Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

rabotilnica504.07.2013 Јакнење на капацитетите и демократските процеси на донесување одлуки од областа на заштитата на животната средина во локалните самоуправи, проект на Здружението за рурален развој „Јавор“ од Зрновци што ќе се спроведе во Зрновци, Чешиново-Облешево, Виница, Карбинци и Каменица. Програмата ја спроведува Центарот за институционален развој ЦИРА и е финансирана од Швајцарската агенција за развој и соработка, претставувана од Канцеларијата за соработка во Македонија. Најпрвин беше извршена оценка за влијанието врз животната средина.

- Наредни обуки се оценка на Б интегрирани еколошки дозволи и учество на јавноста при водење на постапката за Б интегрирана еколошка дозвола и стратегиска оцена за влијанието врз животната средина -рече Жаклина Голчева, претседател на Здружението за рурален развој „Јавор“.

Повеќе...

tito04.07.2013 Членовите на Здружението на граѓани „Јосип Броз Тито“ од Кочани кои го почитуваат ликот и делото на поранешниот претседател на Бивша Југославија секогаш достојно ги одбележува значајните југословенски празници. Со положување цвеќе на паднатите борци во Паркот на револуцијата во Кочани го одбележаа 4 јули ден на борецот во СФРЈ кога комунистичката партија на Југославија во Белград донесе одлука за кревање на востание.

-Востанието почна прво во Србија на 7 јули , па во Црна Гора на 13 јули и во сите останати републики, за на крајот и во Македонија да се кренеме на востание на 11 октомври 1941 година со пукањето на првата пушка во Прилеп и Куманово. По тој повод и ние денеска се собравме да им оддадеме почит на оние кои ја создадоа оваа држава чии коски се втемелени во основите на оваа држава како на Македонија така и на Југославија бидејќи во војната загинаа многу добри синови на Југословенските народи, рече Трајчо Трендов , претседател на ЗГ „Јосип Броз Тито“ од Кочани.

Повеќе...

petrovden04.07.2013 На 7 јули, на Каракашева чешма ќе се одржи турнир во ловно стрелање, дисциплина трап, а на 9 јули во 20.45 ч. покрај кејот на Кочанска Река ќе има ликовен хепенинг.

В петок, на 12 јули во 9 часот, во салата на Советот на Општина Кочани, градоначалникот Ратко Димитровски организира прием на ученици - добитници на награди на државни и меѓународни натпревари. Во 11 ч. кај чешмата со мозаикот на ликовите на Петар и Павле во Градскиот парк во Кочани, ќе се одржи црковната церемонија на кршење на петровденскиот колач.

Во 12 ч., во салата на Мултикултурниот центар, Советот на Општината ќе ја одржи свечената седница на која ќе бидат прогласени и добитниците на највисоките општински награди.

Повеќе...

zrebka04.07.2013 Осум екипи се пријавени за учество на Петровденскиот турнир во категоријата над 16 години каде се плаќаше котизација по 3000 денари.

Во Локалната самоуправа беше извршено жребувањето. Екипите се поделени во две групи. На турнирот ќе нема шанси за поправен, место во завршницата ќе има само за првопласираните две екипи во групите .

-Игрите почнуваат од понеделник, па се до Петровден кога е завршницата. Во првата група во понеделник во 18.00 играат „Елемент“ и „1 Мај“, а во другиот натпревар во 19.00 часот ќе се сретнат „Амигоси“ и „Еко-Оил“. Во вторник во втората група играат „Истра“ и „Македонија -Горни Подлог“ , додека во 19.00 часот „Инвест- градба“ и „Европа 92“.

Повеќе...

Sednica03.07.2013 На петтата седница на Советот копјата очекувано се кршеа околу финансискиот извештај од работата на КЈП „Водовод“. Го презентираше директорот Љупчо Папазов, за кого  квалитетот на услугите бил поважен од самиот финансиски резултат.

-За бројки можеме да дискутираме бескрајно и аналитички да се споредуваат годините наназад и секогаш одново ќе се враќаме на она што го даваме како квалитет на услугата. И навистина ќе бидеме позадоволни ако даваме квалитетна и навремена услуга, а на другата страна и не мора да имаме којзнае каков финансиски резултат за да покажеме дека и во тој аспект работиме успешно -рече Љупчо Папазов, директор на КЈП „Водовод“.

Но, опозициските советници имаа поинаков став.

Повеќе...

komora603.07.2013 Презентација пред претставници на бизнис секторот во Општина Кочани со цел запознавање со проект кој е во имплементација на Македонската развојна фондација за претпријатија, Сојузот на стопански комори на Македонија и невладината „ХАМ“ од Делчево.

Проектот е во рамки на претпристапните фондови на Европската Унија со можност да се направи определен придонес за намалување на невработеноста во Источниот дел на Македонија.

Поентата е да се вклучат одредени градови од истокот како што се Кочани, Штип, Радовиш, Берово, Пехчево, Делчево. Таргет група се жените од етнички малцинства и да се допринесе на глобално ниво за намалување на невработеноста на претставниците од овие етнички заедници.

Повеќе...

gimnazija503.07.2013 Изведувачот и инвеститорот на проектот „За санација и реновирање на подните површини во СОУ „Љупчо Сантов“ претставници од Министерството за образование и наука денеска беа во посета на училиштето да направат увид на состојбата со цел брзо отпочнување со реализација на проектот.

Станува збор за проект што се однесува на комплетна санација и реновирање на подните површини во целото училиште. По направениот увид на состојбата од страна на претставниците од Министерството за образование и наука констатирано е дека градежните активности треба да започнат наскоро.

Во втората фаза од проектот се планира реновирање на санитарните јазли и замена на прозорците и вратите во училиштето.

Повеќе...

sv.naum ohridski03.07.2013 Закрилник на селото Чифлик е Светиот Наум Охридски Чудотворец. Желбата на мештаните беше да се изгради црква посветена на овој светец. Храмот е изграден, во најголем дел , со средства од месното население и донации од поединци и работни организации. Камен темелникот на оваа црква беше поставен во 2004 година и за само 4 години во 2008 година црквата беше осветена . Чинот на осветување на го изврши Архиепископот Охридски и Македонски г. г. Стефан, со Митрополитите Дебарско – Кичевски г. Тимотеј и Брегалнички г. Иларион во присуство на многуилјаден народ. Црквата во поголем дел е фрескоживописана.

-Црквата почна да се гради на иницијатива на луѓето од селото затоа што одевме по други цркви за крштевање за венчање. Сега тоа се прави во оваа црква. Ги има сите услови за такво нешто, рече Илија Нисов, член на црковен одбор.

Повеќе...

Zetva-202.07.2013  Се собира родот од последните ниви засеани со јачмен во Кочанско. Очекувањата на земјоделците за богат род само половично се исполнети.

Се жалат дека лошите временски услови во периодот на жетвата, кога за само десетина дена на двапати имаше врнежи од град, им нанеле големи штети.

- Голем проблем, тоа да ти кажам е 60-70% изронето, не остана ништо. Нема да ожнееме ништо, дали ќе има по 200 килограми, а некаде нема ни по 50 килограми од декар. Тоа е лом, се гледа на дело... Трканското и подлошкото поле кај Долни Подлог е најоштетено. Имам пченица таму, 60% се е по земјата полегнато, зрната се изронети како да е сеано, повеќе од сеаното е, рекоа земјоделци од Тркање.

Повеќе...

Grobista-Orizari-202.07.2013  Недостигот од простор е причината поради која месната заедница од Оризари достави барање до Советот на Општина Кочани за затворање на централните, т.н. стари гробишта во населбата.

Подолг период овде не се вршат погреби на нови парцели, туку само повремено за таа цел се користат постојните гробни места.

Гробиштата се на мала површина од околу илјада метри квадратни и не ги обезбедуваат ниту основните просторни и санитарни  услови. Освен тоа, со растот на селото во непосредна близина се изградени и куќите од месноста Устран дол.

Повеќе...

Осветување на манастирот “Св. Климент Охридски“ - Осоговски Планини

19°C

Кочани

Ведро
Влажност на воздухот: 88%
Ветер: SE при 4 kmh
Понеделник17°C/31°C
Вторник17°C/31°C
Среда16°C/32°C
Четврток17°C/32°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 108 гости и нема членови


web counter



qr code