Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

klupi17.07.2013  Ниту една клупа не е поставена на улицата “Тодосија Паунов“, на потегот од Градскиот парк до излезот на градот кај СОУ “Ѓошо Викентиев“.

Граѓаните реагираат дека на делницата долга околу 2 километри не постои место каде може да се приседне по пешачењето, иако тротоарот има доволна широчина за поставување урбана опрема. Тие oчекуваат Локалната самоуправа да поведе поголема грижа, не само за жителите на централното градско подрачје, туку и за оние што живеат во околните населби.

- Јас сега доаѓам од Штип, да се поставт овде некои клупи, па да се направи некој украс, да се стави цвеќе, за милина е тоа таму што го видов... Нема каде да одмориш никаде, клупи нема и одмор нема, на улица падни и умирај, тоа е, рекоа граѓаните.

Повеќе...

orizari baraki317.07.2013  Времените објекти кај православниот храм “Свети Атанасиј“ во Оризари, што не се користат со години, веќе се обраснати во трева и грмушки.

Жителите велат дека одамна ја немаат својата функција и сега се претворени во јавни тоалети, скривалишта за животни бездомници и руини што го нагрдуваат изгледот на центарот на населбата. Затоа преку лична иницијатива, доставена до месната заедница, бараат општината да преземе мерки за отстранување на бараките. Очекуваат дека по остранувањето местото ќе се уреди, за што имаат и свои предлози, за да се вклопи во околината.

- Срамота  голема е, колку убава црква,a под неа местото стоi како пусто. Кога црквата е убава, и ова треба да е убаво. Не е работата само дворот, туку и патот треба да е убав, треба се околу тебе да биде убаво... Тука би требало некое забавно, луна паркче да биде, со фонтана некоја, ќе биде стварно убаво, велат жители на Оризари.

Повеќе...

vlez kocani217.07.2013  На местото каде што се одвојува магистралниот пат М-5 од локалниот патен правец Штип – Кочани, на потегот кај Подлог, стои скромна табла со името на градот во кој  се влегува или покрај кој се поминува.

Влезот во Кочани, од чија лева страна се протега дел од новата индустриска зона не дава некој посебен впечаток или едноставно кажано, воопшто не е соодветен со имиџот што го гради или настојува да го зачува Кочани – еден од најчистите градови во државава, градот познат по зеленилото и среденото корито на Кочанска Река. 

Несреден и неосветлен терен, обраснат со сува и висока вегетација, неугледен патоказ. Неретко, по некое купче отпад и лош асфалт преполн со дупки. И така е со години.

Повеќе...

Osogovija217.07.2013  Природниот парк Беласица во Бугарија и неговото влијание врз економскиот развој на општините што гравитираат околу него е примерот од кој македонските градоначалници од Осоговскиот регион, треба да добијат практични искуства што можат да се применат кај нас.

За таа цел, Македонското еколошко друштво за сите нив организираше посета на новоформираното заштитено подрачје во соседната држава.

На средба со градоначалникот на Петрич им се претставени предностите и предизвиците со кои се соочува оваа бугарска општина, со намера таквите искуства нашите преставници да ги применат на потенцијалното заштитено подрачје Осогово.  

Повеќе...

crven krst17.07.2013  70 млади волонтери на Црвен крст од повеќе општински организации од државата се дел од големиот Летен камп на Лисец, што веќе неколку години по ред го организира општинската организација на Црвен Крст во Виница.

На надморска височина од 1510 метри , во кругот на планинарскиот дом на Лисец, средношколците ќе имаат четиридневно дружење и забава.

Целта на овој камп е спроведување на активности за откривање и истражување на природните потенцијали на Лисец.

 

Повеќе...

investicii316.07.2013  Најавите од Агенцијата за странски инвестиции дека американска компанија планира во источниот дел од Македонија да инвестира во изградба на капацитети за производство на автомобилска опрема ги подгреваат надежите дека овој дел од државата може економски да заживее.

Иако се уште официјално непотврдена, во Кочани веќе кружи информацијата дека била изразена подготвеност на странски инвеститор кај нас да вложи во објект во кој ќе се произведуваат кабли и електронска опрема за патнички возила. Производствениот погон за почеток бил димензиониран да ангажира околу 200 работници, а во зависност од потребите подоцна овој број можело и двојно да се зголеми.

Нема дополнителни информации дали за оваа намена инвеститорот би вложил во некој од поранешните фабрички капацитети што не работат или пак ќе се гради комплетно нов објект.

Повеќе...

Ruen1116.07.2013  Може ли “Руен“ да стане капацитетот во кој повторно ќе вложи странски инвеститор?

Ова е прашањето што во Кочани си го поставуваат и поранешните вработени, и доверителите, и одговорните за стечајната постапка на фабриката. Иако секој од свој аспект и со сопствена математика во можниот одговор, оптимизмот се базира и на досегашните најави од заинтересирани купувачи од Турција, Италија, но и од можноста за сосема ново инвестирање од компанија која доаѓа од автомобилскиот сектор.

Не се испуштени сите шанси за ослободување од хипотеките, завршување на стечајот и повторен старт на некаков вид производство во “Руен“. Согласен со тоа е и стечајниот управник Драги Димовски, кој смета дека е направен извесен позитивен чекор со неодамнешната одлука на Собранието на доверители да не се бара почетна цена при продажбата на имотот на фабриката.

Повеќе...

stecajci216.07.2013  Скоро еден месец стечајните работници од Кочани се спречени да ја користат салата на Мултикултурниот центар за да ги одржуваат работните состаноци.

Забраната за тоа, што ја добиле од Локалната и од градоначалникот, ги натера да поднесат писмено барање за средба со првиот човек на Општината. Во дописот го информираат дека бараат средба со него за да ја расчистат дилемата зошто не можат да користат јавни простории за своите потреби.

Сепак, и покрај обидите да се сретнат со Димитровски, засега поради неговите чести отсуства, средбата не е реализирана. Заради тоа на стечајците им преостанува меѓусебно да се среќаваат само на улица.

Повеќе...

Katastar1116.07.2013  Агенцијата за катастар на недвижности ќе го подобрува своето работење со нудење услуга за електрoнски катастар за граѓаните.

Користејќи го периодот кога поголем дел од граѓаните се на летен одмор, во Kатастарот започна тестирањето со паралелна работа на новaта верзија на електронскиот катастар со вклучена графика. Тестирањето се прави заради потребниот премин на новата хардверска и софтверска платформа што ќе овозможи побрза и поквaлитетна услуга за корисниците.

Од Катастарот информираат дека поради оваа активност во наредните денови може да дојде до зголемување на времeто потребно за прием на предмети и издавање на податоци на шалтерите.

Повеќе...

kultura216.07.2013  И Кочани влегува во групата од 29 општини во кои по шести пат ќе се организира манифестацијата “Топол културен бран“.

Во Локалната самоуправа рекоа дека тие навреме ја поднеле пријавата за финансирање на содржините што ќе им бидат понудени на граѓаните, но не сакаа да излегуваат со дополнителни информации, затоа што се уште не добиле потврда дали е прифатен целиот проект или пари ќе има само за одредени активности.

На веб страницата на Министерството за култура исто така стои податокот дека Кочани влегува во групата општини каде програмата ќе се реализира во две етапи, од 20 до 31 јули и од 20 до 31 август. Меѓу содржините што финансиски ќе се помогнат влегуваат проекции на филмови од македонската филмска продукција, детски претстави и други содржини наменети за најмладите, потоа рок-концерти и настапи на македонски естрадни уметници, изложби на млади ликовни уметници, како и поетски вечери.

Повеќе...

Осветување на манастирот “Св. Климент Охридски“ - Осоговски Планини

9°C

Кочани

Ведро
Влажност на воздухот: 87%
Ветер: North при 0 kmh
Четврток9°C/26°C
Петок8°C/26°C
Сабота7°C/24°C
Недела7°C/21°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 111 гости и нема членови


web counter



qr code