Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

osogovo5419.07.2013  Нема поместувања во ставовите на двете спротивставени страни околу легитимното право да го носат името на кочанскиот третолигаш “Осогово“.

Информациите за нивните меѓусебните препукување стигнаа и до раководството на Фудбалската федерација на Македонија.

Секоја од екипите во јавноста излегува со свои аргументи зошто таа треба да продолжи да се натпреварува во Третата лига, истовремено изнесувајќи контрааргументи дека другата страна без документација и со измама сака да го добие клубот.

Повеќе...

Avionsko-Prskanje-518.07.2013  Временските услови послужија да продолжи втората фаза од овогодишната битка против комарците во кочанскиот дел од источниот регион.

Изминатите два дена во нашата и дел од соседните општини се реализираше првиот дел од планираните активности, со прскање од земја. Акцијата за дезинсекција, чиј носител е Локалната самоуправа, се спроведе на истото подрачје како и при третирањето пред еден месец.

И овојпат се користеше стручна и техничка помош од Центарот за јавно здравје.

Повеќе...

Grobarina1118.07.2013  Се прави ли легална дискриминација на граѓаните со одлуката за гробно место на православните гробишта во Кочани да се плаќа еднократен надоместок од 9.000 денари? Дали според законските одредби Општината не е надлежна за сите гробишта на нејзината територија? Различно ли е земјиштето за православните и муслиманските гробишта, па едни плаќаат за гробна парцела, а другите не?

Вакви и слични прашања деновиве си поставуваат граѓаните на Кочани, поттикнати од одлуката на КЈП “Водовод“ да воведе давачка за купување парцела од неколку квадрати на православните градски гробишта. Истиот трошок не важи за другите верски заедници, ниту за парцелите на селските гробишта.

Мини анкетата покажува поделени мислења за исправноста на одлуката, во зависност од тоа кој каде живее.

Повеќе...

LegalizacjaDivogradbi318.07.2013  Од доставените 1.815 елаборати, Секторот за урбанизам и комунални дејности во општина  Кочани, до почетокот на јули издал над 1700 решенија за легализација на дивоградби. Од нив само 20-тина барања се одбиени, а останатите се решени позитивно.

74 од поднесените елаборати граѓаните самоницијативно ги повлекле.

Нерешените имотно-правни проблеми, промената на барателите, како и недоставувањето на потребните елаборати, се главните проблеми со кои се среќава Секторот во процесот на легализација на дивоградбите. Постапката за легализација е прекината за околу 100-тина поднесени барања, затоа што доставените елаборати биле нецелосни, па нивното решавање ќе продолжи по комплетирањето на документацијата што треба да ја обезбедат подносителите.

Повеќе...

kultura2318.07.2013  Од 20-31 јули и од 20-31 август на сцените на културните институции во Кочани ќе се реализираат содржините што како проект кочанската локална самоуправа ги планираше за манифестацијата “Топол кулутурен бран 2013“. 

Со поддршка од Министерството за култура на Република Македонија и Општина Кочани ќе се реализираат десетина содржини од различни жанрови. 

Во првата етапа, во јули, публиката ќе може да  ја проследи театарската претстава  за деца  „Во потрага по волшебното бисерче“, во режија на Кристина Атанасова Арсова, потоа кинопроекци на анимирани филмови за деца и изложба на ракотворби изработени од лица со хендикеп. 

Повеќе...

isi218.07.2013  Екипите на Соколарци и Грдовци од групата “А“ веќе обезбедија пласман во четвртфиналето од фудбалскиот турнир на Илинденските спортски игри во Чешиново. Со убедливата победа од 7:0 на натпреварот против Тркање, грдовјани само ја потврдија добрата подготвеност и заслужено одат понатаму.

Сигурен учесник во продолжението од турнирот е и екипата на Балван од групата “Б“, а ја следат уште две екипи од штипскиот регион, Карбинци и Таринци од групата “В“.

Останатите четвртфиналисти ќе се дознаат в сабота кога се играат последните два квалификациони натрпеаври. Од 17 часот ќе играат Чешиново и Облешево од чиј меѓусебен резултат зависи која екипа ќе ги продолжи понатаму. Истиот ден, од 19 часот, се игра натпреварот меѓу Чифлик и Чардаклија, од кој зависи дали штипската екипа ќе стане последниот четвртфиналист.

Повеќе...

voda17.07.2013  Кочани по трет пат годинава ќе остане без  вода преку цел ден. Прекинот ќе биде в недела во периодот од 7 до 21 часот. Причината за тоа е завршувањето на активностите од проектот “Кочани 1“ за реконструкција на главниот цевковод од водоводната мрежа.

Проектот чија реализација на терен започна  во почетокот на март годинава, практично завршува во предвидениот термин. За негова реализација беа обезбедени над 350 илјади евра наменети за делумната замена на главниот потисен цевковод од системот за водоснабдување на Кочани.

Парите се дел од кредитот земен од германската КФВ банка и се вложија во првата фаза од реконструкцијата на цевководот чија вкупна должина е околу 5 километри. Со завршувањето на проектот “Кочани 1“ се заокружувва една целина од планираните активности, за што уште на започнувањето на граджните работи беше речено дека треба да се реализира до средината на годината.

Повеќе...

klupi17.07.2013  Ниту една клупа не е поставена на улицата “Тодосија Паунов“, на потегот од Градскиот парк до излезот на градот кај СОУ “Ѓошо Викентиев“.

Граѓаните реагираат дека на делницата долга околу 2 километри не постои место каде може да се приседне по пешачењето, иако тротоарот има доволна широчина за поставување урбана опрема. Тие oчекуваат Локалната самоуправа да поведе поголема грижа, не само за жителите на централното градско подрачје, туку и за оние што живеат во околните населби.

- Јас сега доаѓам од Штип, да се поставт овде некои клупи, па да се направи некој украс, да се стави цвеќе, за милина е тоа таму што го видов... Нема каде да одмориш никаде, клупи нема и одмор нема, на улица падни и умирај, тоа е, рекоа граѓаните.

Повеќе...

orizari baraki317.07.2013  Времените објекти кај православниот храм “Свети Атанасиј“ во Оризари, што не се користат со години, веќе се обраснати во трева и грмушки.

Жителите велат дека одамна ја немаат својата функција и сега се претворени во јавни тоалети, скривалишта за животни бездомници и руини што го нагрдуваат изгледот на центарот на населбата. Затоа преку лична иницијатива, доставена до месната заедница, бараат општината да преземе мерки за отстранување на бараките. Очекуваат дека по остранувањето местото ќе се уреди, за што имаат и свои предлози, за да се вклопи во околината.

- Срамота  голема е, колку убава црква,a под неа местото стоi како пусто. Кога црквата е убава, и ова треба да е убаво. Не е работата само дворот, туку и патот треба да е убав, треба се околу тебе да биде убаво... Тука би требало некое забавно, луна паркче да биде, со фонтана некоја, ќе биде стварно убаво, велат жители на Оризари.

Повеќе...

vlez kocani217.07.2013  На местото каде што се одвојува магистралниот пат М-5 од локалниот патен правец Штип – Кочани, на потегот кај Подлог, стои скромна табла со името на градот во кој  се влегува или покрај кој се поминува.

Влезот во Кочани, од чија лева страна се протега дел од новата индустриска зона не дава некој посебен впечаток или едноставно кажано, воопшто не е соодветен со имиџот што го гради или настојува да го зачува Кочани – еден од најчистите градови во државава, градот познат по зеленилото и среденото корито на Кочанска Река. 

Несреден и неосветлен терен, обраснат со сува и висока вегетација, неугледен патоказ. Неретко, по некое купче отпад и лош асфалт преполн со дупки. И така е со години.

Повеќе...

Осветување на манастирот “Св. Климент Охридски“ - Осоговски Планини

32°C

Кочани

Умерено облачно
Влажност на воздухот: 29%
Ветер: WSW при 7 kmh
Среда17°C/33°C
Четврток17°C/32°C
Петок16°C/31°C
Сабота17°C/32°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 259 гости и нема членови


web counter



qr code