X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

Fotovoltaicni-Paneli-112.09.2013  Тешко и долготрајно се реализираат инвестициите во алтернативни извори на електрична енергија кај нас, посебно во изградбата на системи со фотоволтаични панели.

Иако начелно државата ги поддржува таквите инцијативи, сепак инвеститорите се среќаваат со низа административни пречки за обезбедување на потребните документи и дозволи за реализација на секој поединечен проект.

Оние кои веќе ги поминале пречките велат дека е потребно да се посетат дваесетина најразлични инситутции и на државно и на локално ниво, од нив да се обезбеди документација, пред воопшто да започне поставувањето на сончевите панели на терен.

Повеќе...

flashmob112.09.2013  Дваесетина волонтери од неколку европски земји во Трговскиот центар во Кочани пренесоа пораки за мир и разбирање меѓу народите од светот.

Со танц и музика порачаа дека војните се непотребни и им пречат на младите да се дружат, соработуваат и  да се забавуваат. Волонтерите се дел од меѓународната младинска размена што во Кочани ја реализира Здружението на студенти “Павел Шатев“.

По низата хуманитарни активности што ги реализираа во изминатиот период, младите со таканаречен флеш моб, со музика од повеќе стилови, ги изразија своите мирољубиви заложби.

Повеќе...

pceli-212.09.2013 Во силна конкуренција од доставени 68 примероци на мед од Хрватска и 22 примероци од Македонија, Босна, Словенија и Србија, тројца пчелари од Виница освоија златни медали за квалитет на мед на петтото меѓународно, а седмо регионално оценување на квалитетот на медот во Осиек . На натпреварот на кој се оценувало присуството на влага во медот според европски стандарди, виничките пчелари испратиле 5 , а штипските еден примерок и сите биле оценети со највисок златен медал.

-Во петокот бевме во Осиек лично да си ги подигнеме медалите и дипломите. Потпишавме и меморандум за соработка. Високиот квалитет на виничкиот мед и високата оценка за квалитет се должи на тоа што Виница е средина во која што нема хемикалии и загаденост и тешка индустрија. Немаме ниту големи овоштарници кои што мора да се прскаат со отрови, истакна Илија Костадиновски, претседател на ПЗ „Матица“ од Виница.

Повеќе...

tenis-112.09.2013 Три први места во конкуренција на тенисерки до 11 години освои Лила Давчева на тениски турнири во земјава што се одржаа летово.

Големите успех го оствари во Скопје, а го повтори во Прилеп. На меѓународен турнир во Албена, Бугарија, пак, беше третопласирана.

-Првиот турнир се одржа на терените на тенискиот клуб „Југ“. По еден месец беше турнирот во Прилеп каде исто така го освоив првото место, а потоа и на турнирот во тенискиот клуб „Ас“. На турнирот во Албена учествуваа тенисерки од Бугарија, Русија, Велика Британија, Кипар и го освоив третото место - рече Лила Давчева, тенисерка.

Сопатник во постигнувањето на успесите Лила е нејзиното семејство.

Повеќе...

sovet-sednica11.09.2013  Граѓаните кои живеат во втора и трета зона во Кочани се чувствуваат дискриминирани во однос на оние чии домови се во централното градско подрачје. Причината за тоа е што во периферните делови од градот им е овозможено тие во своите дворови да чуваат домашни животни, со што се загадува околината и се шири непријатна миризба.

Според Правилникот за комунален ред тоа им е дозволено, па законските одредби до овде се испочитувани.

Сепак, членови на Советот на Општината сметаат дека дел од одредбите во споменатиот правилник се застарени и треба да се изменат. Тоа посебно се однесува на чувањето живина и друг вид домашни животни во градското подрачје.

Повеќе...

odroni11.09.2013 Екипи на „Македонија пат“- секција Кочани во текот на денот ги чистеа одроните од карпи на патот А3 кај Истибања и браната Калиманци, на потегот од 260-268 км. Најкритично беше од м.в. Рибарник до Обозна. Интервенции имаше и на регионалниот пат Р1 304, Превалец – Виница - Берово. Таму имаше поголеми одрони помеѓу 14-16 км.

Одрони од земја, пак, имаше на регионалниот Р1 309, односно патот од Кочани до „Пониква“ и тоа повторно на проблематичната локација од т.н. лешка кривина до т.н. шумска куќичка.

Од кочанската секција на „Македонија пат“ информираат дека по нивната интервенција сообраќајот по сите регионални патни правци, како и магистралата М5 се одвива непречено по двете коловозни ленти.

Повеќе...

denovi kocanski oriz211.09.2013  Од средината на идната недела, па до крајот на месецот, по 22-ри пат Локалната самоуправа ќе ја организира културната манифестација “Денови на кочанскиот ориз“.

Според официјално објавената програма, во текот на десетината денови предвидени се голем број содржини што треба да понудат богата културна есен за граѓаните од општината.

Во одделението за јавни дејности велат дека се потрудиле годинава манифестацијата да ја направат што поразновидна, па освен фолклор, посетителите ќе имаат можност да присуствуваат на концерт на класична музика, изложби на слики, промоции на книги, како и дружење со поети од општината и гости од други градови.

Повеќе...

Ulici-Industriska-Zona-711.09.2013  Општината инвестираше во подготовките за изградба на улицата “560“ што се спојува со една од главните сообраќајници во зоната Лесна индустрија.

Теренот  веќе е расчистен, отстранети се дел од старите бетонски цевки за атмосферска канализација и поставена комплетно нова инсталација.

Улицата е со должина од околу 150 метри и широчина од 8 метри. Предвидено е во иднина таа да овозможи поврзување на постојниот индустриски комплекс со парцелите над постојниот магистрален канал што се определени за поставување фотоволтаични панели и други деловни објекти.

Повеќе...

Socijalno-Selo11.09.2013 Вработени во Центарот за социјални работи тргнуваат во посета на руралните населени места каде досега не биле или пак ги посетувале само во изолирани случаи.

Бидејќи информациите за тамошните жители се тешко достапни, особено за оние кои се лишени од средства за информирање, како интернет и телевизија, Центарот се одлучил на непосредна комуникација заради запознавање со нивните права и можности.

Проектот се реализира во соработка со Општината, која исто така развива систем на мерки од областа на социјалната заштита, за кои сака да ги информира жителите на планинските села.

Повеќе...

Penzionerski-Dom211.09.2013 Најголема активност откако постои кочанското здружение е изградбата на регионален пензионерски дом што ќе ги опслужува не само кочанското туку и здруженијата од Каменица, Делчево, Берово, Пехчево и Виница. Секое ќе си има свои простории во зависност од големината на здружението.

Според идејниот проект се предвидува да има околу 170 кревети распоредени во едно и двокреветни соби. Пензионерите ќе ги имаат сите обезбедени услови. Хигиено – здравствени услуги, исхрана, културно – забавен живот, рекреации и екскурзии и се друго што им е потребно на луѓето од третата доба од животот. Домот ќе биде изграден по најсовремени стандарди и квалитет.

Повеќе...

Осветување на манастирот “Св. Климент Охридски“ - Осоговски Планини

-1°C

Кочани

Заоблачено
Влажност на воздухот: 80%
Ветер: NE при 15 kmh
Среда-8°C/2°C
Четврток-4°C/4°C
Петок-3°C/4°C
Сабота-1°C/6°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 120 гости и нема членови


web counter



qr code
X

Right Click

No right click