Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

bolnica206.08.2013  Лабораторијата во Општата болница во Кочани се комплетира. Од денеска и официјално има ново вработување на специјалист по медицинска биохемија кој досега недостасуваше.

Исто така, Општата болница вработи и фармацевт кој ќе работи со болничката аптека што досега ја покриваше фармацевт од Здравствениот дом, информираше директорот на болницата Дејан Апостоловски.

Ќе има засилување и за уште еден специјалист-педијатар на детско одделение кој од специјализација ќе се врати во ноември. До Нова година ќе биде комплетирана и рендгенолошката служба.

Повеќе...

deska206.08.2013  Почина 70-годишната тешко подвижна и болна Дешка Трендафилова од Оризари која секојдневно беше малтретирана од снаа си и оставена да живее во шупа.

Бидејќи беше оставена гладна, жедна и без потребните лекови, нејзината ќерка Живка Филипова од Кочани реагираше до Центарот за социјални работи и до Канал 8 телевизија за решавање на состојбата на мајка и. Поднесе барање за итно префрлување во старечки дом.

Центарот ги презеде сите неопходни мерки за сместување на Трендафилова во дом, а во тоа и успеа кога беше префрлена во домот за стари лица во Прилеп. Но, по само една недела помината во домот старицата почина.

Повеќе...

oblesevo406.08.2013  И покрај сезоната на годишните одмори во локалната самоуправа на Чешиново-Облешево нема застој во реализацијата на планираните инфраструктурни проекти.

Пари за нив веќе се обезбедени преку Агенцијата за финансиска поддршка на земјоделството и руралниот развој, од буџетот на Oпштината, како и од Бирото за регионален развој. Едногласна согласност за реализирање дал и општинскиот Совет, со што е запазена законско-правната процедурта.

Според градоначалникот Костадин Личков, приоритетно место меѓу проектите има изградбата на мост на Злетовска Река, што е во најодмината фаза на подготовка.

Повеќе...

Sasko-Josifivski406.08.2013  Маратонската патека на Плачковица долга 66 километри, со висинска разлика од 2500 метри за кочанскиот велосипедист Сашко Јосифовски викендот беше вистински предизвик. Во конкуренција од 25 возачи од Македонија и Србија тој имаше нималку лесна задача да оствари успех што му го донесе златниот медал.

Организатор на третиот планински маратон на Плачковица беа Велосипедската федерација на Македонија, Општина Радовиш и велосипедскиот клуб “Свиок“ од овој град.

Според, победникот, и покрај добрата подготвеност малку требало да се случи да ја изгуби трката, одбносно да се откаже од неа.

Повеќе...

kanal205.08.2013  Жители  на Видовиште и Мородвис како и лани и годинава се жалат дека нивите им изгореле за вода затоа што левиот магистрален канал повторно не е во функција.

Иако поминува во непосредна блзина на нивните земјоделски површини, тие не можат да го користат благодетот од него. Причината е што водостопанското претпријатие не ја пушта водата оти сите не си ги платиле сметките за воден надомест.

Каналот е долг 72 километри и е проектиран да наводнува 2000 хектари во целиот регион, порано нормално функционирал, а сега во него нема ни капка вода.

Повеќе...

apel05.08.2013  ШС „Осогово“ од Кочани со апел до граѓаните да внимаваат при посета на отворени места, паркови или други пошумени локации, да не користат запаливи материи што можат да предизвикаат пожар од пошироки размери.

- Граѓаните да се воздржуваат од непотребни палења на оган на отворен простор, бидејќи високите температури и малото невнимание можат да предизвикаат поголеми шумски пожари. Засега опасноста е од среден ризик, но високите температури за кратко време можат да предизвикаат поголема опасност. Затоа би апелирал до граѓаните, излетниците и љубителите на природата, движењата во шума да бидат со посебно внимание, да не се фрла отпушоци, да се внимава кога се пали оган, за да не се доведеме во непријатна ситуација, истакна Орце Димитров, раководител на ШС „Осогово“.

Повеќе...

ulica2205.08.2013  До крајот на есента треба да заврши изградбата на кракот 2 на улицата “Стамен Манов“ во Ромското маало. Според проектната документација планирано е целосно да се завршат 300 метри, како продолжение на претходно започнатите работи за изградба на потпорни ѕидови и асфалтирање на коловозот.

Локалната самоуправа веќе објави јавен тендер за избор на најповолен изведувач на градежните работи, чие име ќе биде познато до крајот на оваа недела.

Поради конфигурацијата на теренот со проектот е предвидена изградба на потпорни ѕидови во должина од 90 и просечна височина од околу 2,5 метри. Освен тоа на околу 120 метри под коловозот ќе се постави и т.н. дренажна ПВЦ цевка за исцедување на атмосферската вода.

Повеќе...

ilinden05.08.2013 110 години од Илинденското востание и 69 години од првото заседание на АСНОМ одбележани и чествувани и во Кочани.

Делегација од Општината предводена од Претседателот на Советот Иванов, положи цвеќе на „Споменикот на слободата“ на Локубија.

-Денес е ден кога со длабока почит се поклонуваме на нашите предци кои ни оставија аманет да го чуваме она за што тие се бореле. Сакам од мое име и од името на Советот на Општина Кочани на сите граѓани да им го честитам големиот празник Илинден, да им посакам здравје, среќа и успех, рече Иван Иванов, претседател на Советот на Општина Кочани.

Повеќе...

shumsko-voce05.08.2013 Подружницата на Македонски шуми „Осогово“ од Кочани од први август започна со издавање дозволи за собирање шумски плодови. Сите физички и правни лица , откупувачи, мора да бидат регистрирани и да имаат дозвола за собирање шумски плодови. Пријавувањето и регистрацијата се врши во подружниците каде истовремено се добиваат детални информации за целокупниот систем на одржливо користење, контрола и законски обврски во оваа област.

-Со новите законски измени, согласно Законот за шуми сите што сакаат да собираат малини, капини, боровинки, печурки и други шумски производи и лековити билки и ги предаваат на регистрираните откупни пунктови , имаат обврска да дојдат во подружницата, да извадат дозвола и тогаш без проблем ќе можат да ги собираат споменатите плодови. Дозволата чини 400 денари и мислам дека е прифатлива, истакна   Орце Димитров, раководител на ШС „Осогово“.

Повеќе...

beli205.08.2013  “Бели — едно од најстарите села во кочанскиот крај“ е насловот на монографскиот труд што по повод Илинден беше промовиран кај дабот во близина на манастирот “Свети Илија“.

На стотина колор страници, низ 13 поглавја, и поголем број фотографии и цртежи, книгата нуди фактографски опис на историскиот развој на селото. Таа е прв ваков пишуван документ за населбата што е специфична по многу свои карактеристики.

Идејата за создавање на монографијата постоела повеќе години, а нејзин главен иницијатор и  финансиски спонзор е Славе Јорданов, сопственик на компанијата “ТИНГ“ од Кочани.

Повеќе...

Осветување на манастирот “Св. Климент Охридски“ - Осоговски Планини

24°C

Кочани

Умерено облачно
Влажност на воздухот: 65%
Ветер: West при 2 kmh
Петок14°C/28°C
Сабота11°C/21°C
Недела13°C/24°C
Понеделник13°C/21°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 67 гости и нема членови


web counter



qr code