Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

kanal205.08.2013  Жители  на Видовиште и Мородвис како и лани и годинава се жалат дека нивите им изгореле за вода затоа што левиот магистрален канал повторно не е во функција.

Иако поминува во непосредна блзина на нивните земјоделски површини, тие не можат да го користат благодетот од него. Причината е што водостопанското претпријатие не ја пушта водата оти сите не си ги платиле сметките за воден надомест.

Каналот е долг 72 километри и е проектиран да наводнува 2000 хектари во целиот регион, порано нормално функционирал, а сега во него нема ни капка вода.

Повеќе...

apel05.08.2013  ШС „Осогово“ од Кочани со апел до граѓаните да внимаваат при посета на отворени места, паркови или други пошумени локации, да не користат запаливи материи што можат да предизвикаат пожар од пошироки размери.

- Граѓаните да се воздржуваат од непотребни палења на оган на отворен простор, бидејќи високите температури и малото невнимание можат да предизвикаат поголеми шумски пожари. Засега опасноста е од среден ризик, но високите температури за кратко време можат да предизвикаат поголема опасност. Затоа би апелирал до граѓаните, излетниците и љубителите на природата, движењата во шума да бидат со посебно внимание, да не се фрла отпушоци, да се внимава кога се пали оган, за да не се доведеме во непријатна ситуација, истакна Орце Димитров, раководител на ШС „Осогово“.

Повеќе...

ulica2205.08.2013  До крајот на есента треба да заврши изградбата на кракот 2 на улицата “Стамен Манов“ во Ромското маало. Според проектната документација планирано е целосно да се завршат 300 метри, како продолжение на претходно започнатите работи за изградба на потпорни ѕидови и асфалтирање на коловозот.

Локалната самоуправа веќе објави јавен тендер за избор на најповолен изведувач на градежните работи, чие име ќе биде познато до крајот на оваа недела.

Поради конфигурацијата на теренот со проектот е предвидена изградба на потпорни ѕидови во должина од 90 и просечна височина од околу 2,5 метри. Освен тоа на околу 120 метри под коловозот ќе се постави и т.н. дренажна ПВЦ цевка за исцедување на атмосферската вода.

Повеќе...

ilinden05.08.2013 110 години од Илинденското востание и 69 години од првото заседание на АСНОМ одбележани и чествувани и во Кочани.

Делегација од Општината предводена од Претседателот на Советот Иванов, положи цвеќе на „Споменикот на слободата“ на Локубија.

-Денес е ден кога со длабока почит се поклонуваме на нашите предци кои ни оставија аманет да го чуваме она за што тие се бореле. Сакам од мое име и од името на Советот на Општина Кочани на сите граѓани да им го честитам големиот празник Илинден, да им посакам здравје, среќа и успех, рече Иван Иванов, претседател на Советот на Општина Кочани.

Повеќе...

shumsko-voce05.08.2013 Подружницата на Македонски шуми „Осогово“ од Кочани од први август започна со издавање дозволи за собирање шумски плодови. Сите физички и правни лица , откупувачи, мора да бидат регистрирани и да имаат дозвола за собирање шумски плодови. Пријавувањето и регистрацијата се врши во подружниците каде истовремено се добиваат детални информации за целокупниот систем на одржливо користење, контрола и законски обврски во оваа област.

-Со новите законски измени, согласно Законот за шуми сите што сакаат да собираат малини, капини, боровинки, печурки и други шумски производи и лековити билки и ги предаваат на регистрираните откупни пунктови , имаат обврска да дојдат во подружницата, да извадат дозвола и тогаш без проблем ќе можат да ги собираат споменатите плодови. Дозволата чини 400 денари и мислам дека е прифатлива, истакна   Орце Димитров, раководител на ШС „Осогово“.

Повеќе...

beli205.08.2013  “Бели — едно од најстарите села во кочанскиот крај“ е насловот на монографскиот труд што по повод Илинден беше промовиран кај дабот во близина на манастирот “Свети Илија“.

На стотина колор страници, низ 13 поглавја, и поголем број фотографии и цртежи, книгата нуди фактографски опис на историскиот развој на селото. Таа е прв ваков пишуван документ за населбата што е специфична по многу свои карактеристики.

Идејата за создавање на монографијата постоела повеќе години, а нејзин главен иницијатор и  финансиски спонзор е Славе Јорданов, сопственик на компанијата “ТИНГ“ од Кочани.

Повеќе...

Gasifikacija01.08.2013  Најавите за изградба на гасоводна мрежа во државата и добивањето поевтин енергенс за домаќинствата, меѓу грѓаните веднаш ја пробудија љубопитноста колку тоа нив ќе ги чини. Засега никој со сигурност не може да даде пресметка колкав ќе биде вкупниот трошок за приклучување на гасоводната мрежа, ниту пак колкави месечни сметки ќе се плаќаат. Сепак, експертите од областа на енергетиката, ги имаат првичните проценки, за што се земаат искуствата од соседните земји.

- Едно е да биде една куќа, а друго е да биде висока зграда кај што има 10 ката. Сепак, приклучок на разводната мрежа би требало да се движи од 400 до 800 евра по еден објект, и зависи од тоа колкав е, рече проф. д-р Константин Димитров, член на Центарот за енергетска  ефикасност на Македонија - МАЦЕФ.

Повеќе...

planinari-3405.08.2013 ПСД „Осогово“ за Илинденските празници организираше искачување на највисокиот врв на Балканот, Мусала во Р. Бугарија на 2925 метри надморска височина.

Акцијата беше од меѓународен карактер.

На Мусала се искачија 20 членови на ПСД „Осогово“. Искачувањето воедно се вклопи и со прославата на денот на планината Рила, кој традиционално се одбележува на 3 и 4 август.

Акцијата беше организирана беспрекорно од страна на ПСД „Осогово“. Кочанските планинари велат дека настанот бил организиран добро и од страна на домаќините.

Повеќе...

mobilnost1001.08.2013 Изложба на ракотворби од членовите на Здружението „Мобилност“ беше отворена во фоајето на ЦК „Бели Мугри“.

Ја посетија голем број граѓани кои беа заинтересирани да си купат дел од рачно изработените дела.

- Членовите на нашето здружение овие ракотворби ги изработуваат рачно во рамките на своите можности. Во нивните дела е вложен голем труд и напор, истакна Горан Војновски, претседател на „Мобилност“.

Членовите на „Мобилност“ иако со хендикеп, изработувањето на ракотворбите им претставуваат единствена занимација која ги одржува во живот.

Повеќе...

sah-105.08.2013 Пласман во рамките на очекувањата или можеби за нијанса подолу оствари ГШК „Кочани“ на XXII „Екипен Шампионат на Македонија во шах“ што се одржа во хотелот „Дрим“ во Струга. 3 победи, 3 порази и едно реми е билансот на кочанските шахисти по 7 одиграни кола.

Во последното коло „Кочани“ – „Кисела Вода“ 1,5:4,5 поени.

Ремизираа Ерменков – Симјановски, Мархолев – Кутиров и Гочев – Петковски,
а поразени беа Стаменков против Георгиев, Милосиев против Трајкоски и Стојчев против Пауновски.

Останати резултати:

Повеќе...

Осветување на манастирот “Св. Климент Охридски“ - Осоговски Планини

9°C

Кочани

Ведро
Влажност на воздухот: 87%
Ветер: North при 0 kmh
Четврток9°C/26°C
Петок8°C/26°C
Сабота7°C/24°C
Недела7°C/21°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 104 гости и нема членови


web counter



qr code