X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

Atomski-Zgradi-Poplavi19.08.2013  Подрумите во т.н. атомски згради на улицата “Никола Вапцаров“ се наполнија со вода. Ова е втор таков случај за само една недела, по неодамнешната поплава во неколку куќи на улицата “Енгелсова“.

Во внатрешноста на зградите се чувствува мирис на влага, а на ѕидовите се забележуваат траги до каде достигнало нивото на водата.

Жителите на станбените згради надоаѓањето на водата го забележале викендот и се обиделе да спасат дел од работите што ги чувале во просториите. Се сомневаат дека таа доаѓа од магистралниот канал на хидростистемот “Брегалница“ за што ги известиле надлежните и во локалната самоуправа, но помош не добиле.

Повеќе...

Crkva-Sveto-Preobrazenie119.08.2013  Во почетокот на мај 2006 година на просторот на стопанскиот двор на водостопанство “Брегалница“ беа осветени темелите на новата православна црква “Свето Преображение“.

Тогаш, четворица владици и повеќе свештеници од Брегалничката епархија на чело со поглаварот на Македонската православна црква чиноначалствуваа на започнувањето на градбата на новиот соборен храм во Кочани. Но, по започнувањето на земјените работи на објектот и поставувањето на арматурата, изградбата застана.

Седум години подоцна, местото воопшто не потсетува дека овде треба да се наоѓа верски објект.

Повеќе...

most19.08.2013  Нов мост на Брегалница кај селото Истибања беше пуштен во употреба викендов.

Изграден е по иницијатива на бизнсименот Пано Христов, кој долги години работел во странство, а пред извесно време се вратил во родното село.

Забележал дека селаните не ги обработуваат нивите од другата страна на реката, затоа што тешко им било поминувањето низ длабоката вода.

Затоа решил сам да инвестира во градбата на мост што ќе може да издржи поголема тежина и ќе има подолг век на траење.

Повеќе...

Zrnovci-Ulica19.08.2013 Според програмата за изградба и реконструкција на улици Општина Зрновци работи на изградба на улицата „Маршал Тито“ . Улицата е во должина од 350 метри.

Досега беше тесна и со испукан и оштетен асфалт, тешко проодна за возилата. Се работи и на нејзино проширување.

-Улицата ќе биде изградена со широчина од 6 метри , од двете страни на улицата ќе има тротоари. Едниот тротоар ќе биде со должина од 1,5 метри и другиот од 2,5 метри. Очекувам дека со изградба на оваа улица ќе ја подобриме уличната инфраструктура. Возилата ќе можат непречено да се движат што не беше случај порано, истакна Блаже Станков, градоначалник на Општина Зрновци.

Повеќе...

gimnazija19.08.2013 СОУ „Љупчо Сантов“ влезе во завршна фаза на првиот дел од проектот за реконструкција на училиштето. Се однесува на реновирање на подните површини.

-Во тек се подготовките за поставување на поливинилски ПВЦ подлоги. Такви подлоги ќе бидат поставени во сите училници и ходници во училиштето, рече Лазар Димитријев, директор на СОУ „Љупчо Сантов“.

Согласно динамиката на одвивање на работите се очекува од новата учебна година учениците да учат во подновени и освежени простории, со нови подови.

Повеќе...

osogovo219.08.2013 Во многу ефикасна игра на „Никола Мантов“, жолто-сините славеа над „Работник“ со 6:2.

На овој натпревар Симоски постигна хет- трик. Го отвори резултатот во 5- тата, а реализираше и во 52-та и 67-та минута. Два гола постигна Коцевски во 54-та и 88-та, а еден Велков во 58-та минута.

Стрелци на головите за гостите беа Тодоров во 41-та и Трајков во 86- тата минута.

На високата победа влијаеше и тоа што гостите од 30 минута останаа со играч помалку, поради црвениот картон што го заработи чуварот на мрежата по направениот фаул над еден од домашните играчи надвор од шеснаесетникот.

Повеќе...

cevka416.08.2013 Дождот се претвори во кошмар за семејството Глигорови, за чиј комунален проблем надлежните не мрднуваат со прст.

Пред два месеци потпорниот ѕид од нивната куќа на улицата „Кирил и Методиј“ се сруши поради пукање на главна водоводна цевка.

-Го отстранивме ѕидот како што ни беше речено за цевките да може да се заменат. Но, секој ден истата песна. Доаѓаат, се задржуваат 15 минути и си заминуваат без ништо да преземат- вели Ненад Глигоров.

Судските вештаци кои по паѓањето на потпорниот ѕид вршеле вештачење, сметале дека среќа во несреќа е што куќата сеуште не е вселена, зашто некој можел да настрада.

Повеќе...

Javno-Osvetluvanje16.08.2013 Кочани, Зрновци и Чешиново - Облешево штедат на електрична енергија од јавното осветлување. Најповолното решение се бара преку прецизно скенирање на широчината на улиците, динамиката на сообраќајот и висината на столбовите.

Менувањето на светилките во Кочани се одвива преку јавно приватно партнерство, но договорите се уште не се склучени. Кочани менува 4000 живини светилки со штедливи.

Засега е осветлен влезот на градот со поставувањето на 19 канделабри во должина од 800 м, Трговскиот центар, плоштадот, градскиот парк и влезот на гимназијата „Љупчо Сантов“ каде се поставени штедливи светилки како пилот проект на лед-технологијата.

Повеќе...

Gradinki-Licenca16.08.2013 Многу работи се нејасни кога станува збор за новиот Закон за детска заштита, според кој сите воспитувачки и негувателки во детските градинки до крајот на годината треба да поседуваат лиценца како предуслов да останат на работа.

Нејаснотии има многу, бидејќи лиценца треба да имаат и оние воспитувачки кои секоја година го обновуваат договорот за работа, но засега нема начин да ја добијат од причина што Министерството за труд и социјала сеуште не ја формирало комисијата за издавање лиценци, рече директорот на установата Иван Панов. Тоа, додаде Панов, е кочница за огласот на кој треба да конкурираат воспитувачите што потпишуваат договор за работа бидејќи без лиценците не можат да конкурираат. Тоа јасно кажува дека се сè врти во круг кога станува збор за новиот закон, додаде Панов.

Повеќе...

Eksterno-Polaganje16.08.2013 Во Гимназијата „Љупчо Сантов“ 5, во „ Ѓошо Викентиев“ 75 ученици полагаа екстерно тестирање. Станува збор за ученици кои од различни причини не полагаа во мај. Во најголем број причината е техничка грешка на системот. Проверката на знаењето се одвива во два термини на 16 и 19 август во зависност од распоредот на учениците и предметите.

-Во нашето училиште се пријавени 5 кандидати од кои тројца полагаат денеска , а останатите двајца на 19 август и со тоа го заокружуваме целиот процес на екстерната проверка на знаењето на учениците. Ние најголемиот дел го завршивме во месец мај, од резултатите сме задоволни како од постигнувањата на учениците , така и од организираноста на училиштето. Да се надеваме дека во иднина ќе имаме се помалку и помалку проблеми од техничка природа.

Повеќе...

Осветување на манастирот “Св. Климент Охридски“ - Осоговски Планини

3°C

Кочани

Заоблачено
Влажност на воздухот: 87%
Ветер: North при 0 kmh
Недела1°C/6°C
Понеделник2°C/6°C
Вторник-3°C/4°C
Среда-3°C/4°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 80 гости и нема членови


web counter



qr code
X

Right Click

No right click