Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

iskra231.07.2013 84 наслови на монографски публикации, 1 наслов на алманах и два наслова на списание од изложбата „ Литература со религиозна содржина од областа на православната вероиповед“ или вкупно 95 примероци   се изложени во витрините на библиотеката Искра и им се на располагање на кочанските граѓани. Приказот на литература со релиогиозна содржина е објавена по повод одбележување на 1150 години од Моравската мисија на солунските браќа Св. Кирил и Методиј.

-Оваа година купивме книги од Саемот на книгата бидејќи сите епархии имаат свои штандови и издаваат свои книги, така да имаме соберено доволно материјал за да направиме изложба и на тој начин да ги информираме граѓаните дека имаат на располагање литература со религиозна содржина, истакна Вера Атанасова, виш библиотекар.

Повеќе...

ulica229.07.2013  По многу забелешки, критики и незадоволства од граѓаните, започна асфалтирањето на улицата “Крум  Вранински“ во Кочани.

Нејзината должина е околу 470, а широчината 5 метри. За целосно комплетирање беа обезбедени над 55 илјади евра, пари што Општината ги доби како грант од Светската банка.

Оваа улица беше еден од приоритетните инфраструктурни проекти за оваа година, а на нејзино асфалтирање се чекаше подолг период. Грантот што го доби Општината беше резултат на успешно завршениот проект за замена на дел од водоводната мрежа во градот.

Повеќе...

sah31.07.2013 По очекуваниот и вкалкулиран пораз на граница на дебакл против моќниот „Алкалоид“ од 5,5: 05, ГШК Кочани во второто коло забележа победа против Карпош со резултат од 4:2.

Поединечно Стаменков го совлада Кацаковски, а реми одиграа Милосиев – Илиќ, Стојчев – Раниќ, Мархолев – Велески и Гочев – Петров, додека Ерменков беше подобар од Хаџи-Монев.

Останати резултати:

Прилеп“ – „Кисела Вода“ 1,5:4,5, „Стево Патако“ – „Гамбит Асеко-сее“ 0,5:5,5 и Куманово“ – „Алкалоид“ 1:5.

Повеќе...

Nesreken-Slucaj-Kanal-Brega29.07.2013  Викендот во кочанската полициска станица било пријавено дека во водата на каналот од хидросистемиот “Брегалница“ кај селото Жиганци е пронајден машки труп.

При увидот на местото на настанот било констатирано дека се работи за телото на 39-годишниот Игорчо К. од Кочани. Неговото исчезнување било пријавено во полицијата уште пред десетина дена, откако во деновите на прослава на празникот Петровден тој не се вратил дома.

Безживотното тело на средовечниот маж го забележал одржувач во водостопанското  претпријатие, кој го контролирал дотокот на вода во каналот кај месноста “Сигурносен канал“ во атарот на селото Жиганци. Веднаш ја известил полицијата која заедно со лекар пристигнала на местото и направила увид.

Повеќе...

galacev30.07.2013  Државната комисија за спречување на корупцијата констатирала судир на интереси кај Костадин Галачев поради извршување на две функции истовремено, со што извршил повреда на член 9 од Законот за спречување судир на интереси. Антикорупциска констатирала кумулација на функции зашто тој истовремено со функцијата член на Советот на општина Кочани ја извршувал и функцијата член на Управен одбор на ЈЗУ – „Универзитетска клиника за радиологија“ Скопје.

Постапувајќи согласно со одредбите од Законот за спречување судир на интереси, а во насока на отстранување на констатираните состојби, Државната комисија за спречување на корупцијата во смисла на член 23 став 1 од Законот за спречување судир на интереси се обратила лично до него и уште неколку функционери во државата.

Повеќе...

besplatni-pregledi29.07.2013 Голема заинтересираност на кочанци за акцијата на бесплатно мерење крвен притисок и совети за справување со топлотниот бран што во организација на Здравствен Дом деновиве се спроведува во Кочани. За неполни три часа крвниот притисок си го провериле 40 сетина граѓани. Резултатите загрижуваат. Од проверените кочанци во голем процент имаат покачен крвен притисок, особено младите.

-Висок крвен притисок измеривме кај млади лица што очекувавме да биде нормален. Им дадовме совети, ги упативме кај матичен на преглед, тоа е се што можевме да направиме на бесплатните прегледи, рече Дивна Петрова , медицинска сестра .

Стресниот начин на живот и неправилната исхрана е причината што се повеќе млади лица имаат проблеми со крвниот притисок, додаде Петрова.

Повеќе...

Protivpozarna-Akcija30.07.2013  Територијалната противпожарна единица од Кочани, во соработка со Подрачната единица на Министерството за земјоделство, Полициската станица и Шумската полиција во изминатите неколку недели спроведува заедничка акција за заштита од пожари.

Вниманието е насочено кон превентивата од палење оган на отворен простор, како една од главните причини за ширење на огнената стихија. Високите дневни температури во последните десетина денови се потенцијална опасност за појава на пожари во шумите, во период кога граѓаните одат на пикник во природа.

Освен тоа, опасности од пожари има и во полскиот дел од општината, посебно кога земјоделците ги палат стрништата. 

Повеќе...

Humanitarni-Akcii29.06.2013 Министерството за труд и социјална политика ја промовираше акцијата „Се грижиме за топол дом“, која ќе почне да ја спроведува заедно со Црвениот крст и општините. Целта на акцијата е да ги задоволи основните потреби од покуќнина, мебел, апарати за домаќинство, играчки за деца и друго на сите граѓани кои не можат да обезбедат средства за нив. Преку оваа акција сите граѓани кои имаа вишок мебел, покуќнина и апарати за домаќинство, а поради најразлични причини не им се потребни, имаат можност да ги донираат на оние граѓани што имаат потреба, да олеснат нечиј живот, да подарат, да бидат хумани и општествено одговорни.

Во Центарот за социјални работи во Кочани се уште немаа информација како ќе тече проектот. Исто е и во кочанскиот огранок на Црвен крст, кој чека насоки од републичката организација. Во реализацијата на проектот ќе биде вклучена и Локалната самоуправа.

Повеќе...

stecajci430.07.2013  Педесетина стечајци, членови на здружението УНИТ се собраа пред зградата на Локалната самоуправа, за да го пречекаат градоначалникот при неговото доаѓање на работа. Рекоа дека само така можат да остварат средба со него, затоа што по неколкуте поднесени писмени барања до сега, не им било одговорено.

Причината за собирот, односно разговорот со Димитровски е да му укажат на претходното писмено одобрение од Советот на Oпштината за користење на салата на Мултикултурниот центар, што неколку месеци веќе за нив е заклучена.

Токму затоа, од него побараа одговор која е причината што не можат да го остварат граѓанското право да добијат просторија за да ги одржуваат своите состаноци.

Повеќе...

lesnik29.07.2013 Кочанци се запознаа со проектот „Лешник во Македонија“. На средбата со техничкиот консултант за производство на лешници Италијанецот Џанлука Гризери присуствуваа голем број земјоделци и заинтересирани граѓани за одгледување лешник. Земјоделскиот техничар кој се занимава исклучиво со производство на лешник Италијанецот Џанлука Гризери тука е со цел да го основа проектот „Лешник во Македонија“.

На презентацијата рече дека како што стојат работите во светот се поголема е потребата од производство на лешник бидејќи зависноста од откуп на лешник од Турција е голема. Затоа другите земји треба да се запознаат со начинот на производство и развиток на оваа култура. Во Македонија условите за производство на лешник се идеални.

Повеќе...

Осветување на манастирот “Св. Климент Охридски“ - Осоговски Планини

10°C

Кочани

Ведро
Влажност на воздухот: 82%
Ветер: WSW при 2 kmh
Четврток9°C/26°C
Петок8°C/26°C
Сабота7°C/23°C
Недела6°C/20°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 251 гости и нема членови


web counter



qr code