дека презеле одредени активности и побарале помош од стручните институции.

Повеќе...

etno-kuka23.09.2013 Антологиски избор на поетски, прозни и други народни умотворби, предговори, белешки, речници и друга научна литература. Во етно куќата во Кочани беше промовирана едицијата „Македонски народни умотворби“ во десет тома, на проф. д-р Марко Китевски од Институтот за македонска литература од Скопје.

За едицијата зборуваше проф. д-р Илија Велев, а дел од народните умотворби цитираше професорот Доне Донев.

-Едицијата „Македонски народни умотворби“ во десет тома е плод на моето четиридецениско истражување на македонскиот фолклор и тука е собрано целокупното мое знаење и искуство во собирањето, проучувањето и афирмацијата на македонскиот фолклор, истакна проф. д-р Марко Китевски, автор.

Повеќе...

Sudenje24.09.2013  Без поголеми пресврти во изведувањето на доказната постапка продолжи главниот судски претрес против поранешните први луѓе на кочанската Полициска станица.

Иако беа поканети повеќемина сведоци на десеттото продолжение од претресот во судницата на Основниот суд во Кочани се појавија само четворица, односно по двајца полициски службеници и граѓански лица.

Тие сведочеа во врска со обвинението против поранешниот командир Ванчо Тодоровски и неговиот заменик Санде Стојменов дека двајцата ја злоупотребувале службената должност и се мешале во работењето на своите подредени.

Повеќе...

moleben23.09.2013 Молебен за здравје на децата од Грдовци кои настрадаа во тракторската несреќа годинава на први мај се одржа во саботата во црковниот храм „Св. Тројца“ во село Грдовци. Освен децата присуствуваа и нивните родители и роднините и пријателите кои за здравје месеа погачи, се молеа и палеа свеќи. По повод христијанскиот празник Рождество на Пресвета Богородица или Мала Богородица се одржа света литургија.

-Одржавме света божествена литургија посветена на Рождество на Пресвета Богородица кај народот познат како Мала Богородица. По литургијата одржавме молебен во чест на децата кои настрадаа во тракторската несреќа на први мај. Среќни сме што сите деца се живи и здрави и им читавме молитва за здравје на нив и нивните семејства како и за сите селани, истакна Илчо Миленковски, свештеник.

Повеќе...

gradinka24.09.2013 Само 7 од 600 родители биле заинтересирани за воведување втора смена во детската градинка „Павлина Велјанова“ во Кочани, покажала спроведената анкета. Од градинката велат дека заради малиот број на заинтересирани родители како и заради непостоење економска оправданост воведување на втора смена засега ќе нема. За тоа зборуваше и министерот Спасов на средбата со граѓаните при отворањето на детската градинка во село Трсино.

-Имаме неколку проекти кои што се во фаза на разработка со цел давање на дополнителни услуги и подобрување на услугите кои ги даваат градинките. Сеуште сме во фаза на анализи во однос на заинтересираноста на родителите за двосменско работење на градинките. Затоа дополнително ќе излеземе со конкретни предлог решенија кои ќе бидат доставени до градинките и до родителите, истакна Диме Спасов, министер за труд и социјална политика.

Повеќе...

Осветување на манастирот “Св. Климент Охридски“ - Осоговски Планини

-7°C

Кочани

Ведро
Влажност на воздухот: 86%
Ветер: NE при 2 kmh
Петок3°C/7°C
Сабота4°C/10°C
Недела-1°C/6°C
Понеделник2°C/7°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 79 гости и нема членови


web counter



qr code