X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

malina-miroven-korpus130.08.2013  Комплетно реконструирана и опремена училница доби ОУ “Малина Попиванова“ со проектот на наставниот кадар и активистот на Мировниот корпус што е ангажиран во училиштето.

Опремувањето на просторот што се реализираше во текот на изминатата година овозможи да се оформи Центар за мотивација и инспирација за изучување на англискиот јазик. Училницата ќе ја користат учениците од петто до деветто одделение. затоа што наставничкиот актив оценил дека учениците од 1 до 4 одделение се во фаза кога се уште учат и имаат потреба од постандарден, односно класичен пристап во наставата.

Се очекува со помош на техниката и наставните помагала тие да бидат инспирирани и мотивирани да престојуваат овде и да го изучуваат англискиот јазик.

Повеќе...

Osogovo---Babi-1-202.09.2013 Кочанскиот третолигаш во третото коло пред својата публика падна пред Баби. Откако во првото полувреме мрежите мируваа, први во водство во вториот дел дојдоа гостите. Спасов искористи грешка на домашната одбрана и во 61-та минута го отвори резултатот.

Радоста на „Баби“ траеше само 2 минути. Цветанов со удар од шеснаесетникот израмни на 1:1, а точка на натпреварот во 85- тата минута стави Димитров.

„Осогово“ може да жали за неколкуте пропуштени посериозни шанси, од кои најзрела беше онаа за резултатски пресврт во 70-тата минута, но Симовски од зицер биеше само во стативата.

Повеќе...

kolonija229.08.2013  По втор пат годинава Кочани е домаќин на летната ликовна колонија “Св. Пантелејмон“ што опфаќа млади ликовни уметници од државата и странство.

Во текот на петте дена колку што ќе трае колонијата, учесниците го користат амбиентот на браната Гратче за да ги создадат своите дела, инспирирани од природните убавини. Сите тие работат под менторство на ликовниот педагог, м-р Александра Димитрова, која и минатата година беше одговорна за колонијата.

- Оваа година составот ни е поголем од претходната, имаме членови и од друга држава. Имаме тројца учесници од Унгарија и од другите градови во Македонија. Имавме покането учесници и од балканските држави, како Хрватска и Бугарија, но од оправдани причини тие не присуствуваат на колонијата, но се надевам дека во наредните години ќе се зголеми бројот на учесници од други земји, рече м-р Александра Димитрова, ликовен педагог.

Повеќе...

centar-za-javno-zdravje127.08.2013  Проектот започна да се реализира минатата година, а во него спаѓаше реконструкција на канцелариите во установата, замена на старите со нови ПВЦ  прозори со цел зголемување на енергетската ефикасност. Реконструкција на лабораториите во Центарот e по сите стандарди.

Уредувањето на дворот и поставување на фонтана пред влезот е исто дел од споменатиот проект. Во  моментов се работи на поплочување на влезот пред  Центарот за јавно здравје со бехатон плочки на површина од околу 120 квадрати.

Откако  ќе заврши поплочувањето за целосно  заокружување на проектот останува да се бетонира и уреди предгаражниот простор како и стазите пред Центарот.

Повеќе...

Osogovo---Belasica30.08.2013  Во третото коло „Осогово“ ќе атакува на нови три бода во натпревар што го игра пред својата публика против екипата на „Баби“.

По успешниот старт и победите над „Работник Џуамајлија“ дома и „Карбинци“ на гости, во таборот на жолто-сините владее добра атмосфера во очекување на уште еден позитивен резулат. Натпреварот се игра в недела со почеток во 17.00 часот.

Во истиот термин се играат и останатите натпревари од колото.

 

Повеќе...

Legalizacija-127.08.2013  За 7 месеци истекува рокот за завршување на постапката за легализација на дивоградбите, што беше определена со законските решенија од пред две години. Во тој перод сите граѓани кои не доставиле елаборати по поднесените барања ќе мораат да ја завршат пoстапката за да се комплетира процедурата.

До почетокот на август во Општина Кочани беа доставени нешто помалку од 2000 елаборати, што е околу 30 отсто од вкупниот број поднесени барања.

Со оглед дека за околу половина година треба да се разгледаат остатокот од пријавените документи, потребно е граѓаните што побрзо да ги изготват елаборатаите и да ги поднесат до надлежната комисија за легализација, за што повик упати и првиот човек на Општината.

Повеќе...

Kosarka 102.09.2013 „Баскет Дино“ по стапките на „Осогово“, ќе игра во третата кошаркарска лига. Но, тоа само како иницијална каписла за вистинските амбиции- влез во Втората лига веќе од следната година.

В пресрет на новата сезона тренерот Сашко Лазаров најави дека неговата екипа ќе пријави учество во три младински лиги (М-14, М-18, М-20).

Промената доаѓа по консултација со играчите и нивните родители.

Третата лига подразбира и поголеми финансии, но Лазаров се надева дека со помош на бизнис секторот и Општината полека ќе почне да го враќа сјајот на кочанската кошарка од 90-тите години.

Повеќе...

soobrakjajka-plostad429.08.2013  Пешак се здоби со полесни повреди во сообраќајна незгода што претпладнето се случи во близина на градскиот плоштад.

Во моментот кога средовечниот маж ја преминувал крстосницата на улиците “Браќа Ставреви“ и „Љупчо Сантов“ во него удрило такси возило, кое се движело во правец на населбата Доклевец. Од ударот на пешакот му биле нанесени повреди на ногата, по што веднаш бил префрлен во амбулантата во непосредна близина на случката.

По укажаната прва помош, беше повикано возило на итната медицинска помош по што повредениот е префрлен во кочанската болница.

Повеќе...

borenje29.08.2013  На првиот меморијален турнир „Александар Калајџиев“ во Радовиш настапија 10 борачи на „Спартак “ во конкуренција на кадети и пионери, предводени од тренерот Зоран Митев.

Трети места кај кадетите освоија Глигор Анев во категорија до 63 и Андреј Анчев до 69 кг.

Со бронзен медал, пак, кај јуниорите се закитија Мартин Пешов, категорија до 54 и Столе Ефтимов до 47 кг.

На турнирот настапија вкупно 80 борачи од 8 клуба.

Повеќе...

poeti127.08.2013  Во живописниот амбиент во село Бели кај столетниот даб, пред насобраната публика поети од годинешните „Струшки вечери на поезијата“ читаа своја поезија.

Од Македонија беше присутен еден учесник Бобан Богатиновски од Куманово. Поезија на свој јазик читаа кинезите Беи Та и Лонг Куан, Усман Сарус од Сенегал, Шармина Реј од Индија и Аурелија Ласак од Франција.

Станува збор за средба која по седми пат се  организира во Кочани во склоп на манифестацијата „Топол културен бран“. Гостите презадоволни од гостопримството на кочанци како и од убавините на градот на оризот.

Повеќе...

Осветување на манастирот “Св. Климент Охридски“ - Осоговски Планини

6°C

Кочани

Претежно облачно
Влажност на воздухот: 46%
Ветер: North при 18 kmh
Сабота-2°C/11°C
Недела1°C/13°C
Понеделник2°C/14°C
Вторник1°C/15°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 207 гости и нема членови


web counter



qr code
X

Right Click

No right click