X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

kamp226.08.2013  Седумчлена делегација од Здружението “Јосип Броз - Тито“ од Кочани учествуваше на десетдневниот “Камп на мирот - Сребреница 2013“. Тие беа единствените македонски претставници во рамки на одбележување на настаните за време на војната во Босна и Херцеговина.

Сместен на 40-тина километри од Сребреница, на езерото Перуќица, на кампот имаше стотина претставници од сите екс-Ју републики. Кампот е традиционален и се организира трета година по ред, а е финансиран од владата на Република Босна и Херцеговина, преку Здружението на граѓани “Сребреница“.

Ноќевањето е организирано во шатори, со обезбедебна исхрана, а во иднина се планира да се изградат бараки. Освен дружење на кампот се организираат историски предавања, гостувања на музички групи и културно-уметнички друштва и посета на значајни локалитети.

Повеќе...

osogovo226.08.2013 „Осогово“ забележа многу значајна победа на гости против Карбинци, остварена со минимални 0:1.

Стрелец на единствениот гол за кочанскиот третолигаш беше Љупчо Коцевски во 70 минута. „Осогово“ имаше и една статива и уште 2-3 посериозни шанси.

Шанси за постигнување гол имаше и домаќинот, но не успеа да ги капитализира.

Иако замина со респект кон противникот, „Осогово“ одеше на освојување на трите бода во Карбинци, но тоа според тренерот Тоде Митев било остварено потешко од очекувањата.

Повеќе...

ortodonci23.08.2013 Генетиката, исхраната и лошите навики се најчестите причини за зголемениот број на деца со аномалии на забите. Ако пред 10 години 15 сетина деца месечно имаа потреба од исправање на забите со протеза, таа бројка сега е дуплирана , велат ортодонтите.

-Бројот на деца кои што носат ортодонски помагала се повеќе се зголемува, посебно кај девојчињата. Причините за зголемување на бројката на деца со аномалии на забите е лошата исхрана и генетската предиспозиција. Децата наследуваат мали вилици од мајката и крупни заби од таткото, рече д-р Павлина Николова, специјалист , ортодонт.

Ортодонтите со полни раце работа. Но, имаат проблем со фондот од каде го ограничуваат бројот на протези што се на терет на Фондот.

Повеќе...

Lenin23.08.2013  Откако Владата донесе одлука, Локалната самоуправа ги презема ингеренциите околу трансформирањето на поранешниот работнички универзитет “Ленин“ во нова општинска јавна образовна установа.

Објектот во центарот на градот што подолго време стои заклучен и не се користи, треба да добие слична функција како поранешната. Просториите преминаа во сопственост на Општината, а таа ги презема и останатите ингеренции околу функционирањето и финансирањето на новата образовна институција, при што нејзиниот назив ќе се трансформира во Отворен граѓански универзитет за доживотно учење.

Тој нема да претставува класично училиште, туку установа што ќе овозможи стекнување дополнителни знаења и вештини, посебно за категориите граѓани кои имаат потреба од преквалификација или не го оформиле образованието по редовен пат.

Повеќе...

Ucebna-Godina-Kraj--423.08.2013  Привршуваат тековните подготовки за прифаќање на учениците, и училиштата подготвено ќе го дочекаат почетокот на новата учебна година.

Таков е генералниот заклучок од средбата што градоначалникот ја имаше со директорите на образовните институции од општината, со одредени забелешки дека треба да се навремено да се реализираат набавките за огрев и бесплатен превоз. На средбата се разговараше и за приемот на првачињата и подготвеноста за реализирање на наставата.

Карактеристично за оваа учебна година е што, иако како и лани бројот на децата кои за првпат ќе тргнат на училиште се зголемува, дел од паралеките ќе мора да се затворат.

Повеќе...

Havarisani-Vozila23.08.2013 Хаварисани возила со години лежат неподвижни и скапуваат неупотребливи. Неможе никој да ја преземе одговорноста за нивно дислоцирање затоа што возилата немаат сопственици. Одземени се на царина. Станарите од зградата на „ Бетон“ мака мачат со искршените возила. Им го одземаат просторот за приод до подрумите.

-Мојот прозорец е над возилата. Се шири неподнослива реа и врз возилата нужда извршуваат мачки и кучиња. Ова е катастрофа. Има змии и гуштери. Автомобилите се неупотребливи и во катастрофална состојба. Ние бараме возилата да се дислоцираат од тука, рече Тодор Таушанов , станар.

-Тука живееме 40 години. Овие возила тука стојат повеќе од 20 години. Ни пречат затоа што не можеме да пријдеме до подрумите. Кога ни стигнат дрва не можеме да си ги внесеме во подрумите, рече Виолета Манушева, станар.

Повеќе...

kultura123.08.2013  Во втората половина на септември ќе бидат сконцентрирани настаните од манифестацијата “Денови на кочанскиот ориз“ што годинава ќе се одржи по 22-ри пат.

Организаторот, Локалната самоуправа веќе ги прави подготовките, со планирање на активностите и гостите што ќе учествуваат во културно забавната програма.

Како и во изминатите години, и годинава се планира да бидат повикани домашни музички ѕвезди, кои во десетината денови додека трање манифестацијата треба да им овозможат забава на граѓаните.

Повеќе...

parceli23.08.2013 Градежното земјиште на површина од 250 хектари се наоѓа во месноста Свети Атанас и е предвидено за изградба на нови незагадувачки капацитети. Деновиве од Владата е добиена согласност за нивна продажба. Станува збор за земјиште на кое може да се инвестира во капацитет за производство од лесна индустрија. Огласот за продажба наскоро треба да биде објавен на веб страната на Општината.

-Секој заинтересиран купувач е добредојден, особено што условите што ги нуди Општината се многу поволни-смета градоначалникот Личков.

Доколку интересот за купување земјиште е задоволителен, тоа ќе значи отворање на нови работни места и придвижување на стопанската активност во Чешиново-Облешево.

Повеќе...

osogovo223.08.2013 „Осогово“ е резервиран в пресрет на гостувањето во Карбинци против истоимената екипа во рамки на второто коло од Третата лига-Исток. Тренерот Тоде Митев се надева на позитивен резултат од натпреварот, иако со респект зборува за квалитетите на Карбинци, кој сезонава е засилен.

Претпазливоста пред мечот е резултат и на прикажаното во првото коло во кое противникот на кочанскиот третолигаш ремизираше во Штип против „Баби“, а малку недостасуваше да стигне и до трите бода.

Познат е и распоредот на натпревари во новата сезона од женската фудбалска лига. Во првото коло која почнува во првата седмица на септември „Кочани“ ја пречекува „Победа“ , а „Иднина С“ екипата на „Ас Јунајтед“.

Повеќе...

oriz44422.08.2013  Кочанскиот ориз е со добар квалитет и има можности целокупното производство да се пласира  на турскиот пазар, но заради поинаквиот квалитет што се бара, ќе мора да се менуваат сортите.

Таков е заклучокот што произлезе од средбата меѓу претставниците на една од најголемите компании за преработка и трговија со ориз од Турција и кочанските земјоделски здруженија и преработувачи. По посетата на бизнис делегацијата од регионот на Измир што се реализираше во вторникот, ова е втора средба со турски бизнисмени од регионот на Едрене, кои се интересираат за нашиот ориз.

Според нив, не се проблем количините што можат да се откупат, туку гаранциите за одржливост на квалитетот.

Повеќе...

Осветување на манастирот “Св. Климент Охридски“ - Осоговски Планини

0°C

Кочани

Умерено облачно
Влажност на воздухот: 75%
Ветер: NW при 4 kmh
Четврток-4°C/4°C
Петок-2°C/4°C
Сабота-1°C/6°C
Недела0°C/8°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 99 гости и нема членови


web counter



qr code
X

Right Click

No right click