X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

Penzionerski-Igri06.09.2013 На регионалните игри успеаја да земат први места во повеќе атлетски дисциплини , трчање мажи и жени, скок во далечина, во тробој и двобој. Подготвено се за учество на државните спортски игри што ќе се одржат во Штип на 7 септември. Пензионерите од Кочани ќе учествуваат во 7 дисциплини од кои во дисциплината стрелаштво имаат и машка и женска екипа.

Со подготовките започнаа навреме и очекуваат успех.

-Ние утре тргнуваме од Кочани во 08.00 часот. Отворањето на државните спортски игри ќе биде во 09.30 часот. Поздравни говори ќе имаат претставници од Владата на РМ , претседателот на Сојузот на Здруженијата на пензионери на Македонија и градоначалникот на Штип.

Повеќе...

zfk604.09.2013 Со ревија голови ЖФК „Кочани“ ја стартуваше новата сезона. Немаше достоен противник од спротивната страна, затоа што дебитантот во лигата „Победа -Куманово“ играше анемично и само неколкупати успеа да ја премине половината од теренот.

Со брзи контри, полуконтри и лесни шанси за гол до кои доаѓаше, домаќинот реализираше дури 16 пати, а пропушти и пет-шест стопроцентни прилики.

Во нереализираните шанси предничеа Сашка Кокаловска во првото полувреме, нејзината замена Миленкова, а почетнички на двапати згреши и Верица Георгиева, која исто така влезе во игра во второто полувреме, но сепак грешките ги компензираше со два погодока.

Повеќе...

Osogovo---Babi-1-206.09.2013 „Осогово“ е исправен пред сериозен предизвик во четвртото коло од третата регионална лига. На „Никола Мантов“ гостува главниот претендент за првото место, струмичка „Беласица“, против која жолто-сините ќе бараат рехабилитација за минатонеделниот неочекуван пораз на домашен терен од „Баби“.

Тренерот Тоде Митев информира дека екипата тренира вообичаено, без особен притисок. Признава дека играчите се паднати на психолошки план, но работеле доволно, што го прави оптимист пред натпреварот в недела.

Против фаворитот, повторно ќе изведе млад состав.Во 11- мината со кои ќе го започне натпреварот, шест играчи се помлади од 21 година.

Повеќе...

ruen-nov-stecaen103.09.2013  Стечајниот управник Драги Димовски од Струмица ги изгуби задолженијата за довршување на стечајната ппстапка во “Руен ИТ“. По предлог на членовите на Одборот на доверители, Основниот суд од Кочани донел решение со кое тој е сменет од должноста и на негово место е поставен друг управник.

Смената на Димовски доаѓа по осум месеци од започнувањето на стечајот во кочанската фабрика за автомобилски делови. Во овој период имаше тој имаше два неуспешни огласи за нејзина продажба,иако најавуваше дека имало заинтересирани купувачи.

На Собранието на доверители што се одржа во почетокот на јули, беше донесена одлука за трета продажба, но досегашниот стечаен управник не дочека да види како таа ќе се реализира.

Повеќе...

zfk206.09.2013 Во рамки на второто коло „Иднина С“ в сабота на теренот во Оризари го пречекува „Единство“, минатогодишниот освојувач на Купот. Натпреварот е закажан за в 12.00 часот. Фуриозниот старт и победата од 9:1 и дава за право на оризарки да се надеваат на уште еден позитивен резултат.

Ждрепката извршена во ФФМ минатиот месец сакаше двата најголеми ривала во годинешното сезона да се сретнат уште во второто коло. И „Тиверија Истатов“, како и „Кочани“ доби исклучителни засилувања, заради што овој дуел со право се смета за дерби на првенството. По лесно извојуваните победи во првото коло, неделниот натпревар ќе биде вистинскиот тест за квалитетите на двете екипи.

Тренерот Оливер Јовановски очекува позитивен резултат и овој натпревар.

Повеќе...

sekira203.09.2013  Неславен крај доживеала кавгата меѓу двајца постари грдовјани кои се обиделе да најдат решение за меѓата што ги разделува нивните две ниви.

Наместо низ разговор и со аргументи, тие употребиле прирачен алат и со физичка сила си докажувале кој е во право.

67-годишниот Б.Ј. од Грдовци во понеделникот попладнето отишол да ја обработува нивата во месноста Бел камен, и во близина го сретнал својот соселанец, 49-годишниот В.Ј. кој имал нива на истото место. По кратко време почнале да си дофрлуваат за меѓата што ги раздвојува парцелите и набргу расправијата прераснала во тепачка.

Повеќе...

kolektor-405.09.2013  Најдено е решение против силната смрдеа што се чувствуваше на влезот од Кочани кај надвозникот во близина на Лесна индустрија. Со изградба на комплетно нов колекторски систем ќе се собираат отпадните води и непријатната миризба ќе биде отстранета.

Се работи за долгогодишен проблем за кој граѓаните често алармираа, затоа што целата фекална канализација од зоната Лесна индустрија се излеваше во отворен канал и се собираше непосредно до коловозот од пристапниот пат. Оттаму се ширеше миризба на расипани јајца, како добредојде за сите што доаѓаа во градот.

Заради тоа во Локалната самоуправа се одлучиле да преземат конкретни мерки.

Повеќе...

gradinka03.09.2013  Голем е интересот на родителите да ги носат децата во градинка, но не сите ја добиле можноста нивните најмали да бидат примени во некоја од групите. Пребукираноста и ограничените можности ја наметнуваат потребата од реорганизација и прераспоредување на воспитувачките, затоа што состојбата е алармантна.

Доволна потврда за тоа е што има групи и од по 40 деца за кои се задолжени само две воспитувачки. Поради тоа тие се соочуваат со потешкотии да им посветат подеднакво и доволно внимание на сите деца, заради што кај нив се јавува нервоза и незадоволство. Од разбирливи причини тие не сакаат да зборуваат пред камера, но бараат од надлежните да се изнајде начин за решавање на состојбата.

За овој проблем јавно се проговори и на седницата на Советот, од каде стигнаа истите заложби.

Повеќе...

stamen-manov-205.09.2013  И асфалтот на улицата “Славчо Стојменов“ не додржа долго време по поставувањето.

На одделни делови коловозот се издигна и се оштети, па не наликува дека е реконструиран.

Иако жителите што живеат на оваа улица повеќе години чекаа таа да се реновира,три месеци по завршувањето на работите реагираат што повторно се појавуваат старите проблеми.

Реакција имаше и на седнциата на Советот, при што од локалната власт беше побарано да преземе мерки за решавање на состојбата.

Повеќе...

Prvacinja-403.09.2013 Бројката од 59 првачиња повеќе од лани, според градоначалникот Димитровски се должи на мерката за родителски додаток за трето дете, што пред шест години ја воведе Владата преку министерството за труд и социјала.

Радува фактот што и оваа бројка на новозапишани првооделенци не е конечна.

-Очекуваме дека оваа бројка ќе се зголеми за уште 2-3 првачиња, затоа што очекуваме и нови повратници. Според нашите анализи зголемениот број првачиња се должи на мерката на Владата. Нашите сограѓани ја користеа оваа привилегија-рече Ратко Димитровски, градоначалник на Општина Кочани.

Повеќе...

Осветување на манастирот “Св. Климент Охридски“ - Осоговски Планини

0°C

Кочани

Умерено облачно
Влажност на воздухот: 75%
Ветер: NW при 4 kmh
Четврток-4°C/4°C
Петок-2°C/4°C
Сабота-1°C/6°C
Недела0°C/8°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 88 гости и нема членови


web counter



qr code
X

Right Click

No right click