Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

gasterbajteri214.08.2013 Бројните гости кои месецов и претходниот си дојдоа дома ги преплавија дуќаните со поскапа стока - златарите, продавниците со брендирана спортска опрема, а најмногу угостителските објекти. Освен што е годишен одмор и се троши повеќе, им одговараат и цените, а со тоа и можноста да се покаже колку се има. За една вечера во ресторан за четиричлено семејство која во Швајцарија или Италија чини над 50, овде се плаќаат 20 евра. Во просек за 20-30%, поевтини се продуктите во супермаркетите, а приближно иста е цената на гардеробата кога е на сезонски попуст.

-Најмногу трошиме на јадење и пиење. Деликатесната храна е многу поевтина, пониски цени имаат овошјето и зеленчукот, а гардеробата што може тука да се купи е квалитетна и чини помалку- вели граѓанин на привремена работа во Германија.

Повеќе...

pomor-ribi214.08.2013  Водата во Брегалница е на биолошкиот минимум и малку недостасува целосно да престане да тече. Посебно критична е состојбата на територијата на општина Чешиново-Облешево, во близина на гумената брана кај село Чифлик.

Сето ова негативно влијае врз зачувувањето на рибниот фонд во реката, заради што спортските риболовци предупредуваат дека освен за земјоделството, мора да се води грижа и за живиот свет во водата.

- Ги замолувам надлежните да водат повеќе грижа, за да го зачуваат тој минимален проток на вода колку што  е потребен за да можат рибите да преживеат. Ситуацијата не е сјајна. Има денови кога не тече вода преку гумената брана.

Повеќе...

Sala-Orizari714.08.2013  Спортската сала во Оризари се уште е реалност само во планските документи на инвеститорот - Министерството за образование и наука. По најавата за нејзина изградба што беше дадена во март, за време на локалните избори, од објектот на терен нема ништо.

На местото каде што беше поставен камен-темелникот извадена е металната арматура, дупката е затрупана со земја и обрасната во трева и грмушки, па не може точно да и се одреди локацијата.

Планирано е салата да се гради во дворот на основното училиште “Крсте Петков Мисирков“, како дел од проектот “Изградба и опремување на 145 училишни спортски сали“. Иако се најавуваше дека градењето ќе тече брзо и ќе се создадат соодветни услови за реализирање на наставата по спорт и спортски активности за сите 280 ученици, но и за потребите на месното население, стартот на изградбата се пролонгира веќе половина година.

Повеќе...

doktor14.08.2013 Д-р Билјана Кладорабска, интернист во кочанската болница – на листата на најдобро рангирани за месец мај. Вака одлучи Министерството за здравство кое ја објави Листата на најдобро рангирани 100 доктори за мај. Објавените лекари ги исполнуваат соодветните критериуми за наградување според системот за плаќање по успешност. Д-р Билјана Кладорабска е специјалист интернист на интерното одделение во кочанската болница и со работа започна минатата година.

Станува збор за најдобро рангирани 100 доктори за месец мај од секундарно и терциерно ниво, кои се движечка сила во своите институции. Тие добиваат посебно признание и паричен надоместок во висина од нето плата, во која се вклучени сите додатоци на плата на здравствениот работник (двојна плата) за месецот за кој постигнал најдобар резултат.

Повеќе...

Osogovo---Belasica14.08.2013 Во првото коло од новата сезона на Третата лига - Исток „Осогово“ се среќава со екипата на „Работник“.

Натпреварот се игра на стадионот „Никола Мантов“ в недела со почеток во 17.30 часот.

Останатите двојки ги сочинуваат : „Беласица“ – „Чешиново“, „Плачковица“ – „Каменица Саса“, „Брегалница Голак“ – „Астибо“, „Карбинци“ – „Баби“и „Тркања“ – „Напредок Здравје Радово“.

Сите натпревари се играат во истиот термин. Единствено „Рудар“ и „Слога 1934“ ќе се сретнат в среда во 17.30 часот, поради настап на гостите на турнир во Бугарија.

Повеќе...

Upisi-Fax-413.08.2013  Вкупно 690 слободни места има за новата студиска година на Економскиот факултет во Кочани, како дел од штипскиот универзитет “Гоце Делчев“.

Тие се распоредени во 5 различни програми, а најмногу, по 90 има на банкарство, финансии и осигурување и на менаџмент и претприемништво. Останатите средношколци ќе можат да се запишат на здравствен менаџмент, сметковдство, финансии и ревизија и финансиски менаџмент. За секоја од овие програми има по 60 слободни места.

Близу половината од вкупниот број редовни студии се во државната квота, а уште  150 во истата квота, но со кофинансирање од по 400 евра годишно. Исто толкава сума ќе плаќаат и одние што ќе се запишат вонредно, каде се планирани 180 слободни места.

Повеќе...

Stip-Incident-313.08.2013  32-годишниот Б.Д. од Облешево во понеделникот сосема ја изгубил контролата во сопственото однесување и се заканувал  дека ќе убие својата пријателка.

Во видно алкохолизирана состојба, по краткотрајна меѓусебна расправија што се случила на средба што ја имале во Штип, тој физички ја нападнал 29-годишната Е.П. од Свети Николе. Обидувајќи се да докаже дека правдата е на негова страна,  во еден момент извадил пиштол и почнал да се заканува дека ќе го употреби.

Смртно преплашената пријателка сепак успеала да се извлече и да повика полиција.

Повеќе...

Lukoil-Kocani-113.08.2013  Руската нафтена компанија “Лукоил“ ја проширува својата мрежа од бензински станици во источниот дел на Македонија.

Во заедничка инвестиција со кочанската фирма “Еко-оил“ на излезот од градот, во месноста Прокарка, ќе гради современ објект.

Стартот на изградбата беше означен со пригодна свеченост за поставување камен-темелник на која покрај инвеститорите, присуствуваа и претставници од Локалната самоуправа, од бизнис секторот и од МПЦ.

Заедничката инвестиција е резултат на долгогодишната соработка меѓу двете фирми во областа на трговијата со нафтени деривати.

Повеќе...

kasarna613.08.2013 Активноста беше спроведена во рамки на програмата Европски волонтерски сервис на невладината организација „Павел Шатев“. За Рамазан Бајрам на жителите на старата касарна им беше доделена хуманитарна помош во храна, облека и детски играчки.

За замислата што ја имале, волонтерите најпрвин ги известиле локалните власти.

-Стапивме во контакт со градоначалникот Ратко Димитровски, а потоа и со две невладини организации од Скопје - рече Семра Курт, волонтерка.

Волонтерите потоа го контактирале бизнис секторот во Кочани. Во пресрет им излегле неколку фирми.

Повеќе...

Penzioneri-Prevoz-313.08.2013  Пензионерите кои не живеат во Скопје сметаат дека се дискриминирани во однос на бенефициите во јавниот превоз што ги имаат нивните скопски колеги.

Иако со години членуваат во Здруженијата на пензионери и редовно ја плаќаат членарината, се жалат дека немаат можност бесплатно да се превезуваат во своите населени места. Освен тоа, немаат никакви бенефиции ниту за да стигнат до главниот град дури и кога имаат здравствени и други неодложни потреби.

- Кога ќе отидеш на доктор, на контрола, како што јас одам, или на прошетка за да го видиш Скопје, ги нема тие бенефиции  во Куманово. Сe што има е само во Скопје...

Повеќе...

Осветување на манастирот “Св. Климент Охридски“ - Осоговски Планини

23°C

Кочани

Ведро
Влажност на воздухот: 57%
Ветер: South при 4 kmh
Четврток12°C/31°C
Петок13°C/29°C
Сабота14°C/31°C
Недела11°C/27°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 69 гости и нема членови


web counter



qr code