Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

plostad09.07.2013  Осум архитектонски решенија се понудени за новиот изглед на градскиот плоштад во Кочани. Едно од нив како најсоодветно ќе треба да го избере седумчлената општинска комисија што ја сочинуваат инженери-архитекти и градежници, што главно се вработени во локалната администрација, но и пензионирани.

За сега од Општината не сакаат да откриваат повеќе детали околу пристигнатите предлози за уредувањетго на плоштадот, со образложение дека нив најпрвин треба да ги разгледа споменатата комисија.

Беше потврдено само она што и претходно беа дел од условите што треба да ги исполнува секое од понудените решенија, односно да гарантира оригиналност и репрезентативност на концептот, да ги задоволува барањата за креативност и инвентивност во пристапот на обликувањето и да обезбедува современ третман на просторот.

Повеќе...

poeti309.07.2013  Невремето во понеделникот вечерта ги наруши плановите на организаторите на манифестацијата Петровденски конаци.

Балканската поетска средба наместо на манастирот „Св. Илија“ во месноста кај дабот кај село Бели, како што беше претходно најавено, се одржа во фоајето на Центарот за култура.

Поетската средба има традиционално обележје и на неа учествуаваат поети од Македонија и соседните држави. За разлика од минатата година, иако годинава гостите дојдоа во помал број, средбата успешно се реализираше.

- Секоја година сакаме да донесеме поети од странство, тоа го направивме и оваа година. Она што лани го планиравме за годинава не успеавме до крај да го реализираме, но сепак имаше интересна поетска вечер со гости од Врање, Србија и две поетеси од Софија, Р. Бугарија и пет поети од Макеоднија - двајца од Скопје и тројца од Кочани, рече Коце Стоименов, директор на ЦК “Бели мугри“.

Повеќе...

turnir1209.07.2013  Се одиграа натпреварите од првото коло од Петровденскиот турнир во мал фудбал.

Традиционално, по повод празникот на градот, го организира Општина Кочани.

Во салата на ОУ “Никола Карев“ во четири натпревари се сретнаа сите осум екипи. На крајот од првото коло постигнати се следните резултати:

Елемент - 1 Мај - 3:0

Амигос  -  Еко-оил - 4:9

Истра - Македонија Горни Подлог -  3:4 

Инвестградба - Европа 92 - 0:3

Повеќе...

oriz44408.07.2013  Голем скок нагоре од околу 40 отсто забележа откупната цена на оризот во кочанскиот регион.

Во моментов белиот ориз се откупува од 53 до 55 денари за килограм, во зависност од квалитетот. Ваквиот пораст е вообичаен во период кога залихите од минатогодишната реколта се трошат, но сепак прогнозите беа дека нема да биде надмината границата од 50 денари.

Кај откупните претпријатија нема застој, односно ги купуваат сите понудени количини. Велат дека побарувачката на пазарите во државата и соседните земји има благ пораст, па се најавува дури и увоз.

Повеќе...

ruen408.07.2013  В четврток треба да биде решена понатамошниот развој на настаните околу продажбата на кочански “Руен“.

На закажното  Собрабние на доверители, што по првиот неуспешен собир во средината на јуни се презакажа за 11 јули, треба да даде одговор за натамошната судбина  на фабриката и поранешните вработени. Со оглед што  на состанокот минатиот месец се појавија доверителите кои имаат побарувања од “Руен“ од само околу 31 отсто, Собранието не се одржа. Тогаш требаше да се направи договор за третиот оглас за продажба на имотот на фабриката, откако на претходните два не се јави ниту еден купувач.

Работниците кои чекаа пред Судот беа разочарани од таквиот однос на доверителите, а претставникот на синдикалната организација повика на поголема совесност, со надеж дека на следниот состанок ќе има поголем одзив.

Повеќе...

grdovci08.07.2013  За да се стигне до трошната куќарка на Љуба Ангелова во Грдовци треба да се помине низ кал и остатоци од фекалии во дворot, излеани од селската канализација.

Иако нејзиниот дом е на сред село, условите што ги има во него, благо речено се мизерни. Старицата се жали дека со години живее во влага и неподносливата смрдеа.

Друштво и прават двете полнолетни деца, кои со нарушеното психичко здравје се принудени да ги трпат и нехуманите услови за живот. Излеаната вода од канализацијата после секој обилен дожд ги поплавува двете скромни собички.

Повеќе...

ratko otcet08.07.2013  Изминаа 80 дена од почетокот на вториот мандат, па на прес конференција градоначалникот Ратко Димитровски даде отчет за сработеното.

Притоа тој се осврна на реализираните проекти, пред се за реконструкцијата и асфалтирањето на повеќе улици, поставувањето дренажни цевки и потпорни ѕидови, како и изградбата на армирано-бетонски мост во село Полаки.

- Реконструирана е улицата “Љупчо Сантов“ во должина од 360 метри и широчина од 8 метри со нов асфалт. Реконструирани и асфалтирани се 1300 метри квадратни од улицата “Славчо Стојменов“, асфалтирана е улицата “Мишо Арсов“ во должина од 295 метри и широчина од 5 метри. Со поставување дренажни цевки и потпорни ѕидови за асфалтирање се подготвува улицата “Крум Вранински“ во должина од 430 метри и широчина од 5 метри, чие финансирање е со грант од Светска банка во вредност од 3,5 милиони денари, рече Ратко  Димитровски, градоначалник на Општина Кочани.

Повеќе...

Posta05.07.2013 45-годишниот Б.Д. вработен како одговорно лице во „Македонска Пошта“ Кочани, 40-годишниот Г.В. вработен како трезорист и 59-годишниот С.С, оператор на платен промет, заработија кривични пријави за несовесно работење во службата.

Еден од пријавените, според МВР, во 13 случаи подигнал средства од трезорот на поштата во Кочани како премии за редовно работење, а во 11 случаи изготвил документација за фиктивни вишоци на пари што си ги присвојувал за себе.

Останатите пријавени се осомничени дека не воделе евиденција за состојбата на трезорот и не вршеле проверка на документите што ги добивале од првопријавениот.

Повеќе...

vodostopanstvo205.07.2013 Во моментов по десниот магистрален канал течат 4 ипол метри кубни вода во секунда вода . Вода се дистрибуира до сите водни заедници кои го измириле долгот и ги платиле ратите за заостанат долг, информираше директорот на ВП „Брегалница“ Зоран Беличев.

Од претпријатието упатуваат апел до сите корисници навреме да си ги подмират долговите. Во спротивно ќе им биде прекината дистрибуцијата на вода.

Најдолжни спрема претпријатието се водните заедници од Истибање и Виница, велат од претпријатието. Затоа спрема нив не се врши дистрибуција на вода.

Инаку , веќе четири дена Водостопанство Брегалница работи на санирање на хаваријата на десниот магистрален канал помеѓу Мустафино и Свети Николе.

Повеќе...

Pcelari05.07.2013 Деновите во почетокот на јули е период кога пчеларите се најактивни на терен. Го цедат медот. Почетокот на летото претставува кулминација на вегетацијата по што следи дозревање на овошните плодови, градинарските култури и проретчено цветање на ливадските цветови или се заедно од пчеларите наречена тивка летна паша се разбира и издашна доколку во почвата има доволно влага или повремени дождови. Со одземањето на медот во овој период на пчелите им се овозможува да си ги надополнат за нив неопходните медни залихи за успешно презимување и понатамошен опстанок.

Пчеларите се активни на терен но временските услови не им се наклонети, рече секретарот на пчеларското здружение „Златна кошница“ од Кочани Ванчо Ќировски.

Повеќе...

Осветување на манастирот “Св. Климент Охридски“ - Осоговски Планини

19°C

Кочани

Ведро
Влажност на воздухот: 88%
Ветер: SSE при 4 kmh
Среда17°C/28°C
Четврток16°C/26°C
Петок16°C/29°C
Сабота17°C/32°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 145 гости и нема членови


web counter



qr code